KHOTBAH GBKP MINGGU TGL. 17 JULI 2016

BIMBINGEN KHOTBAH 17 JULI 2016

KRISTEN SI DEWASA

Invocatio : 1 Korinti 13 : 11

Ogen : Pilipi 4 : 10 – 20

Renungen : Jakup 1 : 2 – 4 

Pdt. Maria E br Sitepu

-          Pengantar

Sieteh kin filosofi wortel, Telur ras Biji Kopi

Adi wortel nina :

Bas geluh enda ia teridah megegeh, megenggeng, pokokna kuat ia, tapi adi reh percuban geluh ia menyerah, ia jadi medate, medadak ras dungna gegeh si lit bas ia keri kerina.

Adi Telur nina :

Ia teridah persabar, beluh bergaul, tapi adi reh persoalan kubas kegeluhenna ia berubah menjadi piher, kaku, sukah sakit hari rsd. Ia bagi kalak si buniken kepagitan ibas geluhna.

Adi Biji kopi nina :

Lit kalak adi nanamina perbeben geluh enda, erbahanca ia reh sikapna ras dewasana ibas buat keputusen ras tindaken. Bahkan ia banci mereken pengaruh si positif man kalak si lit sekelewetna. 

Perbeben seri tapi hasilna banci berbeda. Tep-tep kalak pasti ngenanami si tergelar perbeben geluh. Tapi labo kerina banci ndarat sebagai pemenang ibas kegeluhen. Si bedakenca eme masalah semangat geluh dan gairah kegeluhen si tinggi. Enda sue ras peribahasa si ngatakenca : “ Orang yang kehilangan uang kehilangan banyak. Orang yang kehilangan teman kehilangan lebih banyak. Tetapi mereka yang kehilangan semangat hidup kehilangan semuanya.”

Emakana ibas bahan pengogenta si peduaken katakenna :

-          Jakup 1 : 2-4

(2) O senina seninangku, sangap min iakapndu bandu adi reh erbage-bage percuban ngkenai kam.

Secara logika manusia, adi siukuri pernyataan enda, tuhu-tuhu melala kalak si pasti la setuju, erkiteken kata sangap e adi secara logika bahasa karona, ertina ndauh ibas persoalan, adi banci nina lalit persoalan. Adi lit pe persoalan mis banci terdungi. Tapi bagin Pustaka enda ngatakenca “Sangap” kam. Kai kin situhunna maksud penulis ?

Sope kita masuk ku konteks penulisan enda, mari sitik kita berlogika matematika

-          Kai hasil - + - = ?

Hasilna + (positif) ertiba sebuah hal siakap negatif bas kegeluhenta adi si hadapi alu cara si la biasa pasti hasilna positif. Contoh sederhana, Adi lit kalak merawa sibalas alu merawa ka, kai hasilna ? pasti reh mbelinna persoalan. Tapi adi sihadapi alu cara la biasa ntah sinik kita, kuakap hasilna pasti positif.

Enda ka si terjadi ibas bahan enda, bahan enda i tujuken man 12 suku si sangana ibas perantauan terkhusus kalak Kristen Yahudi si ibas paksa si e ngenanami perbeben eme penganiayaan.

Maka nina Jakup salah sada hal si penting ibas hadapi perbeben ntah pe persoalan :

1.      Siakap saja e kesangapan. Adi bahasa indonesiana kebahagiaan. Tapi ingat lit piga-piga hal si perlu si perdiateken :

-          Labo e ertina kari sengaja kita ndarami perbeben, tapi adi reh perbeben kubas geluhta siakap saja sebagai sebuah kesangapan ntah pe kebahagiaan.

-          Siakap kesangapan e memiliki erti bahwa ibas kita mengalami perbeben, kita la banci ngikuti perukurenta saja, misalna morah ateta, merawa rsd.

-          Siakap e pe ertina bahwa perbeben enda harus ihadapi alu pusuh si ermeriah ukur.

-          Siakap e pe ertina, perbeben harus sinilai alu Kata Dibata labo perukurenta. Emakana ibas ayat 3 ras 4, ibas caranta guna nanggapi perbeben enda, kita banci jadi kalak :

-          Megenggeng.

-          Dewasa erkiniteken

-          La kekurangan. Tapi ula salah menafsirken erti la kekurangen enda, gelah ula kita masuk kubas teologi kemakmuran.

Emakana sue ras tema ibas minggu enda, salah sada ciri kalak Kristen si dewasa, eme :

1.      Perukurenna mehuli adi lit perbeben si reh kubas geluhta.

Tapi e kin ngenca tanda kalak Kristen sidewasa?

-          Pilipi 4 : 10-20

Bagin enda ngerana erkiteken pengataken bujur Rasul Paulus nandangi penampat ras perhatian si bereken Perpulungen Pilipi nandangi dirina sangana ia bas penjara ntah pe sangana ia meritaken berita si meriah.

Lit piga-piga hal si banci si pelajari arah surat situlis rasul Paulus nandangi perpulungen Pilipi, berkaiten ras uga situhuna kedewasaan kalak Kristen

1. Harus lit perubahan mindset uga cara ernin sesuatu.

Adi siperdiateken labo Rasul Paulus ngataken bujur man perpulungen Pilipi erkiteken materi si berekenna tapi uga perpulungen Pilipi mediate ntah banci kataken labo masalah barangna tapi perhatianna.

2. Erlajar ngatakenca bias ibas kerina keadaan.
3. Kedewasaan ngasup ngaloken perbeben alu tenang
4. Ngasup ngaloken ras ncukupken kai si jadi tanggung jawabna amin pe situasi si terjadi la bagi ukurna
5. Kebahagiaan si tuhu-tuhu eme erbahan kalak sideban bahagia.

Ibas minggu enda kita mperingati 75 tahun GBKP Njayo, adi secara umur 75 tahun enda labo umur si muda, tapi kuakap nggo lumayan adi siukuri umur manusia. Tapi sudahkah kita menjadi dewasa secara kiniteken ibas 75 tahun enda ? nggo ka kita seri bagi perpulungen I Pilipi aminna melala persoalan ibas perpulungen tetap ia ngasup nampati kalak sideban ?

Ingat Tua Pasti tapi dewasa Pilihan.

Gundari pilihanna tergantung man banta. Kita kerina mutuskenca. Ingat setipa pilihan pasti lit resikona, tapi ibas resiko pasti lit hal positif ibas si e kerina. Terpujilah Tuhan.