BIMBINGEN PJJ TGL 17-23 September 2017

BIMBINGEN PJJ TGL 17-23 September 2017

THEMA:PENGERAKUT KINIERSADAN (KEKERABATAN)

OGEN:Pilemon 1 : 8 - 20

Pdt. Maria E br Sitepu

-          Penjelasen Teks

Persoalan bas kegeluhennta enda memang a banci tersilahi, adi kin reh atena pasti ia reh, ugapape si ban pasti ia tetap reh ku bas kegeluhennta, tapi maun-maun persoalan si terjadi labo terjeng dampakna man dirinta ngenca tapi persoalen e maun-maun berdampak man keluarga ntah pe masyarakat ingannta tading,

emakana persoalan banci erbahanca turah perubatan i tengah-tengah jabu ntah pe ingannta tading. Tentuna kita kerina pernah nggejapken kejadin si bagenda rupana.

Ibas minggu enda, bahan enda cidahken kejadin si seri bagi si ndai, erkiteken tentu si inget kitab pilemon enda eme kitab si menarik si itulis Rasul Paulus, erkiteken adi siidah piga-piga surat ntah pe kitab si itulis rasul Paulus ngerana masalah si terjadi ibas perpulungen, tapi kitab enda nuriken persoalen si terjadi nandangi Pilemon ras budakna eme onesimus ntah pe si erguna.

Persoalen enda bena-benana situhunna turah erkiteken onesimus ntah pe si erguna ngelakoken si la mehuli nandangi tuanna Pilemon (ayat 17) emakana erkiteken si e perlu iakap Rasul Paulus guna ndungi persoalan si terjadi ibas Pilemon ras si Erguna.

Sope terbagasen, lit 2 hal perlu sipahami rikutken kitab enda :

1.      Sekalak budak si kiam ibas rumah Tuanna ibas paksa si e banci datken hukuman mati

2.      Bahan enda situhunna kritikan si ilakoken Paulus erkiteken perbudakan si terjadi ibas paksa si e

Emakana kitab enda labo terjeng man Pilemon ras Erguna saja tapi man kerina perpulungen ibas paksa si e gelah iangkaina masalah perbudakan e.

Bagin pengogennta ibas paksa si e nurikenca :

Ayat 8-10

Cidahken kiniteruken ukur Rasul Paulus, erkiteken Pilemon enda situhunna kalak Kristen si luar biasa, piga-piga literatur nurikenca Pilemon enda mereken rumahna guna jadi ingan ersembah man Dibata. Emakana Rasul Paulus selaku rasul nggo banci situhunna turikenna sura-surana ntah pe banci mis ia mindo man Pilemon, tapi sadar kal ise kin si Erguna enda.

Ayat 12-16

Turiken Rasul Paulus perubahan si terjadi nandangi si Erguna si banci jadi penampat nandangi Pilemon.

Ayat 17-20

Nuriken pemindo rasul Paulus man Pilemon gelah ialokenna mulihi si Erguna enda labo gelah mulihken jadi budak tapi bagi teman ibas sada kiniteken.   

-          Aplikasi

Pendekatan si ilakoken Rasul Paulus nandangi persoalan si terjadi ibas Pilemon ras si Erguna situhunna banci jadi pelajaren nandangi kita ibas kita dalani kegeluhen enda, maun-maun logika enda labo banci dungi kerina persoalan, pendekatan kade-kade ntah pe kekerabatan banci jadi dalan si pas na guna ndungi persoalen-persoalen si mungkin lit ibas kita ibas paksa gundari, emakana minggu enda kita ipersingeti arah bahan enda, gelah kita meningkatkan kiniersadannta erkiteken kita kerina enda eme senina erkiteken Kristus Yesus.