BIMBINGEN PJJ 25 September - 1 Oktober 2016

BIMBINGEN PJJ

KUTATANG-TATANG KAM SEH METUA

Nats : Jesaya 46 : 3-4

Pdt. Maria E br Sitepu

-          Penjelasen Teks

Bagin pengogenta bas paksa enda, masuk ibas bagin deutero Yesaya (pasal 40-55), ija bagin enda nuriken uga bangsa Israel sangana ibas pembuangan. Tentuna la banci pungkiri melala kejadin si terjadi sangana bangsa Israel ibas pembuangan. Salah sada hal si terjadi eme si teridah ibas bahannta enda, eme bangsa Israel mulai nembah man dibata-dibata sideban emakana ibas bahan enda, nabi Jesaya cidahken man kalak Israel uga kin situhunna dibata-dibata sideban e ntah pe gana-gana adi ibandingken ras Dibata kalak Israel.

BIMBINGEN KHOTBAH 02 OKTOBER 2016

BIMBINGEN KHOTBAH 02 OKTOBER 2016

Thema:LANDEK DINGEN RENDE DEM PENGATAKEN BUJUR

Minggu Budaya II.

Pdt. Maria E br Sitepu

Invocatio : Epesus 5 : 19

Ogen : 2 Samuel 6 : 1 – 5

Renungen : Masmur 149 : 1 – 9

-          Pengantar

Landek ras rende eme dua hal si nggo semal ibas kegeluhen kalak karo. Hampir kerina kalak karo meriah akapna rende ras landek ibas acara-acara si ibahan kade-kadena ntah pe rende ras landek sisada ngenca guna melepas rasa stress. Tapi sadar ntah la sadar melala kalak la memahami, kepeken rende ras landek enda lit ertina ibas kita ngelakokenca.

BIMBINGEN MAMRE tgl 25 September 2016

BIMBINGEN MAMRE tgl 25 September 2016

Thema:Perbulangan Selaku Pengulu Jabu

Nats : Ester 1 : 22; 1 Petrus 3 : 7

Pdt. Maria E br Sitepu

Tujun: mamre ngasup:

1.Nuriken antusen perbulangen kap pengulu jabu.

2.Nuriken tanggung jawab Mamre selaku pengulu

                                  Jabu.

-          Penjelasen Nats

ibas bagin pengogennta si pemena sinibuat ibas ester 1:22, tangkas kal lit dua perintah si ipedarat Raja Persia eme Ahasweros man kerina perjabun ibas bangsana eme :

1.      Perbulangen eme pengulu ibas jabu

2.      Ndehara arus megiken kata perbulangen.

Hal si enda la terlepas ibas peristiwa si terjadi nandangi Raja Ahasweros sangana ia erban pesta man-man guna kerina bangsa, subuk pembesar bagepe rakyat si lit ibas negerina e. Ibas ayat 1-8, ije teridah uga kebesaran, kebayaken ras kekuasaan raja Ahasweros nandangi rakyat bagepe kerina kuta si nggo talukenna.

BIMBINGEN MORIA tgl 25 september -1 Oktober 2016

BIMBINGEN MORIA tgl 25 september -1 Oktober 2016

Thema:ERKEMALANGEN RAS ERPENGARAPEN

Nats : Kuan-kuanen 23 : 17-18

Tujun:Gelah Moria:

            1.Erlajar kerna kegeluhen kalak sierkemalangen ras erpengarapen

2.ncidahken kegeluhen si erkemalangenr as erpengarapen man Tuhan.

-          Penjelasan Teks

adi sioge bahannta enda eme kuane-kuanen 23 : 17-18, eme salah sada ibas telu puluh petuah kalak pentar sibereken salomo.

Ibas bagin enda, ibenaken ibas ayat 17, ija ikatakenna “Ola Morahi kalak perdosa”. Ertina kemungkinan ibas paksa si e, bangsa Israel morah atena ernin sekalak jelma si perbahanenna la ngena ate Dibata, janah kemungkinena ka pe kalak enda eme kalak bayak. Erkiteken si e maka morah Ate kalak.

