Bimbingen PJJ Tgl. 1 - 7 Maret 2015

BIMBINGEN PJJ TGL. 01 - 07 MARET 2015

(Pdt. Larena br. Sinuhadji)

Ogen :

Matius 5:3-13

Tema :

KALAK KRISTEN SI PAYO

Tujun :

Gelah ngawan ni perpulungen :

1. Meteh kegeluhen kalak Kristen si payo

2. Megegeh ndalani kegeluhen alu pengarapen si payo

Penjelesan Bahan Alkitab

Matius 5 si jadi bahan renungenta merupaken bagian i bas khotbah Tuhan Jesus i datas uruk, janah bagin enda terkenal alu sebutan ucapan (sabda) berbahagia (kemalemem ate si tuhu-tuhu). Adi sukat-sukat doni, maka kemalemen ate sialami erkiteken kesenangen doni, kiniliten si lit bas kita (kebayaken, kekuasaan), la kai pe kurang, kai si niperluken kita terpenuhi kita. Tapi i bas pengajaren Yesus, kemalemen ate erkiteken kerembakenta ras Tuhan bage pe ndalanken si ngena ate Dibata.

Ay. 3, berbahagialah orang yang miskin di hadapan Allah, si nggejap ia labo kai pe ertina i lebe-lebe Dibata, sabab man baNa Kinirajan Surga. Miskin i jenda, labo i bas pengertian harafiah secara finasial la lit kadenna pe, tapi lebih kepada kesadaren diri maka labo kai-kai pe kita i lebe-lebe Dibata. Kita terbatas ras Dibata si la terbatas, sebab Ia ulu kerina si nasana.  

Ay. 4, berbahagialah orang yang berdukacita karena akan dihibur (erceda ate erkiteken dosa). Kita erceda ate erkiteken erbage-bage sebab, banci jadi dukacita anggota keluaganta nadingken kita, berdukacita erkiteken kegagalan si alami bahkan berdukacita erkiteken kinilangasupenta ngelawan dosa. Sedar kita enggo ngeliami gelar Tuhan arah dosa si nilakoken erbanca ceda ukur Tuhan. Adi turah kesadaren si bage ras reh kita ku Tuhan, maka iapulina kita, sabab Ia ulu pengapul.

Ay. 5, berbahagialah orang yang lemah lembut karena mereka akan memiliki bumi (meteruk ukurna, isehken Dibata padanNa man bana). Meteruk ukur e me kap salah sada i bas buah roh. Janah kiniteruken ukur ka si niteladanken Tuhan Jesus man ajar-ajarNa tupung Ia murihi nahe ajar-ajarNa. Padahal Ia guru ras Tuhan, nggit ia melayani ajar-ajarNa.

Ay. 6, berbahagialah orang yang haus dan lapar akan kebenaran, karena mereka akan dipuaskan (muas melihe nehken peraten Dibata, ibesuriNa me ia). Bahan PJJ minggu si lepas jelas mereken ketetapen ukur man banta kalak si tetap ndalanken kebujuren ialoken kemalemen ate bas Dibata nari. Walaupe melala tantangen i bas nehken kebenaren, ipulahi Dibata i bas kiniseran si alamina (Mas. 34:20).

Ay. 7, berbahagialah orang yang murah hatinya (kalak si perkuah ate dingen perkeleng, ngaloken perkuah ate Dibata.) Ilumbaken maka tetap lit kekelengen bas kita, sabab enggo leben sialoken kekelengen i bas Dibata nari. Kelengen man Tuhan ras kekelengen man temanta manusia.

Ay. 8, berbahagialah orang yang suci hatinya, karena mereka akan melihat Allah (meciho pusuh peratenna, sebab itandaina me tuhu-tuhu Dibata). Pusuh peratennta e me pusat segala sesuatu. Penting tetap sijaga pusuh peratenta bersih gelah banci tetap erdahin Kesah si Badia mpersingeti kita (hati nurani berbicara). Pusuh peratenta si bersih mabai perukuren ras perbahanenta pe bersih.

Ay.  9, berbahagialah orang yang membawa damai, disebut anak-anak Allah (erbahan perdamen, iakui ia anak Dibata). Syalom, damai sejahtera si enggo ibereken Tuhan, siarus tetap sijaga ras silumbaken i bas kegeluhenta. Erdame ras Dibata, erdame ras sesama manusia, erdame ras ciptaan Tuhan si deban, bage pe erdame ras dirinta sendiri. Sabab terkadang kita la banci erdame ras dirinta sendiri, i ja bertolak belakang sura-sura kedagingen ras sura-sura Kesah si lit bas dirinta. Tapi adi enggo ngasup kita mpersilahang banta/menyangkal diri berarti enggo ngasup kita berdamai ras dirinta sendiri. I bas kita ngasup erbahan perdamen, iakui Dibata kita jadi anak-anakna.

Ay. 10-11, berbahagialah orang yang dianiaya oleh sebab kebenaran, karena Tuhan kita dicela, dianiaya, difitnahkan segala yang jahat karena kita yang empunya Kerajaan Surga. Sada keriahen ukur man banta ikut muat bagin i bas kiniseran erkiteken kita pengikut Kristus ras enggo sikapken Dibata upahta si mbelin i Surga. Menderita kita labo erkiteken kejahaten silakoken tapi erkiteken kita membela kebenaren, erkiteken sidalanken Firman Tuhan.

Aplikasi

Tema “KALAK KRISTEN SI PAYO.” Berarti arah tema enda lit kalak Kristen si la payo kegeluhena. Labo ia banci jadi garam ras terang tapi kebalikenna geluhna jadi batu antuken man sekelewetna. Tantangen ras rintangen tuhu mbue i bas kita tetap mpertahanken kinitekenta (kiniseran, kesenangen) i bas doni si dem kegelapen enda. Tapi renungenta njemba kita maka tetap penalementa man Tuhan saja, gelah Ia si mpengasup kita ndalanken bagi si ngena ateNa. Ketuahen si tuhu-situhu labo erkiteken mbuena pangkat, hebatna jabaten ras kiniliten si lit bas kita, tapi erkiteken sidalanken sura-sura Dibata i bas kegeluhenta.