BIMBINGEN PJJ Tgl 4 – 10 Sept 2016

BIMBINGEN PJJ Tgl 4 – 10 Sept 2016

Thema : ERGAILAH KEGELUHEN

Nats : Pengerana 7 : 1-8

Pdt. Maria E br Sitepu

-          Pengantar

Adi lit penungkunen bas kita gundari, kai si mehergana ntah pe si berhargana kal ibas kegeluhenndu sekalak-sekalak ?

Adi sipahami manjar-anjar, si mehergana eme geluh e ka, erkiteken kai si mehergana selain geluhta enda, perban geluh enda me barang si kuakap la banci tukur, la banci darami sambarna adi nggo lanai lit geluh enda bas kita.

Emakana geluhta enda la banci lang si ergai kal, ugapape kegeluhennta enda harus siergai.

Tapi melala kalak la iergaina geluhna enda, piga kali siidah :

1.      Kalak bunuh bana erkiteken persoalan bas geluhna

2.      Kalak si make narkoba. E kuakap pelarian ibas geluhna, erkiteken barang si enda me erbahanca kita menciptakan dunia kesenangen man dirinta. Jadi kita la siap ibas dunianta si dalani kita gundari.

3.      Rsdna kerina si ncidahken lanai ergaina pemere si mbelin ibas Dibata nari.

Engkai maka melala siidah bage ? adi ibas bahan tema PJJnta sekali enda, Raja Salomo nggit mereken refresh otak man kita, uga situhunna cara kita ngergai kegeluhen. Ntah sedekah enda salah kita memahami kegeluhennta enda.  

-          Tafsiran Pengerana 7 : 1 – 8

Sipertama si perlu si pahami lebe ras si sepakati eme:

1.      Geluh e sifatna sementara

2.      Geluh enda kedungenna la sada pe metehsa.

Emakana ibas ayat 2-3, harus ipahami kematen e sesuatu si la si sangka ras erbahanca kalak sengget. Melala kalak erpengakap erkiteken geluh eme pemere Dibata maka harus iergai alu cara si la pas ntah pe ermeriah-meriah, labo kuakap dalih, tapi ibas ayat 8 bas bagin pengogennta enda, tangkas kal, maka lit perpayona adi sangana kita nggeluh ibas paksa enda, perlu ka siukuri uga dungi pagi kegeluhennta alu payo.

Guna si e, maka ibas ayat 1 tangkas kal kataken maka, gelar si merim madin asangken minak si merim.

Minak si merim e ipake guna gambarken kebayaken ntah pe materi rsdna si rusur iayaki jelma ibas kegeluhenna. Tapi nina pengkhotbah madin gelar si merim.

Arah si e ngingetken kita, ibas ayat 5-7, ija ikataken raja Salomo, eme melala kalak si ngayaki sada hal si situhunna si banci masap eme kebayaken, kerina cara ihalalken gelah banci dat si e.

Tapi si e situhunna labo erbahanca bahwa manusia la banci ndarami si lit bas doni enda. kerina banci si ayaki, tapi inget piga hal :

1.      Labo e si utamana kal

2.      Cara si pake kita guna datken si e

3.      Waktu ibas datken si e

Janah kebayaken e mehuli tapi labo mehuli kal, gelar merim e nina raja Salomo e si mehergana asangken erta, erkiteken gelar e la banci masap, pasti rusur I inget kalak.

Emakana geluh enda e harus iergai alu cara si pas, ula kari siakap kita ngergai nggeluh kepeken dalan-dalanna kita ncedai geluhta kang kari. Makana marilah si siksiki kai si nggo ibahan kita nandangi geluhta, apakah e ngergai ntah ncedai ngenca ?.