BIMBINGEN PJJ 31 JULI - 6 AGUSTUS 2016

BIMBINGEN PJJ

NJAGA KEBADIAN PERKAKAS RUMAH PERTOTON

Nats : Bilangen 3 : 5 – 10

-          Pengantar

Adi siperdiateken gundari, melala rumah pertoton si nggo memiliki koster ntah pe penjaga ras pembersih gereja sisada. Hal si enda tentuna imaksudken gelah lit sekalak si memang focus guna njagai kebersihan gereja enda.

Perban lit istilah bahwa “Kebersihan sebagian dari iman”,emakana sebagai rumah Dibata iusahaken gundari maka gereja secara luar ntah pe bas tetap bersih, gelah metunggung gelari rumah Dibata.

Tapi adi ngerana kita masalah temanta enda. apakah bersih e nggo badia ?penungkunen menarik, erkiteken melala kalak erpengakap bahwa adi nggo bersih nggo metunggung ras nggo akapna badia. Tapi payo kin ? uga kin situhunna kebadian nandangi rumah pertoton enda, ntah pe perkakasna ?

-          Tafsiran Bilangen 3 : 5 - 10

Bagin enda, nuriken uga Tuhan ngerana man Musa gelah pebetehkenna man kalak Lewi gelah ia nampati Imam Harun ibas pelayananna. Kai si harus ilakoken kalak Lewi ?

-          Ngelai ibas kemah perjumpan ntah adi si gundari kataken rumah Pertoton

-          Merawat barang-barang inventaris gereja

Hal si enda si cukup menarik silakoken Tuhan, perban ia secara khusus memerintahkan man Musa guna ndarami kalak lewi si khusus itugasken Tuhan guna nampati pelayanen ras si erdahin ibas rumah pertoton ntah pe kemah perjumpan. Ras perlukah siinget bahwa dahin enda itugasken Dibata tanpa dahin sideban. Jadi tuhu-tuhu dahin kalak enda guna ngelai ras njaga rumah pertoton. Jadi banci siidah jenda, uga Tuhan sangat menghargai ingat umatna guna ersembah.

Penungkunenna man kita, gundari

1.      Tuhan saja mehaga banNa rumah si ipake umatna guna erjumpa ras ia, engkai maka kita lang ?

Janah adi siperdiateken ka mulihken, salah sada hal si menarik adi sinin sejarah bangsa Israel nai, lalit banci kalak biasa ntah pe manusia awam, masuk kubas kemah perjumpan enda, ras ngkuit barang-barang si lit bas. Kalak lewi ngenca banci masuk ras ngerawat barang si lit bas rumah perjumpan.

Hal sienda tentu menarik, perban adi siidah gundari enda,rumah pertoton ntah pe gereja nggo ka bebas kalak makesa, perban lit istilah si ngatakenca “gelah Gereja jadi pasu-pasu man sekelewetna”. Memang payo, tapi inget hal si prinsipil ula kuakap terlanggar. Adi siidah bahannta enda saja uga Dibata secara khusus berupaya gelah tuhu-tuhu ingan perjumpanNa ras anakNa jadi badia, engkai maka kita anakNa la nggit rumah enda badia.

Hal si enda ula ka erbahanca kita nggo salah erpengakap bahwa gereja jadi ekslusif. Lang gereja banci terbuka man ise pe, labo erndobah, tapi inget lit hal-hal si perlu siperdiateken menginget fungsi ras guna rumah Tuhan enda.

Emakana sue ras penungkunennta si arah datas ndai, uga kin gelah badia perkakas rumah pertoton, sangat sederhana pakelah ia kerina guna muji-muji Tuhan, ula lit guna-guna sideban, gelah tuhu-tuhu gereja enda jadi rumah Dibata ingat kita muji ras mpermuliaken gelarna.