BIMBINGEN KHOTBAH 25 SEPTEMBER 2016

BIMBINGEN KHOTBAH 25 SEPTEMBER 2016

MINGGU NOTOKEN SERAYAN TUHAN II

Thema:TUMPAK-TUMPAK PERBERITA SI MERIAH

Invocatio : 3 Johanes 1 : 2

Ogen : Heber 13 : 16 – 21

Renungen : Roma 15 : 30 – 33

Pdt.Maria E br Sitepu

 

-          Pengantar

Sieteh kerina adi ngerana kita masalah kesempurnaan tentuna lalit kalak si sempurna, kerina manusia sangana erdalan kuarah kesempurnaan ndai alu cara dalanken kai siakapna si mehulina. Adi kita selaku kalak Kristen tentuna alu ndalanken kai siajarken Dibata man banta. Tapi perlu ka sisadari ibas ngayaki kesempurnaan enda, lit 2 jenis manusia siidah :

1.      Manusia ibas ngayaki si e alu kesadaren ras gegehna sisada.

2.      Manusia si perlu denga itumpak-tumpak ntah pe isampati guna banci kuarah kesempurnaan ndai.

Adi man kita kalak Kristen tentuna me sieteh kesempurnaan enda eme adi kita deher ras Dibata, reh deherna kita ras Dibata bagepe sidalanken kai sikatakenNa maka kita nggo nandangi ku kesempurnaan selaku kalak Kristen.

Tapi uga carana kita metehsa kai sura-sura Dibata ntah pe kai harus ilakoken selaku kalak Kristen ? la banci lang e tugas perberita si meriah. Ise perberita si meriah enda ?

Situhuna perberita si meriah enda, eme kita kerina secara idealna tapi adi siidah gundari serayan eme tombak guna jadi perberita si meriah.

Tapi perlu ka siinget ibas dalanken tugas ras tanggung jawabna enda, serayan perlu ka penampat arah perpulungen. Payo sekalak serayan eme tan kemuhen Dibata guna pebelangken berita si meriah. Tapi perlu siinget :

1.      Ibas minggu si lewat uga siidah rasul Petrus ras Paulus perlu ka penampat ibas perpulungen nari eme pertoton perpulungen.

2.      Siidah ka ibas piga-piga surat si itulis rasul Paulus, Paulus mindo penampat man piga-piga perpulungen guna nampati perpulungen sideban.

Ertina ibas 2 hal ndai, tangkas kal serayan eme penampat Dibata guna pebelangken beritaNa, tapi perpulungen e ipake Tuhan guna nampati serayan ibas dalanken tugas ras tanggung jawab enda, emaka ibas

-          Heber 13 : 16-21

Penulis kitab Heber nuriken pedah-pedah nandangi perpulungen gelah ngasup ngalaken persoalen bagepe penindasan arah kalak Yahudi ras pemerintahan Romawi sierkuasa paksa e . ije iajarken gelah tetap nehken kekelengen nandangi senina ibas sada perpulungen, enda banci siidah ibas ayat 2-5.

Ibas bagin pengogennta enda pe, siidah uga penulis kitab enda mereken pedah man perpulungen gelah :

1.   Nehken kekelengen,sebab eme persembahen singena ate Dibata.sebab buah ibas kiniteken eme kekelengen.

2.   Patuh ras ikutkenlah kata peminpinndu (Serayan)

Semalna ibas sekalak serayan erdahin ibas ketutusenna ndalanken perintah Dibata keriahenna eme mabai  kalak sideban ngikutken kai sikataken man bana erpalasken kata Dibata.

3    Totokenlah serayanndu, gelah arah sienda serayan enda, ngasup guna dalanken tugas ras tanggung jawabna..  

Emakana ibas bahan enda, teridah bahwa serayan pe perlu itumpak-tumpak perpulungenna. Asa kai kin gegeh si lit ibas serayan enda ?lalit, emakana perlu lit penampat arah perpulungen.

-          Roma 15 : 30-33

Bas bagin enda ka siidah uga rasul Paulus nuriken ketedehen atenana nandangi perpulungen i roma, tapi kepeken erkiteken melala dengan tugas ntah pe dahin pelayanen si harus ilakoken Paulus emakana lenga ia banci seh ku perpulungen i roma.

Tapi ibas dahin si melala, mindo ka rasul Paulus gelah itotoken kalak enda ia gelah kerina dahin si lakokenna enda banci erdalan alu mehuli lalit si alang abat ibas ia dahiken dahin enda.janah Paulus meteh maka ibas gegeh toto perpulungen man bana reh ngasupna ia ngelakoken Dahin Tuhan.  

-          Aplikasi

Situhunna kita banci erlajar arah bahan pengogenta enda guna numpak-numpak serayannta  eme :

1. Ertoto bagi minggu si lewat, labo terjeng masalah pelayanen serayannta enda, tapi masalah pendahin serayannta enda, keluargana ras kerinana. Gelah tuhu-tuhu serayannta enda reh ngasupna guna dahinken dahinna,emaka jemaat pe harus mendukung,mendorong serta memotivasi gelah perberita simeriah .
2. Patuh ras dalanken kai si kataken serayanta enda.

Inget kai sibegiken enda, eme kata Dibata lalit kepentingan sideban, emakana patuhilah gelah tuhu-tuhu kita datken keriahen ibas si e kerina

      3.  Ergailah serayan alu nehken kekelengen.

Si enda me si erbahanca serayanta enda meriah ukurna dalanken tugasna, emakana marilah si tumpak-tumpak serayannta enda, labo terjeng materi tapi arah pertoton, perbahanen ras perukuren perpulungen.