BIMBINGEN PJJ 24 - 30 JULI 2016

BIMBINGEN PJJ 24 - 30 JULI 2016

I PERDAMEKAN RAS KRISTUS
Nats : Kolose 1 : 15 -23

PENGANTAR

Mari gundari kita berhitung-hitung kentisik. Adi misalna 3 saja sibahandosannta tiap wari, sebulan piga kira -kiradosanta ?Tentu 90 me. Adi 1 tahun berarti 1080 dosanta man Dibata.

Inget lalit dosa galang ras kitik, kerina dosa adi silakoken kai si la ngena ate Dibata.

Adi 1080 dosanta, siakap banci kin kita masuk surga ?

Pasti mulai kita ragu me ? enda ia salah sada teologi Kristen, ija lalit perbahanen kalak si banci nyelamatken manusia ibas dosa nari. Emakana lit istilah sola gracia ntah pe erkiteken anugerah ngenca.

Uga carana maka kita si erdosa enda banci datken keterkelinen ?

•       Tafsiran Kolose 1 : 15 - 23

     Surat enda itulis rasul Paulus nandangi perpulungen kolose,asum paulus ipenjara ibegina berita kerna perpulugen kolose arah temanna eme Epafras .paksa sie perpulungen Kolose ngenanami masalah ija lit ajaran Gostik la ngaloken Dibata simereken keselamaten  arah Yesus  ras ajaran si adi tentang uga datken keterkelinen arah pangan ras inemem. Jadi banci kataken paksa si e, perpulungen kolose iperhadapken guna mpertahanken kiniteken man Yesus ibas kerina serangan-serangan ajaran-ajaran sideban. 

Kai silakoken rasul Paulus :

•       Nuriken uga situhuna Dibata e. (ayat 15),Kristus rupa Dibata siteridah.

•       Keduduken Dibata ras Kristus ibas kerina si lit ibas doni enda (ayat 16,17),Dibata ras Kristus sinjadiken doni ras isina bagepe surge.

•       Posisi Dibata nandangi Perpulungen ras Jaminan keselamaten adi tek man Tuhan Yesus (ayat 18).Tuhan Yesus eme dalan kuSurga e

•       Hubungan Allah ras Yesus (ayat 19). bentuk kiniersadaan Bapa ras Anak labanci terpisah sada ras sidebanna.bdk Johanes 17:21.

•       Posisi Tuhan Yesus ibas keterkelinen (keselamatan) (ayat 20).Yesus mereken Dirina seh mate ikayu persilang sebab dalan man mausia gelah terkelin.

•       Historis perpulungen kolose (ayat 21).sirang ras Dibata jadi imbang Dibata

•       Perpulungen kolose gundari (ayat 22)enggo jadi milik Allah.

•       Kai si harus ilakoken perpulungen kolose (ayat 23).eme gelah tetap paguh ibas Kristus.

 

    Menarik kai silakoken rasul Paulus enda, uga ia nuriken secara sistematis ise Dibata, ise Yesus enda, ras uga carana mempertahanken kinitekennta man Yesus ibas kerina persoalan si lit i tengah-tengah geluhta enda.

    Emakana harus sisadari bahwa :

1.       Kita manusia la ngasup guna datken keterkelinen arah kai sibahan kita

2.       Keterkelinen enda anugerah si bereken Dibata

3.       Anugerah keterkelinen enda, erkiteken keleng ate Tuhan nandangi kita manusia.

•       Adi nggo sieteh enda kerina, emakana ibas perdalanen geluhta tentu melala kalak si la ngena atena nandangi anak-anak Tuhan, tapi sada ngenca prinsip si perlu, kita nggo iperdamekan ras Kristus, emakana la perlu lit kebiaren perban kristus nggo mereken jaminen nandangi kita ibas kegeluhennta seh rasa lalap.

•