BIMBINGEN PERMATA tgl 26 september -2 September 2016

BIMBINGEN PERMATA tgl 26 september -2 September 2016

,Thema : KAI NGE SIDARAMINDU

Nats : Johanes 1 : 35-40

Pdt. Maria E br Sitepu

 

Gelah Permata GBKP :

1.Nuriken penjemba kalak Sienterem lako ngikutken Yesus Kristus.

2.lit MOtivasi sibenar ngikutken Tuhan Yesus ibas kegeluhen Permata

   GBKP..

3.Njadiken kiniersadaan nggeluh bagepe meriah (Permata GBKP yg hidup

   Dan menarik).

-          Penjelasen Teks

Ibas bahan pengogennta sinibuat bas Johanes 1 : 35-40, ituriken uga Tuhannta Jesus Kristus jumpa ntahpe datken ajar-ajarna si pemena.

BIMBINGEN PJJ Tgl 18-24 SEPTEMBER 2016

BIMBINGEN PJJ Tgl 18-24 SEPTEMBER 2016

Thema :OLA MERANGAP

Nats : Lukas 12 : 13-15

-Aksinta minggu enda:

Ndahi senina ,turang ntah anggota keluarga bagepe teman sibalengen rumah ,sebalengen

rumah ,sebalengen juma,sada dahin sipernah kita rubati ntah la siangkaan masalah erta

      ntah sen kenca bage erdame ras ia.

Pdt. Maria E br Sitepu

-          Penjelasen Teks.

Perumpamaan kerna kalak bayak si lenge enda ituriken Jesus, erkiteken ibas paksa si e Jesus selaku kalak si terkenal ibas pengajarenNa ipindoken piga-piga kalak guna ndungi masalah erta tading-tadingen.

Enda banci siidah ibas ayat 13, ibas ayat enda ituriken sekalak jelma nandangi Jesus gelah banci erta tading-tadingen enda banci ibagiken.

BIMBINGEN MORIA Tgl 18-24 September 2016

BIMBINGEN MORIA Tgl 18-24 September 2016

Thema:GEJAPKENLAH PASU-PASU TUHAN

Nats : Ulangen 28 : 1-9

                                    Tujun :Nuriken salah sada ulih ngikutken perentah Tuhan.

                                               Ngenanami ulih kepatuhen man Tuhan .

                                    Metode PA:Meligai ras nuratken erbage-bage pasu-pasu Tuhan .

                                                                    Pdt. Maria E br Sitepu

-          Penjelasan Teks

Pasu pasu eme salah sada hal si ibereken  Dibata man manusia, manusia si pemena Adam ras Hawa pe ipasu pasu Dibata (Kejadin 1:28), terus pe ku nini nini kalak Israel Abraham Ishak ras Jakup pe pasu-pasu Dibata tetap iberekenNa. Janah ibas teks ta wari enda pasu-pasu pe tetap isediaken Dibata man bangsa Israel si enggo pulah ibas Mesir nari janah atena bengket ku negeri Kanaan (negeri siigambarken dem alu pasu-pasu).

BIMBINGEN MAMRE tgl 11-17 September 2016

BIMBINGEN MAMRE tgl 11-17 September 2016

Thema:NEPA KESUSUREN SIMABA KINIHAGAAN

Nats : Markus 10 : 14; Pilipi 2 : 15.

                           Tujun : Mamre ngasup:

                                        -Nuriken perbahanen-perbahanen sisemal ilakokenna nabi-nabi

                                         Perguak ibas ogen ras jaman enda.

                                        -Nuriken kai-kai saja siarus ilakoken Mamre guna ngelawan nabi-

                                          Nabi perguak

-          Penjelasen Nats

Ibas 2 bagin pengogenta enda, situhunna ncidahken uga situhunna posisi anak ibas kegeluhen si sedekah enda la ipandang jadi sada hal si penting, emakana ibas bahan enda, kita nggit isingetkan gelah kita pe banci sadar uga pentingna anak ras pendidiken nandangi anakta enda.

