BIMBINGEN MORIA 21 - 27 AGUSTUS 2016

BIMBINGEN MORIA

Thema:MAKEKEN PAKEN ANAK DIBATA

Siman ogen  : Kolose 3 : 12 - 17                    

                       

-          Pengantar

Adi lit penungkunen man kita,

1.      Kai sinuduhkenca maka kam kalak karo ?

-          Perban kam lit margandu ?

-          Erkiteken ayondu khas kalak karo ?

-          Erkiteken dialek bahasandu kalak karo ?

-          Erkiteken sifat si lit bas kam ?

Emakana kai situhunna si erbahanca kam jadi kalak karo ? kai si special maka kam ieteh kalak kalak karo ?.

Ibas kerina suku bas Indonesia enda, tentuna lit kekhususan si melekat bas diri kerina suku bas Indonesia enda. la terlepas ras suku karo. Tentuna pasti lit kekhususanna. Emakana hal si khusus enda menjadi semacam tanda pengenal man kalak karo.

Seri ka adi lit penungkunen uga carana kita ngatakenca dirinta kalak Kristen ntah pe uga carana kita beda kenca kalak sideban ras kalak Kristen ? melala kalak gundari si la beragama Kristen tapi perbahanenna bagi kalak Kristen ras melala ka kalak Kristen si perbahanenna la bagi kalak Kristen. Emakana perlu sieteh uga kin situhunna jadi kalak Kristen, kai si arus silakoken.

-          Tafsiran Kolose 3:12-17

Surat enda eme surat Rasul Paulus si berekenna man perpulungen i kolose. Paulus sangana menulis surat enda ia bas penjara denga. Emakana seh kal luar biasana Rasul Paulus ibas kai si nanamina ngasup denga ia guna mereken pedah ras ajaran man kalak sideban.

Ibas paksa si e, perpulungen Kolose sangana nanami persoalen i tengah-tengah perpulungen erkiteken lit ajaran-ajaran palsu si atena campur adukenna filsafat Yunani ras ajaran Kristen si erbahanca nggo ndauh ia arah kai si situhunna ajarken Yesus. Emakana nina rasul Paulus situhunna ibas nembah man Dibata labo kebiasaan ngenca si arus rusur ipelimbarui, tapi harus siinget bahwa hal si penting eme “Karakter”. Jadi jadi Kristen berhubungen ras Karakter kalak.

 Karakter si jadi paken ibas kegeluhen e cukup tangkas ibas bahannta enda ibas kolose 3 : 12-17 eme perkuah ate,rukur meteruk,lemah lembut,sabar ras ngasup ngalemi salah kalak sideban.

-          Kaiten ras tema

Emakana ibas pa morianta enda, harus sipebetehkan man krina teman morianta, bahwa Dibata mperdiateken dirinta, tapi inget labo sie erbahanca maka kita terlalu focus ku hal si la terlalu penting si erbahanca kita kari nadingken pemahaman kekristenan kita. kekristenan ngajarken bahwa kita harus focus ibas perubahan karakter moria, erkiteken karakter e si ncidahken ise situhunna kita, labo ibas kai sipake tapi ibas kai siibahan man kalak teridah eme paken perkuah ate,meteruk ukur,meteruk ukur,sabar ras ngasup ngalemi kalak sideban.