BIMBINGEN MAMRE tgl 4 – 10 Sept 2016

BIMBINGEN MAMRE tgl 4 – 10 Sept 2016

Thema : ANAKKU, KANDU-KANDUKU

Nats : Kolose 3 : 21

Pdt. Maria E br Sitepu

Tujun :   a.  Nuriken perbahanen-perbahanen sipesega-sega anak

                                       b.  Mereken tanda (kado) ibas perayan HUT Permata

                        Metode:  Aksi man Permata

-          Pengantar

Pernahkah si ukuri man banta kerina mamre ntah nggo pernah si nanami, engkai maka anak reh galangna, reh beluhna ia rukur reh ndauhna ia ibas orang tuana nari.

Adi cuba si hitung gundari waktu kita ras anak sangana ia kitik denga ras gundari, tentuna kuakap nggo melala berkurang, engkai ?

Tentu pasti melala si njawabsa, gundari me ia nggo sekolah. Payo pas kal jawabanna e, tapi semisal la ia sekolah, apakah jumlah waktu e banci seri ras si nai ?

Tentuna lang, engkai ?

1.      Orang tua terkhusus bapa, nggo beda focus (sen ntah pe pemenuhen Kebutuhan)

2.      Orang tua nggo lanai jadi teman man anak

3.      Anak nggo datna sosok si banci jadi pengganti orang tua

4.      Rsdna, si menurut buku ayah edy menjawab, lit 37 hal si erbahanca anak mesera iatur orang tua.

Ibas paksa gundari, bahan pa mamrenta ngerana masalah uga orang tua banci jadi sohib bahasa kerenna nandangi anak enda, emaka ibas

-          Tafsiran Kolose 3 : 21

Enda me surat Rasul Paulus nandangi perpulungen I kolose, ibas bagin enda, adi siperdiateken kerina, maka rasul Paulus menaruh perhatian besar nandangi uga jabu Kristen e banci jadi jabu :

1.      Erkemalangen man Tuhan

2.      Usihen

3.      Datken kemalemen ate.

Emakana ibas ayat 18, turikenna uga sekalak ndehara nandangi perbulangen bage ka ibas ayat 19 uga perbahanen sekalak perbulangen nandangi ndeharana ras ayat 20, nuriken uga tanggung jawab anak nandangi orang tuana.

Janah ibas ayat 21 si jadi bahan oratenta sendah ibas pa mamrenta, uga perbahanen orang tua nandangi anak. Mari sipahami manjar-anjar bahan enda.

1.      Istilah orang tua si ipake rasul Paulus ibas bahan enda, ncidahken bahwa gelar si ibereken nandangi kita eme orang tua, e labo gelar sembarang, lit tanggung jawab ibas si e kerina. melala kita erpengakap bahwa jadi orang tua enda, erti sada arah saja, anak harus mehamat nandangi kita. tapi inget tugas ras tanggung jawabta situhunna lebih besar, erkiteken kai si terjadi ibas masa depan anak, e tergantung arah kita orang tuana.

2.      Ula rusursa junguti, ertina ngatakenca sepengidah rasul Paulus, melala orang tua ibas perpulungen kolose rusur jungutina anakna, kai pe la akapna pas. Siukurina ngenca pas. Inget zamannta ras zaman anak gundari e berbeda, kita rusur orang tua pengalamen nai jadi patokan. “Adi Aku mbarenda”. E penting tapi ula ka jadi patokan guna jadi pelajaren man anak. Berelah ia sitik tanggung jawab. Kita jarang nggit latih, makana tanggung jawab nandangi anak kurang. Jenari ia banci erlajar adi e silakoken.

3.      Gela ula bene ukurna, ertina jenda, kai si ibahan nandangi anakta, banci erbahan kita nggo lanai iergaina selaku orang tua. Emaka ula kam merawa adi misalna lit anak si melawan nandangi orang tua. Tentuna bibitna me li bas kita nari.

Emakana ibas pa mamrenta enda, marilah sijadiken anakta, jadi anak, teman gelah tanggung jawab ras sura-suranta nandangi anakta banci terpeseh.