BIMBINGEN KHOTBAH 25 SEPTEMBER 2016

BIMBINGEN KHOTBAH 25 SEPTEMBER 2016

MINGGU NOTOKEN SERAYAN TUHAN II

Thema:TUMPAK-TUMPAK PERBERITA SI MERIAH

Invocatio : 3 Johanes 1 : 2

Ogen : Heber 13 : 16 – 21

Renungen : Roma 15 : 30 – 33

Pdt.Maria E br Sitepu

 

-          Pengantar

Sieteh kerina adi ngerana kita masalah kesempurnaan tentuna lalit kalak si sempurna, kerina manusia sangana erdalan kuarah kesempurnaan ndai alu cara dalanken kai siakapna si mehulina. Adi kita selaku kalak Kristen tentuna alu ndalanken kai siajarken Dibata man banta. Tapi perlu ka sisadari ibas ngayaki kesempurnaan enda, lit 2 jenis manusia siidah :

1.      Manusia ibas ngayaki si e alu kesadaren ras gegehna sisada.

2.      Manusia si perlu denga itumpak-tumpak ntah pe isampati guna banci kuarah kesempurnaan ndai.

Adi man kita kalak Kristen tentuna me sieteh kesempurnaan enda eme adi kita deher ras Dibata, reh deherna kita ras Dibata bagepe sidalanken kai sikatakenNa maka kita nggo nandangi ku kesempurnaan selaku kalak Kristen.

BIMBINGEN MAMRE Tgl 11-17 September 2016.

BIMBINGEN MAMRE Tgl 11-17 September 2016.
“Mengermet Nangdangi Roh Jaman”
Thema:METENGETLAH NANDANGI “NABI-NABI PERGUAK”
Nats : Matius 7 : 15-20
Tujun;-Nuriken pebahanen-perbahanen sisemal ilakoken nabi-nabi perguak ibas –
             Ogen ras jaman enda.
           -Nuriken kai-kai saja siarus ilakoken Mamre guna ngelawan nabi-nabi perguak.
Pdt. Maria E br Sitepu

• Penjelasen Nats

Bagin enda eme sada bagin ibas pengajaren Jesus i datas uruk. Ibas bagin enda, turiken Jesus gelah kalak Kristen harus metenget nandangi nabi-nabi perguak si banci erbahanca kita lepak arah kai si nggo ajarken ntah pe turiken Jesus (ibas bahan matius 5-7).
Tapi sope kita masuk ter mbagesen ibas bahan enda. perlu lebe sipahami, engkai maka Jesus mereken perhatin si luar biasa nandangi nabi-nabi perguak enda.

BIMBINGEN KHOTBAH 18 SEPTEMBER 2016

BIMBINGEN KHOTBAH 18 SEPTEMBER 2016
TOTOKENLAH SERAYAN TUHAN
Minggu Notoken Serayan Tuhan I
Invocatio : Masmur 84 : 4
Ogen : Perbahanen Rasul-Rasul 12 : 4 – 12
Renungen : Kolose 4 : 2 – 6
Pdt. Maria E br Sitepu

• Pengantar

Ertoto eme nafas nggeluh kalak si tek. Istilah si biasa rusur si begi ibas kita dalani kinitekennta enda man Dibata. tentuna labo sembarangen saja kalak mereken istilah si e, erkiteken si eteh kerina uga pentingna Pertoton nandangi kiniteken sekalak kalak.
Ertoto eme sarana kita guna ercakap ntah pe nuriken pengataken bujur ntah pe persoalan si sangana ibas paksa enda nderpa kegeluhen manusia.

