BIMBINGEN MORIA tgl 25 september -1 Oktober 2016

BIMBINGEN MORIA tgl 25 september -1 Oktober 2016

Thema:ERKEMALANGEN RAS ERPENGARAPEN

Nats : Kuan-kuanen 23 : 17-18

Tujun:Gelah Moria:

            1.Erlajar kerna kegeluhen kalak sierkemalangen ras erpengarapen

2.ncidahken kegeluhen si erkemalangenr as erpengarapen man Tuhan.

-          Penjelasan Teks

adi sioge bahannta enda eme kuane-kuanen 23 : 17-18, eme salah sada ibas telu puluh petuah kalak pentar sibereken salomo.

Ibas bagin enda, ibenaken ibas ayat 17, ija ikatakenna “Ola Morahi kalak perdosa”. Ertina kemungkinan ibas paksa si e, bangsa Israel morah atena ernin sekalak jelma si perbahanenna la ngena ate Dibata, janah kemungkinena ka pe kalak enda eme kalak bayak. Erkiteken si e maka morah Ate kalak.

Tentuna si e erkiteken melala kalak ibas paksa si e nggo dalanken Kata Dibata, tapi la bagi siarapkenna si reh kubas kegeluhen (musil), tapi kalak si ngelakoken si la ngena ate Dibata datken kinibayaken.

Tapi adi silanjutken kai nina salomo “Erkemalangenlah man Tuhan”.

Bahasa si cukup simple guna jawab penungkunen kalak si sangana “galau” ibas kai sidekah enda itekina.

Engkai maka bage ?

1.      Ibas bahan pjjnta minggu si lewat Lukas 12 :15, ituriken Jesus erta enda labo jadi jaminen guna datken kegeluhen situhu-tuhu

2.      Upah dosa eme maut (Roma 6:23)

3.      Erkiteken mengga ate erbahanca kita celus (masmur 73)

Emakana ipindoken Salomo adi ateta nggit jadi kalak pentar makana perlu kita “erkemalangen man Dibata” saja.

Hal si enda pe, silakoken gelah : (ayat 18)

1.      Terang wari-warinta si pepagi

Maksudna jenda ertina pengidahta enda nggo lanai i halangi hal-hal si la mehuli. Nggo ngasup kita guna ernin apai dalan si pasna ibas kegeluhennta

2.      Pengarapen la bene

Maksudna ka jenda, gelah manusia ibas kerina persoalen erkiteken ia nggo erkemalangen man Dibata, maka nggo ka tek ia Dibata me Raja si mbelinna si tetap mereken pengarapen man kerina kalak.

-          Aplikasi

Nina piga-piga survey sada biak si umum banci siidah ibas hampir kerina diberu eme cemburu. Sekalak diberu umumna teridah kal kecemburuanna, subuk masalah pasangan, harta rsdna. Hal si enda sikuakap mendasari bahan pa morianta ibas minggu enda.

Kecemburuan ibas kalak biasana, turah erkiteken kinilangasupen sekalak jelma guna datken kai si isura-surakena, emakana adi lit kalak si hebaten asangken ia nggo ka ia cemburu.

Erkemalangen ras erpengarapen tentuna dua hal si la banci ipesirang ibas kegeluhen nandangi kalak Kristen, erkiteken enda me dasar erkiniteken man Dibata.

Erkemalangen erbahanca kita ngakuken dirinta terbatas, emakana ibas keterbatasan e perlu kita erkemalangen man sekalak si hebaten asangken kita.

Adi nggo ka kita erkemalangen makana sada hal si perlu eme erpengarapen.

Erkemalangen tanpa erpengarapen banci erbahanca kita kubas pemahaman si tempa-tempa lanai lit tujun nggeluh, emakana perlu kita erpengarapen gelah ibas kita erkemalangen lit ka arapen si lit bas kita nandangi kegeluhennta enda.

Bageka adi erpengarapen tanpa erkemalangen. E sea-sea ka, ertina, kita ngarapken tanpa nggit berkorban man si mereken arapen e. jadi kita terkesan egois.

Emakana man kam kerina moria kami,marilah kita ibas persoalannta sekalak-sekalak tetaplah erkemalangen ras erpengarapen man Dibata saja.