BIMBINGEN MORIA 31 JULI - 6 AGUSTUS 2016

BIMBINGEN MORIA

MPLIMBARUI CARA RUKUR

Nats : Pilipi 3 : 1-11

-          Pengantar

Ibas doni enda perubahan si terjadi bas manusia, biasana lit sebabna, contoh :

-          Nggo lanai melala ia man, erkiteken tinggi gula darahna

-          Nggo lanai rusur ndarat tengah berngi erkiteken nggo ka rusur masuk angin.

-          Rsdna kerina

Hal idatas kerina tentuna isebabken erkiteken kesehatan ntah pe man keuntungan dirinta, tetapi misalna adi :

-          Nggo ka kita la iperkuanken kalak, ngasup kin kita pelimbarui caranta rukur ?

Enda si pemena

-          Nggo nyaman siakap kai silakoken, tapi kepeken hal si enda la sue ras kai situhunna si arus si lakoken, ngasup kin kita pelimbarui si e ?

-          Tafsiran Pilipi 3:1-11

Surat enda eme surat peringatan si bereken rasul Paulus nandangi Perpulungen i Pilipi, lit piga peringatan rasul Paulus nandangi perpulungen i Pilipi :

1.      Metengetlah (ayat 2)

2.      Kita si nggo ngaloken sunat si tuhu-tuhu (ayat 3) labo lahiriah ngenca

3.      Ibadah alu dasar lahiriah. Ertina ibas paksa si e lit piga-piga perpulungen si terlalu menekankan hal-hal lahiriah bas peribadahan.

Emakana ibas bagin enda, rasul Paulus ngajarken man perpulungen Pilipi bahwa lit hal-hal si harus tetap ijaga ras ipelimbarui berkaiten ras kiniteken man Tuhan Yesus Kristus.

Janah adi siperdiatekenka ayat selanjutna, tangkas kal uga rasul Paulus mpetandaken ise situhunna dirina, tapi ibas si e kerina, erkiteken kerina si lakokenna salah nggit ia mpelimbarui ntah pe memperbaharui kai si nggo salah i lakokenna. Aminna pe harus lit resiko si labo positif si alokenna arah keluarga ras teman-temanna ibas keputusan si nggo bahanna.

-          Kaiten ras tema

Emakana sue ras tema moria, ija ikataken gelah moria ngasup mpelimbarui cara rukur, situhunna e labo mesera adi hal si enda guna keuntungan material kita, tapi adi misalna si enda mengancam kenyamanan si nggo lit bas tengah-tengah kegeluhennta, ngasup kin kita mpelimbaruina ?

E gundari penungkunen man kita moria ngasup kita nadingken kerinana guna Dibata. bagi penungkunen sekalak anak perana nandangi Yesus gelah banci ia dat keterkelinen, kai nina Yesus “Dayaken kerina ertandu janah bagiken man kalak”, ngasup kin kita bage ? jawabanna bas kita sekalak-sekalak.