Bimbingen PJJ Tgl. 15 - 21 Maret 2015

BIMBINGEN PJJ TGL. 15 - 21 MARET 2015

(Musyawarah Ngawan)

Pdt. Larena br. Sinuhadji

Ogen:

Efesus 4:11-13

Tema:

Ersada arih i bas dahin Dibata

Tujun:

Gelah ngawan ni perpulungen maka :

1) Ia ikut ertanggung jawab nandangi dahin pelayanen Gereja

2) Makeken talenta/pontesina guna ndahiken dahin Dibata.

Paulus nulisken suratna man perpulungen Efesus tupung ia i bas penjara erkiteken ia ndahiken dahin Tuhan gelah tetap perpulungen nggeluh i bas persadan si nteguh. Persadan e banci jadi erkiteken Dibata Bapa enggo milih bangsana, ngalemisa ras mbebaskennca i bas Yesus Kristus. Ope bahan si jadi perikopta, ilumbaken Paulus maka arus lit biak Kristus nggeluh i bas perpulungen guna banci njagai kiniersadan e me kap meteruk ukur, lemah lembut, saber, ola pergelut, dingen nggeluh i bas kekelengen.

Perpulungen arus ngangkai maka Tuhan enggo mereken kengasupen si khusus si pelain-lain man ngawan ni perpulungen. Pemere e sue ras baginta si patut ibereken Kristus erpalasken lias ateNa. Ertina, otoritas, kuasa guna mereken pemere e lit bas Dibata janah ietehna kengasupenta masing-masing. Lit deba jadi rasul, nabi, perberita si mehuli, mpermakani perpulungen ras guru-guru. Tujunna enggo jelas guna mperlengakapi perpulungen, gelah banci ka perpulungen ikut muat bagin i bas melayani. Kehadiren Serayan Tuhan guna mperlengkapi perpulungen ras perpulungen pe nggit ka iperlengkapi. Gambaren si ibahan Rasul Paulus jelas, gelah kerina anak-anak Dibata sikap ndahiken dahin pelayanen majeken kula ni Kristus. Ertina, Gereja labo restoren, i ja perpulungen sebagai penikmat hidangan si tersedia, kenca enggo dung man mulih. Banci jadi kurang puas, kurang sikap pelayanen e, katakenna man Pengurus Gereja. Tentuna pemahaman si enda salah. Si benar, perpulungen iperlengkapi, gelah jadi jemaat si dewasa, si berinisiatif guna melayani, membangun kula ni Krisuts.

Tema : “Ersada arih i bas dahin Dibata.” Minggu si nderbih pe kita enggo ibabai ku bas sada pemahaman maka kinierbagen si lit bas kita perpulungen merupaken sada kinibayaken (potensi) guna membangun kula ni Kristus. Janah i bas minggu enda pe mulihi itekanken guna tetap kita ersada, arah nggejapken talenta si pelain-lain ras ipakeken guna membangun perpulungen. Perpulungen ikut ertanggung jawab guna kiniulin dahin pelayanen i tengah-tengah Gereja.

Bahan enda ilitken dalam rangka persiapenta erbahan  Musyawarah Ngawan i bas Gerejanta. I bas Tager Ps. 31 ituriken maka Musyawarah Anggota Sidi Jemaat merupaken keikutsertaan warga jemaat untuk menggumuli kehidupan Marturia, Koinonia ras Diakonia (1 Pet. 2:9-10). Janah tujunna guna megiken laporen perkembangen jemaat ras usul-usul kerna kegeluhen Tri-Tugas Gereja guna pertumbuhan ras pembangunen jemaat. Usul-usul  arah perpulungen e arus itampung ras merupaken bahan guna iputusken i bas Sidang Runggun. E maka la perlu debat kusir, saling membenarken pendapat, tapi si mehulina masing-masing pihak mau menerima masukan. Secara khusus kita Serayan Tuhan, entah kurang kita mperlengkapi perpulungen seh la itehna tanggungjawabna guna melayani. Si e me si perlu ievaluasi. Entah enggo silayani tapi la ka nggit ia guna iperlengkapi. Jenari kemajuan si enggo teridah aminna sitik arus iergai tapi tetap terbuka guna menerima masukan si membangun  guna Gereja Tuhan.

rina kalak si erkemalangen man Dibata (cataten: ogen kurang pas ras bahan khotbah bage pe tema).

Tema: “Kata Dibata ngenca ngasup mpelimbarui geluhta.” Paulus ngatakenca “Kerina si tersurat i bas Pustaka si Badia rehna i bas Dibata nari janah erguna i bas ngajari kalak kerna si ngena ate Dibata, mandang si lepak, pekena si salah, dingen erguna i bas mereken pedah-pedah gelah nggeluh alu mehuli” (2 Tim. 3:16). Bage me peran Kata Dibata i bas kegeluhenta. Tapi kerina mulihken man banta pribadi-pribadi, apakah kita nggit ievaluasi, ipandang, ipekena alu kata Dibata? Gambaren si ibahan Yesus kerna batang anggur i bas Joh. 15, nina “Dahan-dahan si la erbuah itektekNa, janah dahan-dahan si erbuah ibersihkenNa alu mutiki tunas-tunas si la erguna. Kam enggo ibersihken alu kata si kukataken man bandu.” Dahan-dahan si la erbuah ras tunas-tunas si la erguna, gambaren kerna biak-biak (karekater) si la membangun (si la mehuli) i bas dirinta si erbahanca kita tetap jadi kerdil (la dewasa) i bas kiniteken.