BIMBINGEN KHOTBAH 11 SEPTEMBER 2016

BIMBINGEN KHOTBAH 11 SEPTEMBER 2016

THEMA: MERIAH RAS ISE PE

Invocatio : Masmur 34 : 15

Ogen : Pilemon 1 : 7 – 20

Renungen : Heber 12 : 12 – 17 

Pdt. Maria E br Sitepu

-        Pengantar

Adi siukuri tema enda, lit sitik erbahanca perdebatan ibas dirinta sekalak-sekalak kuakap ya, adi sipake logika manusianta.

“Meriah ras Ise Pe”

Engkai maka kukataken banci erban perdebatan ibas dirinta, erkiteken adi sipikirken secara manusia tema enda, situhunna sura-sura kerina manusia.

BIMBINGEN PERMATA Tgl 4 – 10 September 2016

BIMBINGEN PERMATA Tgl 4 – 10 September 2016

Thema : BERTEKUNLAH IBAS PENGAJAREN

Nats : Kisah Para Rasul 2 : 41-42

Pdt. Maria E br Sitepu

-          Pengantar

Adi siperdiateken gundari enda, adi ngerana kita erkiteken minat kalak muda guna kugereja (permata), lit 2 hal si biasana rusur iidahna ibas atena muat bagin ibas sada persekutuan :

1.      Puji-Pujin

Melala siidah gundari istilah kerenna belanja iman. Ertina anak muda cenderung ernin apakah puji-pujinna menarik ntah lang tapa ernin uga ajaran siajarkan ibas sada persekutuan. Memang banci kataken puji-pujin eme salah sada bagin ibas ibadah tapi perlu siinget Kata Dibata eme sipentingna

BIMBINGEN MAMRE tgl 4 – 10 Sept 2016

BIMBINGEN MAMRE tgl 4 – 10 Sept 2016

Thema : ANAKKU, KANDU-KANDUKU

Nats : Kolose 3 : 21

Pdt. Maria E br Sitepu

Tujun :   a.  Nuriken perbahanen-perbahanen sipesega-sega anak

                                       b.  Mereken tanda (kado) ibas perayan HUT Permata

                        Metode:  Aksi man Permata

-          Pengantar

Pernahkah si ukuri man banta kerina mamre ntah nggo pernah si nanami, engkai maka anak reh galangna, reh beluhna ia rukur reh ndauhna ia ibas orang tuana nari.

Adi cuba si hitung gundari waktu kita ras anak sangana ia kitik denga ras gundari, tentuna kuakap nggo melala berkurang, engkai ?

BIMBINGEN MORIA 4 - 10 SEPTEMBER 2016

BIMBINGEN MORIA

INGETLAH PERKUAH ATE TUHAN

Nats : Perngandungen 3 : 1-24

Pdt. Maria E br Sitepu

-          Pengantar

Adi siakap hal kai si la banci lang pasti jadi ibas kegeluhennta ibas wari sipepagi ?

Adi piga-piga jelma si kusungkun biasana jawabanna eme Matahari mbincar tep erpagi-pagi ras pultak arah kenjulu.

Tapi adi aku adi sungkunndu e, si la banci lang pasti jadi eme keleng ate Tuhan ntah pe padan Dibata. hal si enda kai pe terjadi bas geluhndu pasti terjadi bas geluhndu. Aminna pe melala percuban peganci-ganci reh kubas kegeluhenndu tapi e la banci erbahanca kita ragu janji Dibata si nggo padankenNa nandangi kita.

BIMBINGEN PJJ Tgl 4 – 10 Sept 2016

BIMBINGEN PJJ Tgl 4 – 10 Sept 2016

Thema : ERGAILAH KEGELUHEN

Nats : Pengerana 7 : 1-8

Pdt. Maria E br Sitepu

-          Pengantar

Adi lit penungkunen bas kita gundari, kai si mehergana ntah pe si berhargana kal ibas kegeluhenndu sekalak-sekalak ?

Adi sipahami manjar-anjar, si mehergana eme geluh e ka, erkiteken kai si mehergana selain geluhta enda, perban geluh enda me barang si kuakap la banci tukur, la banci darami sambarna adi nggo lanai lit geluh enda bas kita.