BIMBINGEN KHOTBAH 07 AGUSTUS 2016

BIMBINGEN KHOTBAH 07 AGUSTUS 2016

Thema:LA ERNDOBAHEN ILEBE DIBATA

MINGGU XI Kenca Trinitas/minggu HAM

 Invocatio : 2 Kronika 19 : 7

 Ogen : Ulangen 10 : 12 – 22

   Renungen : Galati 3 : 15 – 29

-          Pengantar

Adi kita biasana nukur ku pajak ntah pe ku ingan-ingan erbelanja sideban, ras ate nukur 1 barang, engkai maka biasana kita memerluken waktu si agak ndekah ?

Adi menurutku :

1.      Milih

-          Hargana

-          Galangna

-          Warnana

-          rsdna

enda si biasa terjadi, padahal biasana e perbahan beda Rp. 1000 ngenca banci kita mutar-mutar seh ½ jam, ntah pe kurang galang siakap si man tukuren enda, ntah erkiteken kurang terang sitik warnana makana sidarami ka si terterangen ka warnana.

E sirusur terjadi biasana bas kita, adi kita cukup megermet, e ncidahken bahwa kalak melala sangat sensitive masalah perbedaan, sitik saja beda nggo ka jadi masalah.

      Kitab Galatia 3 : 15-29:

Nuriken uga rasul Paulus menjawab persoalan si lit i tengah-tengah perpulungen Galatia, ija aminna pe nggo ia tek nandangi Yesus Kristus, tapi erkiteken ia kalak Yahudi tetap denga ia tek bahwa Taurat pe nampati ia, jadi banci kataken lit dualisme keyakinan kalak Kristen Yahudi i Galatia.

Janah kai nina rasul Paulus

-          Abraham si ibenarken erkiteken kinitekenna man Dibata

-          Labo erkiteken kita ngelakoken hukum Taurat maka kita ibenarken

-          Palas kiniteken kita eme tek man Yesus Kristus

Jadi perbedaan pemahaman si terjadi ibas tengah-tengah perpulungen Galatia i dasari ibas kurangna pemahaman antara tugas hukum Taurat ras Tuhan Yesus Kristus.

Emakana adi siperdiateken ibas bahan pengogennta si pemena  

-          Ulangen 10 : 12-22

Jenda menarik kal kai sikataken penulis, ija ikataken bahwa kai tuntuten Tuhan :

1. Sembahlah Tuhan

Jenda melala salah pengangkan kalak, ija sedekah enda melala kalak erpengakap bahwa tuntutan Dibata hal-hal si bersifat ritual, tapi sederhana kal Tuntutan Dibata, sembah Aku ibas kegeluhenndu. E ngenca. La padah si pegedang-gedang. Perban lit ka kalak nambahisa kari, sembahlah Aku tapi inget bage min carana…. Inget nina Dibata sembahlah Aku.

2. Dahiken kerina si Ku perentahken

Kai kin si perentahken Tuhan ? sikeleng-kelengen, Hukum taurat, sisampat-sampaten. Meritaken berita si meriah

3. Kelengilah Aku

Menarik me, Dibata pe nggit ,manusia engkelengi ia.

4. Dahikenlah dahin alu bulat ukurndu

Adi lit dahin silakoken ulat monce-once, tutuslah kita ndahikenca.

5. Ikutken kerina Undang-undangNa

Undang-undang enda iban gelah nambahi kesangapennta.

Jadi situhunna kerina tuntutan Dibata enda, maka kita kerina mulihna. Labo man ise pe, tetapi terkadang siakap bahwa Dibata beda, labo seri kekelengenna, rsdna, padahal kita erbahanca bage, padahal ibas lebe-lebe Dibata kita labo lit perbedaanna. Kita ka cenderung ngejabken Dibata mebeda-bedaken kita, padahal kai sipindo Dibata enda se se

sederhana kal.

PENGKENAINA:

1.Manusia selamat erdandanken Kiniteken man TUHAN Yesus.,keselamaten e eme anugrah,man manusia janah labo lit erndobahen ilebe-lebeNa.bagi Abraham ibenarken erdandankenn Kinitekenna man Dibata labo erdandanken ndalanken Hukum Taurat.

2.Sembahlah Dibata alu payo teridah arah perbahanenta teptep wari baik ibas perkataannta bagepe arah perbahanenenta.

3.Dahiken perintah Tuhan e alu a payo ,la nggit ngaloken sogok ngeluh ibas kebujuren,ras dem keleng ate ndingen la erdobahen manusia e ibas ngeluhta

 Emakana lit sada cerita tentang dua kakak beradik si sangana bertengkar hebat, nggo ndekah kalak enda lanai siangkan erkiteken perbedaan baleng juma.

Emaka ibas sada paksa reh me sekalak dilaki reh ku rumah sintua guna ndarami dahin. Ituk-tuk labah anak sintua enda, emakana ipindona pendahin man anak sintua enda.

Alu ate si melas, anak sintua enda mereken pendahin man kalak ndai gelah banna min pagar si ganjangna 10 meter, gelah lanai idahna rumah agina ndai perban melasna pusuhna nandangi agina.

Kira-kira 1 minggu nggo lewat, mulihlah anak sintua ndai kurumahna guna ernin hasil dahin kalak ndai, tuhu senggetna ia ernin hasilna, erkiteken si ibahanna labo pagar tapi siibahan eme titi si menghubungken rumah anak sintua ndai ras agina.

Tapi erkiteken si e reh me agina kurumahna guna mindo maaf man kakakna erkiteken kai si lakokenna sedekah enda. dungna nggo ka sikelengen ka 2 senina enda.

Arah bahan enda, situhunna kita erlajar bahwa kita situhunna erbahan batasan-batasan ntah pe perbedan-perbedan bas geluhta enda, kai silakoken ntah si pindo Dibata enda, situhunna guna kiniulin kita, erkiteken keleng ate Dibata man kita la erpandangen.

Emakana marilah adi keleng ate Dibata la erpandangen man ise pe, engkai maka kita ka rusur ernin perbedaaan kalak ?

Perbedaan e hanya membuat kita semakin jauh saja, bage salah sada syair lagu, jadi engkai Maka harus sidarami perbedaan adi e erbahanca kita reh ndauhna.