BIMBINGEN PERMATA Tgl 4 – 10 September 2016

BIMBINGEN PERMATA Tgl 4 – 10 September 2016

Thema : BERTEKUNLAH IBAS PENGAJAREN

Nats : Kisah Para Rasul 2 : 41-42

Pdt. Maria E br Sitepu

-          Pengantar

Adi siperdiateken gundari enda, adi ngerana kita erkiteken minat kalak muda guna kugereja (permata), lit 2 hal si biasana rusur iidahna ibas atena muat bagin ibas sada persekutuan :

1.      Puji-Pujin

Melala siidah gundari istilah kerenna belanja iman. Ertina anak muda cenderung ernin apakah puji-pujinna menarik ntah lang tapa ernin uga ajaran siajarkan ibas sada persekutuan. Memang banci kataken puji-pujin eme salah sada bagin ibas ibadah tapi perlu siinget Kata Dibata eme sipentingna

2.      Persekutuan

Maksudna jenda, melala gundari anak muda cenderung erkebaktin erkiteken enterem temanna je. Ajaran labo terlalu jadi sada hal si penting asal nggo ka meriah akapna je ras temanna ku je ka ia. Persekutuan memang penting tapi sekali nari Kata Dibata eme si pentingna

Tapi perlukah siinget bahwa ula kari kita ndabuh ibas pengertin bahwa kata Dibata si pentingna kal, emaka bagin-bagin bagi kata puji-pujin, persekutuan, pertoton nggo lanai iperdiateken tapi kerina e jadi sada bagin utuh si la banci terpisahkan.

Emakana ibas bahan permata sendah, coba itekanken komitmen permata ibas si e kerina alu bahan :

-          Tafsiran Kisah Para Rasul 2 : 41-42

Ibas ayat 41, ikataken jenda bahwa kalak singaloken Kata Dibata enda, mereken dirina guna iperidiken. Kai maksud iperidiken enda :

1.      Simbol Penyucian dosa

2.      Simbol kiniersadanta ras Kristus

3.      Pengakun man doni enda kita nggo jadi pengikut Kristus

4.      Tanda kita nggo hidup baru ras geluhta si male nggo sitadingken.

Jadi jelas peridiken jadi sada komitmen kita ibas kita nggo ngaloken Yesus jadi juruselamata.

Janah adi nggo e terjadi, emaka bagi bahannta nda pasti lit pertambahan kuantitas jumlah kalak si tek nandangi Kristus.

Tapi terjeng si e ngenca kin adi kita nggo nandangi tek man Dibata ?

Ibas ayat 42, ikataken je lit 4 hal :

1.      Pengajaren

2.      Persekutuan

3.      Pulung guna mecahken roti

4.      Ertoto

Adi siidah makana pengajaren masuk ibas bagin sipertama. Jadi labo terjeng tek saja tapi seh kari kita tetap tutus ibas erlajar kata Dibata.

Kata tutus pe siipake jenda cukup menarik, erkiteken tutus ibas erlajar Kata Dibata enda, lit 2 hal si harus perlu siperdiateken

1.      Ula terjeng piga bulan ntah pe tahun nce ngadi

2.      Rutinlah erlajar kata Dibata ula maun-maun

Emakana marilah man bandu permata bertekunlah ibas pengajaran gelah arah enda, kam tetap ngasup dalani masa mudandu enda alu meriah ukur ras malem atendu.