BIMBINGEN PERMATA tgl 26 september -2 September 2016

BIMBINGEN PERMATA tgl 26 september -2 September 2016

,Thema : KAI NGE SIDARAMINDU

Nats : Johanes 1 : 35-40

Pdt. Maria E br Sitepu

 

Gelah Permata GBKP :

1.Nuriken penjemba kalak Sienterem lako ngikutken Yesus Kristus.

2.lit MOtivasi sibenar ngikutken Tuhan Yesus ibas kegeluhen Permata

   GBKP..

3.Njadiken kiniersadaan nggeluh bagepe meriah (Permata GBKP yg hidup

   Dan menarik).

-          Penjelasen Teks

Ibas bahan pengogennta sinibuat bas Johanes 1 : 35-40, ituriken uga Tuhannta Jesus Kristus jumpa ntahpe datken ajar-ajarna si pemena.

ibas ayat 1-2 ituriken uga Jesus banci datken ajar-ajarna si pemena. Tentuna nggo tangkas kal bas pustakanta ajar-ajar si pemena eme situhunna ajar-ajar Johanes peridin. Erkiteken sangana ia ngelakoken aktifitas si biasa ilakokenna mentas Jesus, janah ikatakenna man ajar-ajarna “enda me anak biri-biri Dibata”.

ibas bahasa enda, teridah :

1.      Johanes peridin merhat gelah ajar-ajarna datken pemeteh si lebih asangken si nggo aloken ajar-ajarna sedekah enda.

2.      Ajar-ajar Johanes Peridin enda, eme ajar-ajar si tutus ibas usahana guna erlajar kata Dibata. erkiteken dung kataken Johanes ise Yesus, minter ikutkenna. Aminna pe labo ikataken Johanes enda me kalak bayak, tapi enda me anak biri-biri Dibata.

Janah adi siperdiateken ka mulihi bas bahannta enda, ibas ayat 38, lit dua hal si menarik :

1.      Perkataan Jesus nandangi 2 kalak ndai si ngikutken Ia.

“Kai daramenndu”. Penungkunen si bage, adi menurut aku eme penungkunen si ipake Jesus guna erninsa motivasi ras tujuan kalak enda 2 anak.

2.      Alu jawaban sederhana ema “oh Rabbi ija rumahNdu”. Jesus mis ernin ketutusen kalak enda. erkiteken arah bahasa rabbi ras penungkunen rumah ertina lanai lit keraguan kalak enda duana guna ngikutken Jesus.

Ketutusen 2 kalak enda, tentuna ibalas alu mehuli (ayat 39).

Jadi arah pengogenta enda, teridah uga carana ngikutken Yesus :

1.      Lalit maksud ras tujun sideban, selain guna Kata Dibata

2.      Tutus ras tek

-          Aplikasi

Emakana ibas bahan permatanta bas minggu enda eme “Kai nge sidaraminndu?” tentuna enda penungkunen mulihi man permata guna metehsa ntahpe ngargari mulihi kai situhunna tujunnta ibas ngikutken permata enda, ntah :

1.      Jodoh

2.      Datken dahin

3.      Datken teman akrab

4.      Gelah lit kegiatan

5.      Ntah guna megiken kata Dibata gelah banci ipake guna teman si isekelewatta.

Tentuna kita me permata njawabsa sekalak-sekalak. Jawaban si lit bas pusuhndu enda, tentu Dibata metehsa. Tapi me siinget kai nina Dibata “daramilah lebe Kinirajan Dibata maka kerina icukupkenna man bandu”, ertina labo salah adi lit motivasi-motivasi sideban ibas kita ngikutken permata. Tapi inget posisi guna megiken kata Dibata e arus ibas bagin sepemena. Gelah arah e tujun sideban Tuhan nampatisa. Inget Dibata tehna kai sibutuhken kita.