KHOTBAH GBKP MINGGU 24 JULI 2016

BIMBINGEN KHOTBAH 24 JULI 2016

GEREJA SINDAHIKEN DAHINNA

Invocatio : Masmur 101 : 6

Ogen : Perbahanen Rasul-Rasul 1 : 6 – 11

Renungen : Lukas 4 : 38 – 41 
Pdt. Maria E br Sitepu

-          Pengantar

Pernahlah siidah poster ntah pe baliho bas dalan ?

Me pasti rusur siidah poster e ntah baliho ncidahken kehebaten barang siiklankenna. Misalna hp. Biasa ituriken je uga kehebaten hp siiklankenna e. pokokna pasti si menarik si katakenna tentang barang siiklankenna e.

Adi siperdiateken ka adi lit poster ntah pe baliho si pasang si ngajuk kalak Kristen ngikutken KKI, kai kira-kira si banna gelah menarik akap kalak ?

Sadar ntah la sadar biasana si terjadi adi bas Iklan ndai ijapape adi masalah KKI  pasti lit piga-piga hal si ibahanna gelah menarik :

1.      Ise Pendetana

Me rusur siidah pasti gelar Pdt je galang kal banna.

2.      Jenari Pendetana

Biasana selain gelar pendeta si cukup i tekanken eme labo asal pendeta

3.      Bintang Tamu

4.      Kai si banci ilakoken Pendetana.

Misalna, banci pepalemna kalak, rsdna

5.      Musik si pakena, misalna mantap entah lang?

Hal si enda situhunna memancing kalak erbahan persepsi bahwa adi ia kugereja labo Dibata man daramen tapi sideban.

Penungkunenna ku kita gundari apakah enda salah ?

Adi aku labo lit si salah, Cuma adi banci min, inget kita beribadah gelah kita jumpa ras Dibata. tapi kinatana gundari melala Dibata e jadi opsi pepigaken gelah kita banci reh kugereja.

-          Lukas 4 : 38-41

Ibas bahan enda, Tuhan Yesus ncidahken uga kin situhunna erti ngelai ibas tengah-tengah pekan Anggur Tuhan, eme :

1.      La pernah latih

Ayat 38 ras 40, ncidahken uga Tuhan Yesus aminna pe nggo ia latih erkiteken mbaru denga ia berkhotbah i lebe-lebe jelma si enterem, tapi tetap lakoken tugasna.

2.      La erpilihen

Ibas ayat 39, siidah bahwa Tuhan Yesus mis pepalemna mami simon, la lit basa-basi ntah pe cakap-cakap sideban.

3.      La ia mbiar ntah pe ciga atena man ise pe

Ibas ayat 40 je teridah uga kekelengen Tuhan Yesus, ikataken melala jenis pinakit je tapi Tuhan Yesus la ciga nandangi kalak ah ndai

4.      La nggit i pe mbelin-mbelin gelarna

Ibas ayat 41, aminna pe nggo melala kalak si ipepalemna, tapi Tuhan Yesus la nggit kalak menagung-agungken gelarna, erkiteken e kerina Kuasa Tuhan.

Selain arah si lakoken Yesus, kita pe banci erlajar arah kai silakoken Simon :

1.      Ibas keriahen harus sicidahken man kerina kalak, labo sapih-sapih kita.

Ibas ayat 39, kenca malem mamina teridah je bahwa Simon labo ngataken bujur man Tuhan Yesus ngenca, tapi kerina kalak ielaina alu pangan.

Gundari penungkunen man kita, apakah gereja nggo bage ibas ngelai perpulungen ?

Adi lenga, marilah siban seri ras siajarkan Tuhan Yesus.

Tapi adi nggo, e jadi persoalen ka erkiteken pasti lit penungkunen engkai maka lanai banci aku erbahanca mujikzat ntah pe tanda-tanda sengget man kalak, padahal nggo kuikutken kai si ajarken Tuhannta Yesus Kristus ?

-          Perbahanen Rasul-Rasul 1 : 6-11 sebagai ogenta eme:peristiwa kenangkihen Tuhan Yesus mereken peneguhen iman kiniteken ajar-ajar nangdangi kuasa Yesus ija Yesus enggo nebusi dosa i persilang,mate janah keke tapi pe nikapken ingan ibas kerajaan surga.janah ije pe ituriken maka Kesah Sibadia ibereken man ajar-ajar lako mpegegehi ersaksi kubelang-belang doni.

-          Mujizat ibas KKI ertina kejadian ajaib si mesera iakap kemampuan akal manusia.

Jadi adi ngerana kita masalah sie biasana berkaiten ras mpepalem kalak pinakiten, rsdna. Tapi misalna :

-          Kita ngasup mereken pengharapan man kalak si sangana terpuruk kal. Mujikzat ntah lang ?

-          Kita ngasup mereken pendahin man kalak gelah tetap ia nggeluh e mujikzat ntah lang ?

Jenda ka persoalenna, kita rukur terlalu sempit, siakap mujikzat e sesuatu si wah. Tapi terkadang hal-hal kitik si lakoken e man kalak gelah ia tetap erpengarapen e pe mujikzat pasti akapna.

Bage ka ibas perbahanen rasul-rasul enda, lit pengarapen ajar-ajar gelah sope Yesus nangkih kusurga banNa min mejile doni enda, tapi kai nina Yesus :

Kerina lit waktuna, kubereken kam kuasa gelah jadi saksiku seh ku tampuk doni.

Tapi inget labo terjeng kita diam saja, tapi perlu lit tanggung jawab selaku kalak si nggo ibereken kuasa bas Tuhan nari. (bnd ayat11)

Gereja pe gundari perlu menginget mulihi tugas ras tanggung jawabna. Ula kari gereja nggo seri ras doni enda. kai siakap mejile ras menguntungken e ilakoken. Gereja lit 3 panggilan :

1. Bersekutu ibas persoalen kai pe gereja harus tetap ngasup bersekutu
2. Bersaksi. Ibas dunia si gundari enda Gereja harus ngasup ncidahken panggilan kenabian
3. Melayani. Ibas dunia si gundari, gereja harus ngasup tetap ngelai alu kekelengen, aminna pe melala tantangen tapi e tetap tugas.

Gundari mulih ku kita selaku bagin gereja si la terpisahken. Nggit kita ntah lang ndahiken tugas ras tanggung jawabta selaku gereja ?