BIMBINGEN PJJ Tgl 18-24 SEPTEMBER 2016

BIMBINGEN PJJ Tgl 18-24 SEPTEMBER 2016

Thema :OLA MERANGAP

Nats : Lukas 12 : 13-15

-Aksinta minggu enda:

Ndahi senina ,turang ntah anggota keluarga bagepe teman sibalengen rumah ,sebalengen

rumah ,sebalengen juma,sada dahin sipernah kita rubati ntah la siangkaan masalah erta

      ntah sen kenca bage erdame ras ia.

Pdt. Maria E br Sitepu

-          Penjelasen Teks.

Perumpamaan kerna kalak bayak si lenge enda ituriken Jesus, erkiteken ibas paksa si e Jesus selaku kalak si terkenal ibas pengajarenNa ipindoken piga-piga kalak guna ndungi masalah erta tading-tadingen.

Enda banci siidah ibas ayat 13, ibas ayat enda ituriken sekalak jelma nandangi Jesus gelah banci erta tading-tadingen enda banci ibagiken.

Ibas bangsa Israel adi gelarna erta tading-tadingen ibagiken ertina orang tua kalak enda nggo leben ngadap ku Dibata. situhunna memang lalit persoalen, tapi adi siperdiateken bahasa si ipake ibas ayat 13 enda, uga kalak enda ndilo Tuhan Jesus, ertina nggo lit persoalen ia ras seninana maka iakapna perlu guna ndilo kalak.

 Adi siperdiateken maka kejadin kematen orang tuana endal lenga bo ndekah terjadi.

Emakana  ibas ayat 14:

Teridah maka Jesus nggo meteh kai situhunna persoalen si terjadi.  persoalen sie erbahanca maka Yesus ngerana man kalak  ndai nina “ise kin ngangkat aku guna ngerunggui masalah erta tading – tadingen”.perkataan Yesus gelah ula merangap kerna erta seh maka bena kekelengen,sebab erta e sia sia nge adi Kesah buat Dibata. Si e tangkas iperjelasken Yesus alu perumpamaan kalak bayak silenge ija erkiteken kinirangapen lanai lit kekelengen.kerina ilakokenna alu nimbun kebayaken ngenca, kenca ilakokenna meriah kel ukurna.tapi kenca si mate me ia seh lanai lit gunana kinibayakenna e (bdk Lukas 12:16-21). Janah tangkas ibas ayat 15

Kataken Jesus nandangi kalak enda duana, kai silakokenna enda, situhunna lalit gunana.

-          Aplikasi

Tema PJJnta ibas paksa enda eme “Ola Merangap”, adi siikutken arah bahan pengogenta, maka lit piga-piga hal si menarik :

1.      Ayat 13, e ncidahken uga kalak lanai ingetna perkade-kadenna erkiteken erta si lit.

2.      Ayat 13 ka ncidahken uga kalak adi masalah erta kerina cara banci ihalalken gelah datken erta enda.

3.      Ayat 14, nuriken uga kita harus ngasup memahami kai situhunna siman ayakken ibas doni enda, erta doni ka ntah erta bas kinirajan sorga

4.      Ayat 15, nuriken kepeken erta bas doni enda sementara ngenca.

Adi siperdiateken si e kerina, erlajarlah kita jadi kalak bayak si pentar si metehsa kai si man ayakken bas geluh enda.

Bayak penting, tapi inget ola merangap ibas ngayaki kebayaken e, erkiteken labo e situhunna si man ayakken tapi erta ibas kinirajan sorga me si man ayakken.