Bimbingen PA Kategorial Tgl. 1 - 7 Februari 2015

BIMBINGEN  PA MORIA TGL. 1 - 7 FEBRUARI 2015

(Pdt. Larena br. Sinuhadji)

Ogen :

Pilipi 2:1-4

Tema :

SITATANG-TATANGEN ERBAHAN MEGEGEH

Tujun : Gelah Moria :

1. Meteh palas nggeluh sitatang-tatangen

2. Reh ngasupna naksiken nggeluh si tatang-tatangen

Metode PA :

Sharing Pengalaman

Bahanta sekali enda merupaken evaluasi buku PA tahun 2012, si tujunna ngingetken kita terlebih mengevaluasi diri kita  selama 3 tahun uga enggo peningkaten nggeluh sitatang-tatangen, peduli, saling menopang, saling bekerja sama.

Penungkunenna, engkai perlu kita sitatang-tatangen? Sebab kita manusia mahluk sosial, la banci kita nggeluh sekalak, uga pe hebat ras bayakna kita, perlu kita kalak si deban guna banci saling melengkapi.

Selain si e, si lebih penting, kita adalah bagian keluarga Allah, sebage kalak si tek, kita sada kula ni Kristus. Kristus si enggo mpersadaken kita sebage senina ras turang, e maka arus tetap silumbaken kiniersadan e alu nggeluh sitatang-tatangen, bekerjasama, saling menolong. Gambaren si rusur sipake: sapu lidi, kalak buta ras kalak pangpangen (bekerjasama), bage pe gambaren i surga ras i neraka kerna Perjamuan Makan (lit bedana perjamuan i neraka ras i surga).

Surat Paulus man Perp. Pilipi, perpulungen si pemena ipantekina, siidahna perpulungen e ersada arih ras dem i bas perkuah ate, khususna nandangi Paulus, i ja tetap iperdiateken perpulungen keberadaan Paulus bas penjara, terlebih i bas dahin meritaken Kata Dibata (Ps. 1:4-5). Dingen arus tetap ijaga kiniersadan e. Alu kai sijaga: tetap nggeluh ersada, idemi Kesah si Badia ras Kristus bage pe ras teman-teman si sada kiniteken. Nggeluh sikeleng-kelengen ras mekuah atendu sekalak nandangi si debanna (ada empati). Ersada arih, sikeleng-kelengen ras ersada ukurndu. Ersada arih (sehati sepikir ras  kalak si deban) ibenai alu sehati sepikir ras Kristus (Ps. 2:5, 4:2: merasakan apa yang dirasakan Kristus, memikirkan apa yang dipikirkan Kristus, membela siapa yang dibela Kristus, menolong siapa yang ditolong Kristus, peduli apa yang diperdulikan Kristus).

Janah i bas si e arus tetap waspada  ras metengget nandangi virus si erbanca sontar kiniersdan e

• Kerangapen : si kerajangen kalak buatna.
• Meganjang ukur : sombong, sepele man kalak si deban.
• Merasa paling hebat, paling benar (ula kita rukur ulin kita asangken kalak si deban)
• Egois (ula keperlunndu saja iperdiatekenndu).

Mari tetap si saksiken nggeluh sitatang-tatangen :

• Bas keluarga (suami-istri, permain ras simetua, antar bersaudara).
• Ras teman tupung ia kesusahen, sakit, alu kata-kata si membangun, memotivasi.
• Bas kepengurusan, ula gelar ngenca tapi pe ikut erdahin, saling bekerjasama.

BIMBINGEN PA MAMRE TGL. 01 - 07 PEBRUARI 2015

Pdt. Larena br. Sinuhadji

Tema :

PERBAPAN I BAS PUSTAKA SI BADIA

Ogen :

Masmur 128:1-6

Tujun :

Mamre ngangkai gambaren bapa rikutken Pustaka si Badia

Masmur 128 e me kap salah sada i bas ende-enden ziarah si iendeken tupung bangsa enda i bas perdalanen ku Sion/Jerusalem. Judul i bas bahasa Karo “Pasu-pasu Tuhan man isi jabu,” (Bhs. Ind.: “Berkat atas rumah tangga”). Sura-suranta nggeluh bahkan ber-umah tangga e me kap ndatken kebahagian, kesangapen. Janah teks jelas ngatakenca, palas utama i bas kita ndatken kesangapen e me kap malang man Tuhan dingen nggeluh ngikutken kerina perentah Tuhan (bnd. Masmur 1:1-3, “Malem me ate kalak si tetap ngikutken undang-undang Tuhan … sangap i bas kerina pendahinna”). Adi sibangun keluarganta i bas malang man Tuhan, maka ipasu-pasu Tuhan kegeluhenta.

