Bimbingen PJJ Tgl. 8 - 14 Februari 2015

BIMBINGEN PJJ TGL. 8 - 14 PEBRUARI 2015

(Pdt. Larena br. Sinuhadji)

Ogen :

Kejadin 5:21-24; Heber 11:5-6

Tema :

NGGELUH ERSADA RAS DIBATA

Tujun :

Gelah ngawan ni perpulungen :

1) Meteh ulih nggeluh ersada ras Dibata

2) Ergiah-giah ukurna nggeluh ersada ras Dibata

PENJELASAN BAHAN PUSTAKA SI BADIA

Perikopta ngerana kerna Enoh anak Jaret, i ja tupung umurna 65 tahun tubuh anakna dilaki, Metusalah gelarna. Enoh e me kesusuren Adam si peenamken. Kenca tubuh anakna Metusalah Enoh nggeluh i bas persadan ras Dibata 300 tahun dekahna. Labo melala catatan si banci sidat kita kerna tokoh Enoh enda. Si jelas, umurna ndauh beda ras 5 kalak si idatasna, si rata-ratana nggeluh datas 800 tahun. Sedangken Enoh nggeluh 365 tahun ngenca dekahna. Tapi si mbedakenca, kidekah ia nggeluh tetap ia erdalan i bas dalan Dibata seh ia la nari teridah perban iangkat Dibata.

Kegeluhen Enoh si singkat (band kerina si idatasna), banci jadi kesaksian i bas kalak Heber bas Padan si Mbaru. Heber 11:5-6 ngatakenca, maka Enoh nggeluh i bas kiniteken, kehidupannya berkenan kepada Allah. Erkiteken kiniteken nge maka ngasup Enoh ndalanken si sentudu bagi si ngena ate Dibata. Bage pe i bas kitab Judas 1:14-15, Enoh menentang dosa ras kejahaten ras mberitaken ukumen man kalak si la bertobat.

Nggeluh i bas persadan ras Dibata (“hidup bergaul dengan Allah,” i bas bahasa Ibrani : “halak,” atau berjalan terus-menerus dengan Allah). Versi Septuaginta, menerjemahken “menyenangkan Allah.” Uga pengertin nggeluh i bas persadan ras Dibata? Litna kerembakenna ras Tuhan (memiliki hubungah pribadi yang intim dengan Tuhan). Masmur 1:2 , Lukas 11:28, matuhi Firman Tuhan ras ngukurisa ras ndalankenca i bas kegeluhenna, ertoto, bersekutu ras teman-teman sada kiniteken. Tetap ia ernalem man Tuhan. Si ngena ate Dibata idalankenna, kebalikenna si erbanca la ngena ate Dibata la idalankenna.

Ulih i bas kerembakenna ras Tuhan, la ia mate tapi iangkat Dibata. Berbeda ras kalak si idatasna isuratken mate. Enoh la ngalami kematen fisik tapi iangkat Dibata. Bahkan adi siidah kesusuren Enoh pe iberkati Tuhan. Metusalah me manusia si gedangna nggeluh (969 tahun), Lameh si tercatat i bas ay. 29, maka anakna mereken kemalemen ate man manusia ras Tuhan, sebab i bas kelatihenna erdahin ngusahai taneh si enggo isumpahi Tuhan, tubuh anakna si tergelar Nuah. Nuah kalak si ngena ate Tuhan dingen iselamatken Tuhan i bas banjir si mbelin nari, sabab ia pe erdalan i bas dalan Dibata. Ertina, kalak si erkemalangen man Tuhan, kesusurenna pe tetap ipasu-pasu Tuhan (Masmur 112:2). Erdalan ras Dibata erbahanca tetap kita nggejapken perkuah ate Tuhan subuk i bas kegeluhenta bage pe kematenta.

APLIKASI

Kai si idalanken Enoh patut jadi contoh, i ja tetap alu konsisten ia ngerembaken diri ras Tuhan, nggeluh ersada ras Tuhan seh ngayak ia iangkat Tuhan. Ras enda penting nggeluh i bas dirinta terlebih i bas jaman si mbue kel godaan ras tantangen. I ja adi la megegeh kinitekenta banci kita terbawa arus jaman, bahkan kita ka mabai kalak nggeluh i bas si la mehuli. Terlebih kegeluhen kalak si tek arus maba terang, jadi berkat ku sekelewetna.

Konsistensi, kesetian guna nggeluh ersada ras Tuhan, labo gampang. Sabab, banci erkiteken erbage-bage hal erbahanca la nari kita nggeluh ersada ras Tuhan (kesibukan, kemalasan, kesuksesan, kineseran, tantangen, rsd.). Banci kita nggeluh rembak ras Tuhan, ersada ras Tuhan erkiteken kiniteken si enggo ibereken Tuhan banta arah perkuah ateNa. I bas tetap kita banci njagai nggeluh i bas erkiniteken man Tuhan maka ibereken Tuhan keselamaten man banta. Bage pe i bas kegeluhenta si tep-tep wari ipasu-ipasu Tuhan tetap geluhta, iberekenna damai sejahtera terus ku anak ras kempunta.

Tambahan Arah Pt./Dk. Nari :

Pt. Nd. Billy br. Ginting : Firman Tuhan jadi pedoman. Ada penguasan diri (kontrol).