BIMBINGEN KHOTBAH 04 SEPTEMBER 2016

BIMBINGEN KHOTBAH 04 SEPTEMBER 2016

PERMATA SI TERTEKI

Invocatio : Kuan-Kuanen 2 : 20

Ogen : Kejadin 39 : 1 – 6

Renungen : Keluaren 17 : 8 – 16 

Pdt. Maria E br Sitepu

-          Pengantar

Ibas wari minggu enda, tema si bereken moderamen agak lucu ras adi sipahami agak sitik kontroversial. Apalagi adi nandangi permata. Tema enda cukup menyindir. Perban mari siperdiateken temana eme : “PERMATA SI TERTEKI” ertina

1.      Sedekah enda permata e lah terteki emakana perlu iakap sada session man anak-anakta permata e gelah terteki.

2.      Perlu ibahan tema enda gelah reh majuna anak permatanta ntah pe gelah anak permatanta sadar mulihi bahwa lit tanggung jawabna si harus ilakokenna nandangi dirina ras sekelewetna. Labo terjeng meriah-meriah saja. Perban permata e sukah kal terpengaruh ras pergaulan gelah perlu ipersingeti ka tole.

Tapi kuakap adi anak permatanta jenda kuakap terteki kerina. tapi ibas paksa enda, bahan si e situhunna nggit mereken cara uga permatanta enda banci jadi permata si terteki.

Mari sinin dua bahan pengogennta ibas wari si sendah enda.

Bahan ibas wari sisendah enda, nuriken 2 tokoh Alkitab si lumayan seh kal terkenalna. Muda, hebat, ras nggo lit tanggung jawabna. Tapi adi siperdiateken lit 2 perbedaan besar ibas 2 tokoh enda.

-          Kejadin 39 : 1-6

Yusuf e tokoh pertamanta ibas wari sisendah enda.

Uga kin yusuf enda :

-          Keleng Bapakna nandangi ia

-          La ia sombong nandangi seninana aminna pe keleng ate bapakna lebihen ku ia asangken seninana sideban

-          Cian ate Seninana emaka idayaken seninana ia ku kalak midian

-          Mejingkat ras tutus ia erdahin emakana nggo ka ia jadi suruhen si ipercaya potifar

-          Keleng Ate Dibata

-          Keluaren 17 : 8-16

Yosua eme tokoh sipeduaken ibas bahan enda. uga kin Yosua enda :

1. Tutus ras mejingkat ia ndahiken tugas si nggo ampekken musa man bana
2. Meteruk Ukur Yosua guna ngelai
3. Keleng Ate Dibata
4. Dibata saja si jadi usihenna.

Jadi adi siperdiateken 2 tokoh enda, situhunna 2na :

-          Keleng Ate Dibata

Uga carana gelah Dibata keleng nandangi kita ? lalit carana perban ia nggo kin keleng nandangi kita, tapi persoalen gundari nggit kita ntah lang ncidahken rasa keleng kita nandangi Dibata arah perbahanenta

-          Dibata saja si jadi Usihenna

Enda situhunna cukup tangkas, uga siidah Yusuf ras Yosua ibas kai-kai saja si dahikenna la pernah la Dibata jadi usihenna.

-          Mejingkat ras meteruk ukur

Siidah uga Yosua ras Yusuf erdahin alu tutus ras alu rasa tanggung jawab ibas dahinna e labo erkiteken lit sura-surana tapi erkiteken nggo jadi tanggung jawabna.

3 hal si enda si perlu ipahami nandangi anak-anak permatanta gelah ia jadi tuhu-tuhu anak permata si terteki, erkiteken adi masalah tek labo situhunna arah babah ngenca.

Kerina kalak pang ngatakenca man sekalak si ngena atena. Keleng ateku kam. Tapi banci kin cidahkenna uga rasa keleng enda.

Emakana man kam permata kami, adi nggit kami terteki, buktikan maka kam terteki arah :

1.      Konsistensindu

2.      Komitmen

3.      Ketedehen atendu guna melayani

Arah 3 hal enda saja banci kam jadi permata si terteki.

Tapi harus ka siinget bahwa tanggung jawab guna erbahanca permata si terteki labo arah permatana saja tapi lit penampat arah darat nari, ntah orang tua, kade-kade rsd. Perban :

Perbedaan Yusuf ras Yosua eme :

-          Yusuf sangana i rumah potifar lalit si mereken dukungan man bana kecuali Dibata. tapi kerina si ibahanna e bekas pengajaren orang tuana.

Emakana jadi tanggung jawab man kita guna ngajari anak-anakta.

-          Yosua sangana berperang ras kalak amalek, Musa mereken dukungan man bana. Arah enda ngatakenca, maun-maun permata e perlu ka dukungan ibas kalak si isekelewetna.

Emakana guna njadiken permata e terteki labo arah pribadi permatanta ngenca tapi ibas kerina kita si mereken dukungan moril nandangi anak permatanta.