Bimbingen PJJ Tgl. 28 Februari - 5 Maret 2016

BIMBINGEN PJJ TGL. 28 FEBRUARI - 5 MARET 2016

Pdt. Larena br. Sinuhadji (Nd. Reynard Tarigan)

SIKAP NDAHIKEN DAHIN PELAYANEN (EPESUS 4:11-16)

“Si enda ibahanNa gelah kerina  anak-anak Dibata sikap ndahiken dahin pelayanen majekken kula ni Kristus” (Epesus 4:12)

Penjelasen Bahan Ogen & Perenungen

Rikutken suratna, Paulus ngatakenca man perpulungen Epesus maka Tuhan si mereken pemere-pemere man manusia. Deba ibahanNa jadi rasul, deba jadi nabi, lit deba jadi perberita si mehuli, lit deba si mpermakani perpulungen ras guru-guru (i bas Alkitab TB LAI ikataken, “Dan Ialah yang memberikan baik rasul-rasul maupun nabi-nabi..”). Pemere-pemere i jenda rikutken pengogenta berkaiten ras dahin entah pe tanggung jawab tertentu man sesekalak jelma. Lit deba jadi nabi, rasul (nen ps. 2:20; 3:5), perberita Injil e me kalak si pembarken Berita si Mehuli ku kuta-kuta entah kota. Permakan-permakan ras guru-guru, i bas naskah Yunanina, maka icidahken kalak si jadi si ermakan sekaligus jadi guru. E me tugas si biasa idalanken pertua i perpulungen Epesus (bdk. 1 Pet. 5:2, “Sekalak permakan biasana pemimpin sada-sada perpulungen ras ertugas sebage pengajar, si ngajari perpulungen kerna kiniteken man Tuhan.

Janah jelas tujun litna tanggung jawab (peran) si ibereken man sesekalak hamba Tuhan e me kap guna mperlengkapi perpulungen gelah sikap ndahiken dahin majeken kula ni Kristus (agar semua umat Allah siap atau mampu untuk bekerja melayani sebagai pengikut Kristus untuk membangun tubuh Kristus). Jelas rikutken bahan PJJ minggu si nderbih, majeken kula ni Kristus e me kap ndalanken tanggung jawabta i tengah-tengah gereja guna bersekutu, bersaksi ras melayani, seh makanna jemaat e menjadi si dewasa kinitekenna. Ertina, hasil akhir si iarapken arah pelayanen hamba-hamba Tuhan jemaat menjadi jemaat si partisipatif, alu kesadaren penuh terlibat aktif mereken dirina guna jadi pasu-pasu man teman-teman sada kiniteken bage pe i luar komunitas gereja (jemaat si emphatos). Kualitas kiniteken perpulungen teridah arah kiniersadan si nteguh, saling melengkapi (bekerjasama), dingen nggitna muat bagin i bas kerina dahin-dahin gereja sue ras gegeh bage pe buaten si lit. La nari lit penungkunen, “kai si ibahan gereja man bangku?”, tapi “kai nari ndia si banci kulakoken guna gereja, guna Tuhan gelah geluhku e jadi pasu-pasu man isi doni enda?”

Pdt. Widi Artanto, M.Th. i bas bukuna “Menjadi Gereja Misioner dalam konteks Indonesia”, ngatakenca bahwa gereja yang misioner adalah gereja yang menjalankan misi Kristus sampai kedatangkan Tuhan Yesus kedua kalinya. Misi Kristus ini berubah-ubah dalam setiap jaman (penekanen terhadap misi). Umpamana, misi penaklukan agama-agama si deban melalui penjajahen seh makana sada bangsa e ijadiken Kristen (abad pertengahen). Misi penanaman dan pengembangen gereja (Chruch Planting dan Chruch growth) i ja lebih menekanken ku bas penambahen jumlah anggota (kalak si tek). Erkiteken jaman enggo semakin berubah, ras rikut konteks pluralitas beragama i bas doni enda, la nari banci ipertahanen misi penaklukan ras penanaman gereja. E maka itawarken bas buku enda, gelah tetap misi Kristus banci idalanken rikutken konteks si berubah e me alu Misi Ekumenis (lebih terbuka), memelihara (menjaga) si enggo lit janah bekerjasama ras lembaga-lembaga si deban gelah gereja lebih banci ernanam i bas kehadirenna (aksi kemanusian, sosial, kepedulian terhadap si tertindas, rsd.). Soal kari kalak si enggo ilayani kedungenna tek man Kristus e me kap pendahin Kesah si Badia. Si paling penting kehadiren gereja tetap ndalanken tugas Kristus jadi pasu-pasu man isi doni enda.