BIMBINGAN MAMRE Tgl 23-29 JULI 2017

BIMBINGAN MAMRE Tgl 23-29 JULI 2017

Thema:NARKOBA, HIV AIDS

Ogen:EFESUS 5:3-5,MATIUS 9:12-13

Pdt Maria E br Sitepu

Pengantar

salah sada keistimewaan manusia eme itepa segambar ras serupa ras Dibata. Ibas pengertin manusia secara fisik bagepe sifat situhuna bali ras Dibata. Emaka ibas kegeluhenna pe harusna icidahkenna biak biak Dibata si tuhu tuhu badia. Tapi kenca manusia ndabuh ku bas dosa kata badia tentu jadi sada hal si ndauh rasa sing man manusia.

seh maka Dibata pe inisiatif mpelimbarui kegeluhen manusia arah penebusen Kristus Yesus. Emaka selaku manusia si enggo itebus, manusia harus njagai kebadian Dibata si lit ibas dirina.

Isi

Kata enda me sijadi persinget rasul Paulus man perpulungen Efesus, arah ogen ta tangkas ikataken Paulus man perpulungen uga kin arusna kegeluhen anak anak terang. Eme anak si nggo sikerajangen Dibata. Si la arus lit ibas anak terang eme: erlualua, ras lagu la mehuli. La patut icakapken pe, bagepe cakap caram, kemali. Sebab asa kai kalak singelakoken e la dat bagin ibas kinirajan surga. Sebab kinirajan surga ingan Dibata si badia, tentu ingan e badia janah iiani kalak sibadia ka pe.

Emakana  sura sura Dibata mpebadiaken kerina manusia si lit I doni enda, emakana ibas matius 9 tangkas kataken Yesus man kalak Parisi, si mpebujur bujurken banna alu menghakimi pengalo cuke. Maka situhuna siidarami Yesus emekap kalak si perdosa gelah siperdosa e pe banci iselamatken janah banci pe geluhna igeluhken badia adi nggo iangkana dingen ietehna geluh si uga nge siisuraken Dibata.

Aplikasi

Selaku manusia kita la terlepas ibas dosa, termasuk dosa erlua lua dingen la meteh mela. Enda tandanan manusia la ngkelengi dirina. Melala manusia lanai akapna merga dirina, la ijagana kebadian kulana she maka pinakit sosial rusur turah. Ibas zaman enda narkoba lanai asing sibegi. Salah sada cara sibanci ncedaken kerina kegeluhen manusia, sebab erkiteken narkoba, manusia lanai keleng atena kulana, melala si overddosis dungna mate, melala si adon, bahkan masa depan manusia pe terancam sebab nggo menda menjalar bahkan ku anak sikitik pe. Pergaulan bebas pe ibas zaman enda nggo biasa si dungna mpeturah pinakit si seh asa genduari lenga ieteh tambarna emekap HIV AIDS. Enda me si jadi persinget pe man mamre, selaku manusia si paling gampang terpengaruh, kubas pergaulan bebas, narkoba rsd. Selaku mamre ertanggungjawab pe guna njagai seisi jabu gelah ola gampang terpengaruh kubas budaya geluh zaman sigenduari si la ngena ate Dibata.