BIMBINGEN PJJ Tgl 02-08 Juli 2017

BIMBINGEN PJJ Tgl 02-08 Juli 2017

THEMA:SIAJAR-AJAREN RADU PENTAR

BAHAN:Masmur 78 : 1 - 8

Pdt. Maria E br Sitepu

                         

-          Penjelasen Teks

Ibas kegeluhennta tep-tep wari tentuna me rusur siidah biak kalak si mungkin banci maba kemajun man kalak sideban bagepe si la banci maba kemajun man kalak sideban. Salah sada sifat si mekelekna kal ibas jelma si gundari eme “ adi lit kalak sangana datas i juk-jukna gelah ndabuh” si enda situhunna eme biak si la banci lit ibas kegeluhennta

erkiteken kita eme makhluk sosial ntah pe makhluk si butuh berhubungen ras kalak sideban, emakana perlu lit simbiosis mutualisme ntah pe radu-radu dat keuntungan ibas kegeluhen enda. Tapi aminna pe nggo me sisadari biak enda tetap lit bas diri manusia erkiteken jiwa saingnta nggo me mengarah ku arah sideban, emakana lanai siakap pas adi lit kalak hebaten asangken kita.

Hal enda tentuna berlaku ka adi kita ngerana masalah pengajaran. Ibas geluh enda tentu me kita rusur erlajar, subuk formal ntah pe informal, subuk arah pengalamen geluhta ntah pe pengalamen geluh kalak gelah kita kerina banci radu-radu datken kepentaren guna dalani geluh enda. Tapi enterem denga kita la erban bagi kai kin situhuna ilakoken. Kita cenderung mengutamakan dirinta ibas si e kerina ntah pe ula min lit kalak ganjangan asangken kita.

Ibas bahan pengogennta ibas minggu enda, pemasmur ngajuk man bangsa Israel gelah :

1.      Belajar ibas sejarah nari

Hal si enda tentuna penting, erkiteken sejarah me si membentuk kegeluhen bangsa Israel  la banci nadingken sejarah aminna terkadang pagit untuk iinget.

Sejarah nuriken uga gelah Dibata isembah tapi arah sejarah enda pe banci ernin uga kuasa Dibata nandangi kegeluhen bangsana.

2.      Asaf mabai bangsana gelah ngajarken ras mpetandaken Dibata ras   perbahanenNa.Uga kehebatan Dibata ibas keleng ateNa man kalak sindalanken perentah Dbata rikut ugaka pernembeh Dibata man kalak sinundalken IA.

 

-          Aplikasi

Emakana pengajaran e seh kal pentingna erkiteken si eteh belajar eme cara gelah metehsa janah si meteh per eh pentarna. Emakana harus8 siinget ngajar eme mentransfer ilmu man kalak janah mengasah ilmunta ka. Jadi adi siukuri arah si enda labo lit situhuna jelma si irugiken ibas kita mereken pengajaran janah ngaloken ajar e, erkiteken radu-radu kita dat ken keuntungan ibas si e kerina. Tapi perlu ka siinget bagi bahan pengogennta ibas minggu enda, pemasmur nuruh man kerina bangsa Israel guna erlajar arah sejarah, tentuna ibas sejarah enda pasti lit kejadin si la bagi ukur. Hal si enda tentuna dalan-dalannta gelah reh pentarna kita guna dalani kegeluhen enda. Emakana marilah kita radu siajar-ajaren ibas dalani geluh enda, gelah pengalamennta banci jadi pelajaren si berharga man kalak janah pengalamennta enda pe banci jadi pelajaren si luar biasa ibas kegeluhen pribadinta.