BIMBINGEN MAMRE 28 AGUSTUS - 3 SEPTEMBER 2016

BIMBINGEN MAMRE

RULIH ADI MEJINGKAT

Nats : Kuan-kuanen 10 : 2-5
Pdt. Maria E br Sitepu

-          Kata Pengantar

Labo siakap asing istilah bas temanta ibas wari sisendah enda, eme “Rulih Adi Mejingkat”. Ibas ijapape adi kalak mejingkat ia pasti datken rulih ibas kinijingkatenna e. tapi si menjadi masalah gundari ibas temanta enda :

1.      Kai indicator si ngatakenca kalak eme kalak mejingkat ras la mejingkat ?

2.      Rulih si ipahami kita uga kin seharusna. Apakah materi ntah pe sidebanna ?

Emakana guna  jawabsa penungkunen si e, kuakap perlu lebe sipahami bahannta ibas wari si enda, emekap

-          Tafsiran Kuan-kuanen 10 : 2-5

Kitab kuan-kuanen sieteh kerina eme kitab si berisiken pengajaren hikmat nabi Salomo. Ajaren enda imaksudken tentuna gelah manusia ngasup ngelakoken hal-hal si mehuli bas geluhna.

Ibas bahanta enda pe ajarkenna kita uga kin situhunna erta e ras uga cara datkenca.

1.      Labo pas adi kita datken erta ntah pe materi erkiteken kejahaten tapi kai hasil si dat alu kinibujuren seh kal luar biasana manfaatna man kita.

Enda maun-maun salah pemahaman ibas kita, erkiteken siakap bahwa hasil si pentingna tapi inget ibas proses e pe penting. Perban terkadang proses enda si nentu kenca si nikmati ntah lang hasil si datken kita

2.      Kalak bujur tetap iperdiatekn Tuhan.

Kerina sibahan kita ibas geluhta enda, man ise kin ?me tentu man dirinta ntah keluarganta. Jenari dirinta ras keluarganta datken keterkelinen ntah pe kenyamanan nggeluh ? me Dibata nari. Maka jadilah kalak bujur.

3.      Pentar memanfaatkan peluang si lit gelah datken sura-surana

Tapi hal enda kerina usaha banci halal ya. Ertina tetap alu kinibujuren kepentaren enda.

-          Kaiten ras tema

Emakana situhunna tangkas kal bahwa Dibata erpadan adi kalak mejingkat e pasti e rulih, tapi inget :

1.      Mejingkat ertina alu ketutusan ate, labo masalah la pernah ia ngadi-ngadi erdahin ntah pe masalah piga jam ia erdahin tapi alu ketutusan atena.

2.      Mejingkat e ngerana masalah pusuh, ertina kinijingkaten erkiteken merhat ia, labo erkiteken sada perayaken.

3.      Mejingkat e pe harus isertai alu kebujuren ula mejingkat-mejingkat saja tanpa ngukuri kalak sideban.

4.      Adi mejingkat pasti rulih, tapi inget Dibata labo menjamin rulihna enda erta ntah pe sen, tapi kebayaken. Istilah kebayaken e mengandung melala erti bas geluh manusia. Sehat epe kebayaken, keriahen epe kebayaken, labo terjeng materi saja kebayaken e.

emakana penungkunennta gundari kita mejingkat erkiteken biak ntah pe erkiteken kita ngarapken rulih. Rulih siapai kin ateta? Mejingkat saja e nggo kuakap rulih.