BIMBINGEN PJJ 28 AGUSTUS - 3 SEPTEMBER 2016

BIMBINGEN PJJ

KINIULIN TINEPA DIBATA

Nats : Mazmur 104 : 1 – 35

Pdt. Maria E br Sitepu

-          Pengantar

Adi siperdiateken piga-piga kinata kegeluhen si gundari eme :

1.      Deleng sinabun si la pernah ngadi-ngadi mbeltuk.

2.      Lalat buah si ncedaken rimo perjuma

3.      Banjir i piga-piga daerah

4.      Kasus pengeboman gereja Katolik

5.      Ras kejadin sidebanna, si la teritung jumlahna

Si ncidahken uga tinepa Dibata nggo lanai mehuli adi bage nina temanta ibas bahan pjj enda. jadi tuhu kin lanai mehuli Tinepa Dibata ?

Emakana mari siperdiateken lebe bahan pengogennta ibas wari sisendah enda

-          Tafsiran Mazmur 104 : 1 - 35

Bagin enda ibagi ibas 3 bagin, eme

1.      Ayat1-9 e emekap kata pengajuk pemaszmur ma kerina jelma ibas doni enda guna muji-muji kiniulin Dibata si mbelin erkiteken kiniulin kerina tinepana.

Tapi adi siperdiateken gundari melala kalak si lanai muji tinepa Dibata. erkiteken bagi si pertama ndai, nggo melala tinepa Dibata enda, erbahanca manusia ngenanami kiniseran

2.      Ayat 10 – 30. Ibas bagin enda, I turiken pemazmur uga kiniulin tinepa Dibata enda. uga tinepa enda erguna man kerina. janah turikenna ka kai tugas ras fungsi tinepa Dibata enda.

3.      Ayat 31- 35. Bagin enda ngerana  uga pemazmur menyadari uga mbelinna kuasa Dibata enda ibas tinepaNa. Emakana pemazmur menegaskan man dirina gelah kai si terjadi bas dirina ia la banci lang tetap muji ras mpermuliaken gelar Dibata.

Menarik kai si itulis pemazmur enda. tapi uga adi sihubungken ibas bagin awal ndai ?

Lit piga-piga pernyataan si mungkin banci sipahami ntah pe sipepayo ibas pusuhta sekalak-sekalak. Eme :

1.      Air maler ibas ingan si meganjanga ku ingan si meterukna.

2.      Dukut turah ibas tanah.

3.      Gadung erbuah kuteruh

4.      Rsdna kerina

Pernyataan enda nggi encidahken bahwa tinepa Dibata enda la pernah berubah mulai tangtangna nari ia lit seh ngasah gundari bage-bage lalap.

Gundari masalahna labo bas tinepana tapi bas ise si isuruh guna njagasa.

Ise si njagasa ?

Kita saja jawab bas pusuhta sekalak-sekalak.

Ingat tinepa enda itepa Dibata alu tugas ras tanggung jawab si mehuli, tapi erkiteken kepentingan si erbahanca lanai bagi kai harusna tinepa Dibata enda.