PA KATEGORIAL 17 - 23 Juli 2016

BIMBINGEN MORIA

PIRAH NI KEGELUHEN (JATI DIRI)

Nats : 1 Samuel 24 : 1-7a
Pdt. Maria E br Sitepu

-          Pengantar

Kai menurutta sumber ketidakbahagiaan bas doni enda terkhusus wanita ?

1.      Mbiar kai nina kalak

Pernahkah si idah kalak si kuta lawes ku kota ? kai biasa terjadi bas dirina. Biasana si terjadi :

-          Perubahan gaya

-          Perubahan Perilaku ntah pe cara ngerana

-          Perubahan keinginan

Kai maka enda terjadi ? perban enda tuntutan teman-teman ntah pe kalak singkelewet ia. Jadi si terjadi perubahan enda erkiteken tuntuten kalak labo bas dirina nari. Enda

Engkai maka banci terjadi ? perban tuntuten kalak bahwa adi nggo merantau nggo sukses ras memang gelah teridah sukses saja ntah pe mela akapna adi la sukses.

2.      Merhat ikataken kalak kita kalak mehuli  

Contoh, mere penampat man kalak sideban gelah dat pujin,

Hal si enda memang pasti rusur terjadi bas kegeluhennta terutama nandangi moria. Tapi payo kin si e kerina ?

-          Tafsiran 1 Samuel 24 : 1-7a

bagin pustaka enda, ngerana uga rencana saul guna munuh Daud. Ibas sada paksa, nggo rencanaken Saul guna munuh Daud. Tapi kepeken ibas rencana si e, Daud ka si puna kesempaten si lebih baik guna munuh saul (ayat 4). Alu provokasi teman-teman Daud, maka turah keinginan Daud guna munuh saul. Tapi pas sangana nggo reh kesempaten ndai, turah kesadaran Daud maka labo ka ia pantas munuh kalak si nggo ipilih Dibata guna jadi raja (ayat 6). Emakana la surung Daud munuh saul bagepe Daud pe mereken pemahaman man teman-temanna bahwa la mehuli kai si isura-suraken kita nandangi saul.

Arah si enda kita perlu erlajar terkhusus man moria kami :

1.      Maun-maun temanta sideher kal pe banci ndabuhken kita bas percuban

2.      Kam adalah kam labo kalak sideban, emakana jadilah dirindu ula jadi kalak.

3.      Mehuli ntah pe la mehuli e urusen pribadi ras Dibata, tugasta gundari ngelakoken tugas ras tanggung jawabta.

Emakana jadi dirindu, adi memang kam sekalak pekerja, jadilah pekerja, adi kam sekalak nande, jadilah nande, adi kam sekalak ndehara jadi sekalak ndehara si mehuli ibas dahiken tugas ras tanggung jawabndu e.

Kai silakoken kita, e situhunna si menjadi cerminan uga situhunna dirinta. 

BIMBINGEN MAMRE

BIAK RUKUR SI MATERIALISTIS

Nats : Matius 19 : 16-26
Pdt. Maria E br Sitepu

-          Pengantar

Guna ngangkasa tema enda, maka lit piga-piga penungkunen eme :

1.      Kai si merga na bas doni enda ? erta ka, anak ka, ndehara ka.

Adi kuakap si merga na bas doni enda eme kesah. Engkai ?

Perban adi siperdiateken melala kalak mpekeri senna, ertana guna tetap njagai gelah kesah e lit bas dirina ntah pe bas keluargana.

Emakana lit istilah kedokteran ngatakenca, lebih baik menjaga dari pada mengobati. Erkiteken adi nggo nambari kesah enda, nggo keri kerinana. Kuakap melala pengalamen lit bas kita.

2.      Ise si puna kesah e ?

Tentu saja kesah e Dibata si puna, erkiteken adi siukuri Dibata ngenca banci pengadi kesah kalak. Melala kalak coba bunuh banna rsdna guna mengakhiri kegeluhen tapi adi lang nina Dibata. la ka terjadi.

Hal si enda pe banci si nin ka sanga Dibata nepa jelma, ia secara khusus ngembusken kesah ku manusia. Jadi enda ngatakenca bahwa kesah enda istimewa bereken Tuhan man manusia.

3.      Uga carana gelah kesah enda tetap ras kita seh rasa lalap ntah pe la erkerin-kerin ?

Sederhana kal, carana sindeheri lah si puna kesah e, gelah kesah e jadi bagin si la terpisahkan bas kegeluhennta enda.

-          Tafsiran Matius 19 : 16-26

Endalah si jadi kesalahan pengangkan anak perana erkiteken kegeluhen si la erkerin-kerin. Pengakapna bahwa kegeluhen si la erkerin-kerin enda i datna alu erbahan si mehuli ngenca. Tapi kai nina Tuhan Yesus labo si e ngenca. Adi kam tetap menduaken Tuhanndu maka kegeluhen si la erkerin-kerin enda la banci si kerajangenndu.

Ibas kejadin 1 pe tangkas i kataken bahwa Dibata eme Allah si pencemburu, la nggit dibata-dibata sideban selain Ia ngenca. Perban dibata-dibata sideban enda la kelengina kam tapi Dibata tuhu-tuhu kelengina kita anak-anak si tek man Banna.

Emakana tangkas kal bahwa uga carana dat keterkelinen ?

Si endesken kegeluhennta enda man Dibata, gelah Dibata campur tangan bas geluhta. 

-          Kaiten ras tema

Emakana penungkunenna :

*Apakah salah adi kita bayak

Bayak enda la pernah salah, erkiteken bayak enda status ngenca, tapi kalak si bayak enda si nggo terlalu menganggungkan kebayakenna enda si nggo salah.

Temanta ngerana masalah materialistis. Kuakap sedekah enda, kita salah ngangkasa enda. kita jadi matre kai kin gunana ?

Tentu guna mempertahanken kelangsungan hidup. Me bage ?

Kelangsungan hidup e berkaiten ras kesah.

Kesah e berkaiten ras Dibata.

Jadi man kai kita matrealistis gelah tetap nggeluh adi keriahen, keterkelinen bas geluh enda la mesera i datken. Tading kita erpengendes man Dibata.

Emakana mari sisadari. Kai kin tujun hidup enda, status ka atau hidup tujunnya nggeluh.