BIMBINGEN MORIA Tgl 16-22 Juli 2017

BIMBINGEN MORIA Tgl 16-22 Juli 2017

Thema:MPELAJARI UNDANG-UNDANG

Ogen:Ulangen 30 : 15 - 20

Pdt. Maria E br Sitepu

-          Penjelasen Teks

Adi kita mulih ibas tema pa moria minggu si lewat, tentuna si inget uga minggu si lewat isingetken man moria gelah mediate ras kepate nandangi teman si sekelewetna janah hal si enda tentuna perlu erkiteken sadar ntah la sisadari lingkungan ija kita tading tentuna mereken pengaruh nandangi jabu sekalak moria, emakana iarapken moria la banci lang turut muat bagin ibas daerah sekelewet inganna tading. Emakana ibas minggu enda,

mulih ka ipersingeti man moria gelah sadar tugas ras tanggung jawabna selaku sekalak warga Negara eme gelah pelajarina undang-undang.

Hal si enda penting man moria situhunna erkiteken sedekah enda adi siidah moria e labo terlalu peduli masalah si bagenda rupana, ia lebih cenderung sibuk ibas urusan keluarganna janah hal si bage na  tentuna iberekenna man mamre guna ngurusisa. Tapi adi siukuri secara logika, kerina kita si nggeluh i babo doni enda tentuna pasti iatur arah hukum ntah pe undang-undang subuk e undang-undang agama bage ka pe undang-undang Negara ija kita tading. Hal si enda tentuna berfungsi guna maba kiniteraturen ibas perdalanan masyarakat ntah pe maba kedamen ras ketentramen man kerina jelma. Erkiteken adi siukuri adi manusia la iatur undang-undang ntah pe hukum tentuna kegeluhen enda nggo me sieteh kuja perlawesna, ate-ate manusia kerina kai si ate ibahanna. Emakana moria penting guna belajar undang-undang guna tanggung jawabna selaku warga Negara janah tentu banci mereken rambu-rambu man moria ibas kegeluhenna. Engkai maka bage ningku ?

Adi siperdiateken gundari enda, moria biasana seh kal meriahna adi gelarna make medsos. Mpelajari undang-undang ibas minggu enda, penting ka man moria guna metehsa undang-undang ibas penggunaan medsos enda gelah ula kari erkiteken la sieteh maka jadi masalah ibas pudi wari.

Hal si enda siakap musa seh kal pentingna nandangi musa guna man bangsa Israel, ibas waktuna si lanai ndekah ras bangsa Israel enda. Ibas bagin pengogennte tole nari ipersingeti musa man bangsa Israel uga pentingna ketaatan bangsa Israel nandangi hukum si nggo bereken Dibata man bangsa Israel. Janah ingetken musa ka tole adi la iikutken bangsa Israel kai perentah Dibata man bangsa Israel maka bangsa e ndatken ukumen ibas Dibata nari.. 

-          Aplikasi

Mpelajari undang-undang tema moria ibas minggu enda, labo ertina ngatakenca gelah moria jadi pakar hukum ntah pe undang-undang tapi si lang-lang ietehna undang-undang si lit ibas kegeluhenna. Sedekah enda me melala kita moria la metehsa kai saja undang-undang enda emakana kita buta undang-undang. Gundari melala siidah masalah KDRT pe nggo jadi undang-undang janah masalah berita si la payo ibas medsos nggo me lit undang-undangna jadi situhunna nggo me kita aman ibas geluh enda, tapi persoalen mulih ka kita sieteh ntah lang undang-undang e, ula kari kita lalap make kekerasan ibas dungi persoalen. Emakana marilah man moria gelah nggit erlajar undang-undang guna kiniulin dirina bagepe man jabuna.terlebih–lebih ibas masalah sigenduari eme humantrafficking,anak,perempuan,peralihen fingsi hotel jad irumah kitik-kitik