BIMBINGEN PJJ 07-13 Agustus 2016

BIMBINGEN PJJ 07-13 Agustus 2016

Thema:JAGAI KULANDU

 Bahan Nats : Kuan-Kuanen 23 : 19 – 21; 1 Korinti 6 : 19-20 

Pdt. Maria E br Sitepu

-          Pengantar

Pernahkah si begi istilah bahwa geluhta enda bagi kertas Putih ?

Ras me sieteh kai ertina istilah si e ?

Adi sipegermetken istilah enda, memang payo kin, kita enda bagi kertas putih si ibas perdalanen geluhta la banci lang akan itulis alu tinta. Tinta e tentuna eme pengalaman geluh subuk si bagi ukur ntah si la bagi ukur.  Hal menarik gundari ise kin kari si nulissa kertas putih enda ?

-          Kita ras Dibata selaku si empuna geluh

-          Kalak sideban si nulisa kertas kegeluhenta enda.

-          Tafsiran 1 Korinti 6 : 19 – 20

Ibas bagin si pertama pengogennta ena, ituriken rasul Paulus man perpulungen I Korinti bahwa

1.      Labo seri ras ajaran filsafat bahwa kulanta enda lalit hargana. Tapi kula eme rumah pertoton Kesah Si Badia. Ertina kula e perlu man jagan erkiteken kula enda penting kal.

2.      Kulanta enda labo kita si empuna, tapi Dibata. erkiteken Dibata nggo mate man kita, emakana dirinta enda nggo ia si empuna, jadi kula enda ipake guna muji ras mpermuliaken gelar Dibata.

Emakana ibas bagin enda tangkas kal uga kin situhunna kula si lit bas kita.

Melala kalak erpengakap bahwa kula enda, ingan jiwa ngenca bagi filsafat yunani. Erkiteken si e erbahanca melala kalak si ncedai kulana guna datken kesenangen.

Kai kin situhunna si banci ncedai kulanta enda ?

-          Tafsiran Kuan-Kuanen 23 : 19-20

Bagin enda nuriken uga carana manusia gelah tetap njagai kebadiaan kulana, emekap :

1.      Pentar makeken kula

Maksudna jenda bahwa maun-maun kita la sisadari uga kulanta enda, kita terlalu memaksa dagingnta enda, erkiteken si e melala kalak sakit daging kulana erkiteken terlalu paksaken.

2.      Jaga kula enda, gelah ula ipengaruhi kalak.

Enda si melala terjadi bas kegeluhen kalak, erkiteken enterem kalak labo ia nulis bas kertas putih ndai tapi kalak me si nulis bas kertas putih ndai, emakana banci kita ngenanami perbeben erkiteken kesalahan si ibahan kita. emakana perlu kang kita bijak ibas kita memutusken kai saja berkaiten ras dirinta.

3.      Jagai kulandu

Maksudna jenda, memang perlu jagai kula, tapi inget ula mbiarsa, ula bagi bahan pengogennta enda, erkiteken mbiar, kisat ras sidebanna nggo ka lanai lit kai pe fungsi kula enda, dungna kita si repot erkiteken kula enda ipake guna kiniulin manusia ras guna muji ras mpermuliaken Dibata.  

Emakana marilah si jaga kulanta erkiteken arah enda, banci ka kita ncidahken kekelengenta nandangi Dibata.