BIMBINGEN
PJJ
SEMBAHLAH
DIBATA SAJA
Nats :
Keluaren 20 : 1-5
Pdt. Maria E br Sitepu
-
Pengantar
Kalkulator eme salah sada alat si
biasana pake kalak guna berhitung, bagi-bagi, perkalian rsdna. Adi masalah
berhitung ibas doni enda, kuakap lalit si naluken kebeluhen kalkulator ibas
hal-hal si enda. tapi mari sicubaken piga hasil 1:0 ?
Jawabanna la lit adi istilah bahasa
inggrisna undefined. Hal enda ncidahken bahwa setiap hal si lit ibas doni enda
memiliki keterbatasan. La banci kerina banci lakokenna. Adi istilah anak-anak
gundari “datas langit lit denga langit”.
Bas geluh enda pe melala kejadin si
terjadi bas kegeluhennta si bagi ukur ntah pe si la bagi ukur.
Adi si bagi ukur kuakap labo e jadi
persoalen kal. Tapi adi si la bagi ukur enda si maun-maun erbahanca kita la
ngasup guna ngukurisa engkai maka enda banci terjadi.
Hal si endalah si erbahanca melala
kalak terkhusus bagi kalak Kristen ndarami ingan tertandena selain Dibatana.
dibata-dibata sideban enda ipake kalak guna ndarami penungkunen-penungkunen si
la terjababna ibas kegeluhe, subuk :
-
Penakit
-
Kuasa-kuasa gelap
-
Perbeben geluh
-
Pasangen nggeluh
-
Pendahin
-
Kebayaken
-
Rsdna
Hal si enda adi si perdiateken
terjadi erkiteken melala kalak erpengakap bahwa adi nggo nembah man Dibata
(Yesus Kristus) kerina perbeben e ntah pe persoalan-persoalan nggeluh enda
banci terdungi ras adi lit sura-sura bas geluh enda kerina banci erdalan alu
mehuli.
Tapi ibas kinata nggeluh si terjadi
la bage, reh deherna kita ras Dibata, reh mbuena perbebenta. Jadi kai kin
situhunnna maka kita nembah man Dibata ?
-
Tafsiran Keluaren 20 : 1-5
Bagin pustaka enda, eme hukum si
bereken Dibata man Musa nandangi bangsa Israel si ndarat ibas tanah mesir nari.
Hukum enda tentu saja itujuken gelah bangsa Israel nginget ise ia ras ibas
perdalanen geluhna selaku bangsa si mbaru banci teratur. Bagin enda iawali alu
kata pegajuk guna nembah man Dibata saja, engkai :
1.
Dibata enda me si nggo mereken
kebebasen nandangi bangsa Israel ibas tanah mesir nari.
Maksudna jenda bahwa Dibata mindo
man kita gelah nembah ia saja, perban nggo leben cidahkenna kekelengenna man
kita. jenda si rusur erbahanca kalak la tehna. Perban iakapna ibas perbeben ras
kiniseran si sangana nderpa kegeluhenna gundari Dibata la nampati ia. Padahal
la inget sope e Dibata nggo mereken si luar biasa nandangi manusia. Tapi enda
ia biak jelma, adi sangana mesera kai pe lanai ingetna akapna pokokna bas
persoalenna e saja ia fokus jadi berkat-berkat si sedekah enda lanai iingetna.
2.
Dibatanta gundari enda la menuntut
materi nandangi kita, tapi dibata-dibata si deban biasana eme menuntut melala
hal ibas kita nari. Istilah gana-gana si ipake jenda me ngartikenca bahwa adi
dibata-dibata sideban enda menuntut sesuatu ibas kita nari labo terjeng
perukuren ngenca tapi adi istilah gundari tumbal.
3.
Pencimburu enda istilah si ipake Dibata.
adi si kaitkan ras gundari enda biasana kalak sayang pasti cemburu ia. Adi la
ia cemburu pasti la sayang, e kuakap nggo hukum alam. Ertina Dibata seh kal
kelengna nandangi kita, emakana la ia nggit kita pa-pak ibas pilihan-pilihan si
ilakoken kita.
4.
Dibata e mperdiateken kita labo
terjeng dirinta tapi bas kesusurennta pe perdiatekenna. Adi dibata-dibata
sideban me cenderung focus man pribadi si nembah man bana, tapi Dibatanta
kerina perdiatekenna, kita, keluarganta ras kerina temannta pe perdiatekenna.
Jadi gundari penungkunen man kita
nggit denga kita kita nembah man dibata-dibata si deban enda ? erkiteken adi si
perdiateken ia cenderung bersifat temporer saja la permanen tapi Dibatanta enda
bersifat permanen adi kita nembah man bana. Gundari penungkunen terakhir man
kita apai kita pangen si sendah saja ntah si rusur rasa lalap ?
Pilihan bas kita gundari ras kita ka kerina kari
nggejapkenca ras naggung jawabsa.
Tidak ada komentar:
Posting Komentar