BIMBINGEN KHOTBAH 11 SEPTEMBER 2016

BIMBINGEN KHOTBAH 11 SEPTEMBER 2016

THEMA: MERIAH RAS ISE PE

Invocatio : Masmur 34 : 15

Ogen : Pilemon 1 : 7 – 20

Renungen : Heber 12 : 12 – 17 

Pdt. Maria E br Sitepu

-        Pengantar

Adi siukuri tema enda, lit sitik erbahanca perdebatan ibas dirinta sekalak-sekalak kuakap ya, adi sipake logika manusianta.

“Meriah ras Ise Pe”

Engkai maka kukataken banci erban perdebatan ibas dirinta, erkiteken adi sipikirken secara manusia tema enda, situhunna sura-sura kerina manusia.

Lalit manusia mbelang-mbelang doni enda rubat ras temanna, kerina atena min ermeriah ukur ras temanna, tapi persoalenna ka tole uga adi ras kalak si la akapna kita meriah ? ngasup kin kita meriah ras kalak si bage ?

Emakana mari si perdiateken bahan ogennta si pemena

-        Pilemon 1 : 7-20

Kitab enda, situhunna sangat unik, erkiteken ibas kerina surat si itulis rasul Paulus, rata-rata nuriken sikap rasul Paulus erkiteken masalah doktrin, ntah apologet, rsdna si berkaiten ras perdalanen perpulungen kristen, tapi surat enda, tuhu-tuhu ngerana masalah pribadi eme perubaten tuan ras hamba, emekap

Pilemon ras hambana si erguna (Onesimus)

Persoalen e terjadi erkiteken si erguna e, nangko bas rumah majikanna (Filemon) (ayat 19), emakana dung si e, kiam me si erguna ibas rumah majikanna nari, tapi kepeken Dibata lit rencanana nandangi si erguna enda, iperjumpakenna ia ras Paulus si sangana ibas penjara. Dungna si erguna enda ertobat. Emaka rasul Paulus nulis surat enda gelah ibaba si erguna nandangi Pilemon.

Piga-piga hal si menarik ibas bahan enda, adi si perdiateken :

-        Paulus nggit ibas kiniseranna (Penjara) sampatina kalak gelah banci erdame.

-        Ula pernah kiam arah masalahnta, sienda teridah uga rasul Paulus nuruh si erguna gelah mereken surat enda man pilemon, padahal sangana ia bermasalah erkiteken nangko barang majikanna.

-        Nggit ngakuken salah. Melala manusia enda, pang berbuat salah tapi adi ngakukenca lit saja alasan siibahanna gelah ula kal ia sisalah.

-        Meriah pilemon ras erguna, labo erkiteken paksaan tapi tutus ibas pusuhta nari.

-        Lanai iingetna persoalen si enggo lepas,kerina kalak banci berubah

Emakana bagi temanta “meriah ras ise pe” bagi nina cerita rasul Paulus nandangi si erguna ras Pilemon, erkiteken kita jadi anak-anak Kristus, makana kita perlu ermeriah sada ras sidebanna. Perban benci eme dosa si mbelinna kuakap erkiteken me nina Tuhan Kelengilah temanmu, jadi lawan keleng me benci jadi e kuakap dosa si mbelinna.

Tapi uga adi lit kalak la nggi ermeriah ras kita ?

-        Heber 12 : 12-17

  ibas bahan pengogennta si peduaken.

Me rusur siidah bas kegeluhennta enda, kata seandainya e ipake kalak guna ngatakenca penyesalan si la lakokenna ntah atena ilakokenna.

Emaka ibas bahan enda, iawali alu kata pengajuk man kerina perpulungen gelah aminna pe  la bagi ukur, nggo mesera rsdna, tetaplah pengasupndu dirindu, erkiteken kai silakokenndu enda, labo erbahanca kam reh suina, tapi gelah reh malemna atendu dalani kegeluhen ibas doni enda, bagi nina Jakup gelah reh megenggengna kam ibas kegeluhen enda.

Emakana tole nari sikataken meriahlah ras ise pe, dalanken dalan si pedahken Tuhan man bandu, gelah tuhu-tuhu datken kemalemen ate kita bas geluh enda.

Geluh enda bagi jalan nggo lit jalan pinter si bereken Dibata man kita, tapi kita rusur blok-belok gelah meriah siakap. Inget-inget pinter saja perdalanenta, erkiteken nggo jelas ku ja kita erdalan enda. mungkin belok-belok siakap banci erbahanca kita metehsa tujun geluhta enda, tapi kepeken banci erbahanca kabur perdalanen geluta enda.

Meriah ras ise pe subuk bagi ukur ntah la bagi ukur.

Sada hal si kupahami, meriah e kata kerja pasif ras aktif, maksudna, aktif adi kita dat respon, tapi pasif adi memang la ia meriah ya kita saja meriah siakap dirina, perban tanggung jawabnta meriah ras ia, masalah perpudina, endeskenlah man Dibata. sipentingna kita nggo dalanken kai si ngena ate Dibata. Terpujilah Tuhan