PA Kategorial GBKP Tgl. 27 Maret - 2 April 2016

PA MAMRE TGL. 27 MARET - 2 APRIL 2016

Pdt. Larena br. Sinuhadji (Nd. Rey Tarigan)

Komitmen (aspek kesadaran diri/afektifnya)

Ogen : 2 Korinti 1:12

Tema : Mamre Idola

Tujun : Mamre ngasup :

1) Mereken penilaian man dirina jine kerna tingkat kecerdasen intelektual, emosional, ras spiritualna

2) Njelasken kai erti megegeh ras bentuk-bentuk perbahanen si erbahanca megah akap kalak

3) Jadi idola keluarga

Metode : Pengenalan Diri

Penjelasen Bahan Ogen

Bahan ogen e me hasil si idatken rasul Paulus alu sada proses si ndekah ras mberat nggeluh i  bas kiniseran. I bas ay. 5 ia ngatakenca, “Bali ras kiniseran Kristus sampur seh man kami, bage me pe sampur ka pengapul Dibata ialoken kami arah Kristus”. I bas Alkitab bahasa Indonesia lebih jelas ikataken, “Sebab sama seperti kami mendapat bagian berlimpah-limpah dalam kesengsaraan Kristus, demikian pula oleh Kristus kami menerima penghiburan berlimpah-limpah”. Kata-kata “mendapat bagian berlimpah-limpah dalam kesengsaraan Kristus” banci ikataken mpeturah hal-hal si mehuli i bas diri rasul Paulus, salah sadana e me i bas bahan ogenta sendah.

“Kinibujuren ras ukur si bersih”, i bas bahasa Indonesia ikataken, “ketulusan dan kemurnian dari Allah”. Si erbahanca rasul Paulus ermegah (BIS : “bangga”) e me erkiteken Dibata mpengasup ia mengubah kerina kiniseran si nialamina jadi kebujuren ras ukur si bersih. Penderitaan karena Kristus telah menempa rasul Paulus menjadi sekalak si berkualitas i bas kai pe. Secara khusus i bas PA Mamre sekali enda, rasul Paulus e me sekalak si berkualitas i bas intelektual, emosional, ras spiritual erkiteken kiniseran si nialamina i bas Kristus.

Pengkenaina

Lit kata-kata bijak si ngatakenca, “laut yang tenang tidak akan menghasilkan pelaut-pelaut yang tangguh”. Situhuna adi kita ngenanami melala kiniseran e me sada kesempaten si berharga guna kita membentuk karakterta menjadi manusia-manusia si tangguh, berkualitas i bas kai pe. Tapi banci ka terjadi, semakin melala kiniseran entah pe tantangen, semakin kita terpuruk. Adi e si rusur terjadi maka kita perlu ngusih rasul Paulus. Labo gegehna si ipakena guna ngalaken erbage-bage kiniseran, tapi hikmat entah pe kepentaren Dibata si iandalkenna. Uga praktisna gelah kita banci ngusih rasul Paulus? Pemena, andalken Dibata i bas kita ngalaken kerina kiniseran ras tantangen, alu rajin ertoto ras ngoge Kata Dibata. Peduaken, bahanlah lingkungenta lingkungan si banci mempengaruhi kita secara positif, umpamana, rusur pulung ras teman-teman si mehuli. Peteluken, tentuna kita perlu mengubah cara pandang kita nandangi kiniseran ras tantangen si reh i bas geluhta. Adi positif cara pandangta nandangi kiniseran ras tantangen, maka hasil si positif ka si idatken kita. Alu cataten, kiniseran ras tantangen e labo kita si erbahanca.

PA Mamre sendah mabai kita mengenali kecenderungan-kecenderungan si lit i bas dirinta. Enda me sada kesempaten si mehuli guna kita mengevaluasi dirinta, merenung, ras mencoba menjadi lebih baik lagi dari hari ke hari.