BIMBINGEN MAMRE 31 Juli - 6 Agustus 2016

BIMBINGEN MAMRE

NGAJARKEN ANAK E ME KEARUSEN NGGELUH

Nats : Kuan-kuanen 22 : 6

-          Tafsiran Kuan-kuanen 22 : 6

Bahan si cukup gendek adi kita ngerana masalah tema enda, tapi situhunna adi manjar-manjar si perdiateken bahannta enda, situhunna melala si banci si dat arah bahan enda, terutama man kita mamre.

Bahan enda iawali alu kata “Ajarkenlah”, alu bage lit sada tanggung jawab si ibereken nandangi orang tua terkhusus Mamre eme ngajari anak.

Melala si terjadi bas kegeluhen jabu, mamre terlalu focus masalah pemenuhen kebutuhan geluh jabu terutama anak. Mamre nggo mulai lupa bahwa mengajar eme salah sada tugas ras tanggung jawabna kang. Bahkan si tridah melala ka mamre mereken tanggung jawab enda man Moria bahkan man guru-guru les ntah pe kalak sideban.

Hal si enda tentu berpengaruh terhadap kedekatan anak ras bapakna.

Tapi melala ka perbapan ngatakenca bahwa ia deher ras anakna, tapi inget kedekaten enda, melala sikuidah erkiteken masalah pemindon. Maksudna anak deher ras bapakna erkiteken melala bapak name-nami anakna. Jadi labo erkiteken ajaran tapi erkiteken keinginan anak nandangi bapak.

Nce kai situhunna man ajaren bapa ku anak :

1.      Sue ras bahan pengogen eme kearusen geluh

Salah sada si paling penting si arus ajarken bapak man anak eme uga kearusen nggeluh ibas doni enda. adi masalah pengalamen nggeluh, adi pengakapku ya, lalit si nalukenca sekalak perbapan, perban biasana bapak-bapak enda melala pengalamenna.

2.      Cara rukur

Bapak harus ngajarken hikmat ntah pe kebijaksanaan man anak alu perbahanen si banci jadi usihen anak nandangi bapakna

3.      Rsdna

-          Kaiten ras tema

Jabu terbentuk ibas kiniersadan Bapak, nande ras anak, ibas kiniersadan enda, orang tua perlu lit tanggung jawabna nandangi anak si lit i tengah-tengah jabu, erkiteken la banci ipungkiri masa depan sekalak anak sangat itentuken uga pengajaren orang tua paksa ia kitik denga.

Enda sirusur ilupaken orang tua, pengakap melala orang tua terutama bapak, bahwa adi nggo mantap masalah pemeteh ntah pe pengetahuan nggo dung tugasna selaku orang tua. Lupa kita bahwa pengajaran moril, sopan santun, etiket rsdna enda kerina tanggung jawab orang tua, bapa ras nande. Erkiteken adi siperdiateken gundari hal si enda me si nggo kurang ibas anakta si gundari. Mehamat nandangi orang tua ras temanna. Engkai perban melala orang tua terlalu berfokus man masalah pengetahuan saja.

Emakan ibas bahan enda, marilah kita mamre siajarken man anakta uga kin kearusen nggeluh arah kedekatan kita ras ia. Ula kari bagi guru ras murid tapi tuhu-tuhu bagi bapak ras anak gelah enda jadi pelajaren situhu-tuhu ras banci ipakena segedang geluhna,