Secara jasmani ipasu-pasu Tuhan. Ipanna me ulihna latih, sanggap nggeluh mehuli sikerajangenna. Ipasu-pasu Tuhan ia i bas pendahinna ras usahana, janah ternikmatisa ulihna latih e. Ertina, lit i je sada penggejapen maka Tuhan si mereken rejeki, ras arah rejeki e banci ipakeken guna memenuhi kebutuhen jabu ras mereken sukacita man keluarga. Sebab melala ka siidah, melala kebayaken/materi tapi la nari banci ternikmati. Banci jadi erkiteken kurang bersyukur, mbue kurang mbue. Materi si lit labo erbahanca mempererat hubungen bas keluarga tapi sibuk ras urusen masing-masing. Lit istilah, “Sada pe bias tapi dua banci kurang adi la beluh kita ncibalkenca.” Ertina, lit i je penggejapen maka Tuhan si masu-masu pendahinta, bersyukur kita arah rejeki si ibereken Tuhan banta.

Ndeharana bali ras anggur si meramis buahna i bas rumahna. Anggur merupaken tanamen penting i Palestina, bahkan i bas setiap kegiaten inemen anggur tetap ibereken. Buah anggur ras inemen anggur tetap ibutuhken ras mereken kesegaren. Bagem me ipasu-pasu Tuhan keluarga si tetap erkemalangen man Tuhan, i ja ndeharana pe pentar, cerdik, mereken sukacita man perbulangen ras anak-anakna. Bukan menjadi istri perongrong (bagi ndehara Job), tapi ndehara si jadi penolong man keluarga.

Anak-anakna bali ras tunas batang Zaitun i sekelewet mejana. Batang Zaitun termasuk sinuan-sinuan penting ka i Palestina, i ja minakna mereken keharumen ras erbahanca sehat. Banci ibahana kita awet muda adi secara rutin sikonsumsi minak Zaitun. Ertina, kehadiren anak-anak sebage tuhu-tuhu mereken sukacita, sabab ietehna kai tanggung jawabna. Sebab melala gundari anak-anak si erkiteken salah pergaulan, erbahanca ceda dingen latih orang tuana bahkan kalak si deban (geng motor, tawuran, memakai narkorba, seks bebas rsd.).

I bas KEE 124:3 ikatakenna, salah sada keriahen ukur orang tua e me “Adi anakna ikut ajar e. E malem ukur si mesui lupa, ‘di la njuruken lagu anak e.” Asum orang tua, ndalanken tanggungjawabna alu mehuli, dengan sendirina anak menaruh hormat, patuh man orang tuana. Walau pe tetap kita arus waspada, pengaruh lingkungen, zaman modern, si banci mpengaruhi anakta. Tapi adi bentengna, palasna enggo paguh, la murah ia terpengaruh.

Sekali nari itekanken ulih kalak si tetap malang man Tuhan. Ay. 4, “Bage me pasu-pasu Tuhan man kalak si malang man baNa.” I bas bahasa Indonesia, “Sesungguhnya demikianlah akan diberkati orang laki-laki yang takut akan Tuhan.” Terjemahen bahasa Indonesia ras bahasa aslina, jelas menekanken peran laki-laki, bapa, sebagai imam i tengah-tengah keluarga, si mereken contoh, teladan i bas mabai anggota keluarga erkemalangen man Tuhan (lihat keluarga Abraham, Nuah i ja sebage bapa idalankenna fungsina guna mabai anggota jabu nggeluh erkemalangen man Tuhan).

Enda me gambaren bapa si isuratken i bas Masmur 128, bapa si erkemalangen man Tuhan, si jadi usihen man anggota keluarga.