PA Kategorial GBKP Tgl. 26 Juni - 2 Juli 2016

 PA Kategorial GBKP Tgl. 26 Juni - 2 Juli 2016

{Pdt.Repelita Ginting (Sekum Moderamen GBKP)}  

PA Moria 26 JUNI-2 JULI 2016

•       Ogen   : Titus 2:7-8

•       Tema   : Jadi Usihen

•       Pokok-Pokok Pikiren :

1. Titus labo kalak Jahudi , ia ipake Paulus guna nampati pelayanen i Pulau Kreta. I Pulau Kreta nterem pengajaren si lapayo bagepe lagu langkah masyarakatna nterem  ndalanken si la mehuli ( la bermoral ras beretika).
2. Persinget Paulus man Titus gelah i bas ia ndahiken dahinna mperdiateken kerina jelma : metua/nguda, dilaki ras diberu alu nehken pengajaren si payo
3. Disamping nehken pengajaren sipayo Titus ipindo guna ncidahken kegeluhen si banci jadi usihen man kalak Kreta uga kin kegeluhen si ngena ate Tuhan :  Penguasaan diri, ndalanken simehuli, ketutusen ate, makeken kata-kata sipayo.

PA MAMRE 26 JUNI- 2 JULI 2016
(Minggu Merdang , efek Kecanduan Teknologi)

•       Ogen   : Roma 2:2

•       Tema   : Pakeken Teknologi informasi Alu Payo

•       Pokok- Pokok Pikiren :

1. Enggo sialoken perkuah ate Dibata emaka kegeluhenta aruslah ncidahken singeta ateNa , gelah ermulia gelarNa.
2. Kita si enggo ngaloken perkuah ate Dibata itamakenNa ku doni enda gelah kita mpengaruhi doni enda , labo doni enda si mpengaruhi kita.
3. Penggunaan teknologi sebage alat guna nampati kita ncidahken kegeluhen si erkiniteken. Teknologi erbahanca kita semakin erdeherna ku Dibata adi sipakelah guna ndarami singena ateNa, kai sura-sura Dibata, kai simehuli , kai sempurna. Iarapken arah teknologi penembahen ras pelayanennta erulina.

PA PERMATA 26 JUNI- 2 JULI 206

•       Bahan  : Filipi 2:2-4

•       Tema    : Sepengodak sepengole

•       Pokok-pokok Pikiren :

1. Kalak si erkemalangen man Tuhan ncidahken kegeluhen Kristus erkiteken kegeluhenna enggo i bas Kristus.
2. Cara nggeluh kalak ibas Kristus :

-          Positif   : -  Ersada arih ,  ersada nggeluh ras ersada ukur  - sikeleng-kelengen-  meteruk ukur

-          Negatif : Merangap– meganjang rukur – iakapna ia simehulina – ngkuri kepentingenna sendiri

3. Sepnegodak sepengole motto kalak karo :

“ adi sieteh salah, sikataken alu kata mehuli, siodaken bagi pengodak, sepngedoka sepengole nina kuan kuan siadi”