BIMBINGAN KHOTBAH MINGGU 14 AGUSTUS 2016

BIMBINGEN KHOTBAH 14 AGUSTUS 2016

THEMA:DIBATA MBEBASKEN BANGSANA IBAS PERBUDAKEN NARI

Minggu XII KENCA Trinitatis:peringeten HUT RI 71 Tahun

Invocatio : 1 Petrus 2 : 16

Ogen : Josua 8 : 10 – 24

Renungen : Keluaren 6 : 1 – 8 

Pdt. Maria E br Sitepu

-          Pengantar

ibas kegeluhen enda, pernah nge singgejapken  uga sangana kita ndatken perbeben, ras uga nge siban carana gelah banci si datken dalan pulah ibas perbeben ndai.

Ntah pe banci jadi sada paksa kita datken pinakit si la sieteh kai turi-turinna nggo ka mesui ras si tambari pe kujapape la malem-malem.

Me pasti kita pernah ngenanami masalah si bage ?

Tapi ibas sada paksa la i sangka-sangka persoalen ntah pe pinakit enda malem ka sisada, ntah pe lit kalak rempet la siarap-arap mereken dalan pulah ibas persoalannta enda.

Pernah kin si bage terjadi bas kegeluhennta ?

Menarik me tapi e luar biasa cara si pake Tuhan guna nampati manusia. Maun-maun labo cara sieteh tapi cara si la siarap-arap si erbahanca kita :

-          Deher ras Dibata

-          La mengandalkan dirinta ngenca ibas persoalen-persoalen si lit bas kegeluhennta.

Hal si enda pe terjadi ibas Indonesia merdeka ibas 17 Agustus 1945. Ntah piga puluh tahun Indonesia memperjuangkan kemerdekaanna tapi la dat-datnna tapi ibas sada paksa si la siangka kerinana, belanda ras jepang talu emakana kita banci memproklamirkan kemerdekaannta.

Hal si enda terjadi ka ibas bahan pengogennta ibas wari sisendah enda

-          Josua 8 : 10-24

Adi si oge bahan sope si enda, sieteh maka Josua (pengganti musa si nerusken perdalanen kalak Israel ku tanah perjanjian) ngenanami kekalahan perang sangana ia coba menyerang kuta Ai. Si e terjadi adi si oge Josua 7 terjadi erkiteken kinilapatuhan bangsa Israel nandangi kai si kataken Tuhan man bangsa Israel adi ia naluken sada bangsa.

Emakana banci kataken mental Josua jenda nggo lanai lit, erkiteken kejadin si nderpa bangsa Israel sangana nyerang kuta Ai ndai. Tapi kai nina Tuhan :

1. Tenang ras tek maka Dibata mereken semangat man banta

Jenda melala kita la tenang ibas ngarapken sesuatu si terjadi bas kegeluhennta. Adi nggo siaturken kerina nce la jadi nggo ka kita panik ras nggo lanai lit semangatta. Jenda perlu rusur si ingetken man dirinta Tuhan e lit. pasti berekennna kita cara si terbaik

2. Ibas dahiken kai pe la banci la alu bulat ukur

Sinin jenda uga Tuhan nuruh man Josua gelah kerina tentera maju erperang labo 3000 kalak ngenca seri ras si pertama.

Enda pe situhunna menggambarkan dirinta manusia ibas berusaha, kepeken labo kita tutus kal ngelakokenca. Siakap dirinta nggo luar biasa tapi kita harus sadar datas langit lit denga langit si terganjangan.

3. Dungi kerina persoalen seh dung.

Ayat 23 ras 24 ncidahken uga adi lit persoalen ntah pe tanggung jawab dungilah e kerina ula setengah-setengah. Maun-maun erkiteken setengah-setengah e maka persoalen enda reh ka mulihken. La tuntas si ban

4. Pake cara si nggo bereken Tuhan.

Josua ibas paksa si e, nggo ka ipakena cara Tuhan, kai si datkenna ibas ia make cara si bereken Dibata. tentu datkenna kemenangen.

Enda me piga-piga hal arah bahan pengogennta si pemena uga seharusna kita ernin persoalen si terjadi bas kegeluhennta. Ula siakap caranta ngenca si terbaik tapi kepeken lit rencana si terulin si nggo siapken Dibata.  

-          Keluaren 6 : 1-8

Bahan enda nuriken uga Dibata nuruh Musa guna ermomo nandangi bangsa Israel si sangana ibas ingan perbudakan i mesir bahwa kentisik nari padan si nggo bereken Dibata ndube man Abraham akan i genapi Dibata man bangsa Israel ibas paksa si e.

erkiteken adi si inget bangsa Israel ibas tanah mesir enda, kurang lebih 300 tahun, engkai maka gundari denga kataken Dibata padan si nggo berekenNa nai man nini kalak Israel emekap berekenNa tanah man kalak Israel :

1. Begi Dibata nggo penderkuh kalak Israel.

Ertina bangsa Israel nggo lanai mengandalken dirina tapi nggo ka ia erlebuh man Dibata gelah isampati.

Maun-maun enda ka si jadi masalah bas kita, erkiteken kita jarang mereken ingan man Dibata gelah sampatina kita ibas perbebennta. Kita rusur ngandalken kengasupen si lit bas kita.

2. Perbudaken e seh kal kejamna

Ibas ayat 9 je kataken Dibata bahwa perbudaken e nggo seh kal kejamna. Emakana sampatiNa bangsa Israel ndarat ibas tanah mesir nari.

Gundari penungkunen, apakah sope si e la kejam perbudaken si terjadi ?

Kuakap kejam, Cuma idah Dibata nggo lebihsa kai si lakoken bangsa Mesir nandangi kalak Israel.

Arah si enda kita erlajar ka kepe masalah semakin ngeri sinanami e erbahanca Tuhan semakin memperdiateken kita. ertina Tuhan la nggit kita anakNa ngenanami kiniseran si la ngasup kita nanggungsa.

3. Rencana Dibata

Endalah si la sieteh ibas kerinana. Sura-sura Dibata nandangi dirinta.

Emaka ibas tema ibas wari si sendah enda, kita situhunnna ngawan ni perpulungen ipersingeti mulihi arah bahan enda, kepeken ibas kegeluhennta enda, Dibata pasti membebasken kita ibas kerina persoalen, tapi gundari penungkunenna man kita, nggit kita ntah lang make cara Tuhan ibas lewati persoalen si e.

Cara Dibata tentu nggo ka berhasil nandangi kalak Israel. Erkiteken cara si pake Dibata me si erbahanca kalak Israel datken kemerdekaan seh asa gundari.

Gundari nandangi kita nggit kita ntah lang mereken dirinta man Dibata gelah tuhu-tuhu Ia erdahin bas kita gelah kit ape banci ibebasken ibas kerina hal-hal si la mehuli ibas kegeluhennta ?