BIMBINGEN PA MAMRE,07-13 Agustus 2016

BIMBINGEN PA MAMRE,07-13 Agustus 2016

Thema:NGERGAKEN RAS NGKAWALI NDEHARA

Ogen:Nats Kejadin 12 : 10-20

Pdt. Maria E br Sitepu

-          Ibas sada rumah si iani ndeharana bagepe nandena,tapi sada paksa rumah ndai meseng.  

Ibas situasi genting sibage, kepeken lit sada keputusan penting si arus ibahanndu, kam banci ndarat rumah enda, tapi sekalak ngenca banci selamatkenndu.

Adi kam ibas situasi si e, kira-kira ise si selamatkenndu ? nande ntah ndeharandu.?

Situhunna cerita enda, labo ngatakenca bahwa menyelamatken nande si pentingna, ntah pe menyelamatken ndeharannta si penting, tapi ngatakenca bahwa ibas sada-sada paksa maun-maun kita iperhadapken ibas situasi-situasi si paradoks, maksudna harus salah sada ipilih la banci duana.

Bas bahan mamre sekali enda pe, situasi enda pe terjadi nandangi Abraham si sangana ku daerah Mesir

-          Tafsiran Kejadin 12 : 10-20

Kai persoalen si terjadi nandangi Abraham ibas bahan enda :

1.      Lit kejadin emekap kelihen si mesangat i tanah Kanaan, si erbahanca, Abram ras ndeharana sarai erdalan ku tanah Mesir guna ringan i je kentisik.

2.      Ibas sangana ia i mesir, kepeken lit persoalen, erkiteken ndeharana sarai seh kal jilena.

Ibas paksa si e, adi lit sekalak diberu si nggo erjabu ras diberu ndai mejile reh ku tanah mesir, maka perbulangen diberu ndai ibunuh kalak, gelah banci diberu ndai jadi ndehara kalak mesir

3.      Kepeken si ngena ate raja Mesir man sarai .

4.      Sarai jadi ndehara raja Mesir

Persoalen si luar biasa si sangana menimpa Abram ibas paksa si e. tapi adi si perdiateken bahan enda, kepeken lit hal si la ngena ate Tuhan si ibahan Abraham, eme

-          Ia lebih mementingkan dirina asangken ndeharana erkiteken suruhna sarai gelah mengaku jadi turang Abram.

Luar biasa kal Abram ibas paksa si e, erkiteken keselamatenna korbankenna ndeharana.

-          Kaiten ras tema

Adi sikaitken ras temanta ibas wari enda eme ngergaken ras ngkawali ndehara, lit piga-piga hal si banci pelajari arah bahan enda :

1.      Selaku bapak i tengah jabu ula terlalu egois.

Adi kin memang guna kiniulin kerina kai kin masalahna adi ikutken.

2.      Uga kin model diberunta ntah pe sifat si lit bas ia, ia me kalak si nggo sipilih nemani nggeluhta. Gundari penungkunenna adi lit masalah antara perbulangen ras ndehara. Emekap Ise kin si man perubahennta ? ntah kita situhunna man perubahenken

3.      Tugasta selaku perbulangen eme njagai ras ngkawali ndeharannta.

Emakana situhunna adi kuakap menarik kal cerita enda, erkiteken melala situhunna Abram-abram ibas diri mamrennta gundari, erkiteken lebih mementingken dirina asangken anak ras ndehara i tengah jabu.