BIMBINGEN MORIA TGL 3-9 September 2017

BIMBINGEN MORIA TGL 3-9 September 2017

THEMA:RADU RAS MPEHULIKEN

OGEN:Yesaya 45 : 1 - 5

Pdt. Maria E br Sitepu

• Penjelasen Teks

Yesaya 45 enda eme nubuat erkiteken penangkuhan sekalak guna jadi raja, tapi  erkiteken si tangkuhken enda labo kalak Israel tapi Kores eme sekalak raja Persia. Emakana guna memahami bahan pengogennta enda harus lebe sipahami ise kin raja kores enda.

Raja kores eme raja si manteki kinirajan Persia janah kenca si e raja enda me si naluken bangsa babel ras mereken kesempaten man kalak Israel guna mulih ku kutana ibas tanah tabanen nari (Esra 1:1-11). Ibas bahan pengogennta enda, luar biasa kal adi siidah ibas pustaka bahasa Indonesia erkiteken kores ibere gelar “Yang diurapi”, gelar enda seri ras gelar si ibereken Dibata man anakNa (Mesias).

Janah adi siperdiateken ibas ayat 4 ikataken Dibata kepeken raja kores enda la nandai Dibata tapi tetap ipake Dibata guna jadi suruh-suruhen dalanken si mehuli ibas doni enda.

• Aplikasi

Emakana alu bahan pengogennta enda situhunna lit piga-piga hal si perlu ipahami kita ntah pe moria eme :

1. Dibata la erdobahen ernin kalak, ise pe banci ipakena jadi pasu-pasu man kalak sideban

Enterem kita kalak si erkiniteken nggo memahami si e, tapi ibas kinatana kita lenga ngasup ngaloken kalak si la sada kiniteken ras kita, kita maun-maun cenderung tertutup nandangi kalak sideban. Hal si enda me situhuna sierbahanca gereja lanai jadi terang ras sira i tengah-tengah kegeluhen jelma si enterem

2. Nampati la ernin ise ia tapi nggo me jadi tanggung jawabta

Siinget tentu cerita kalak samaria si nampati kalak Yahudi, situhunna gambaran enda nggo me tangkas ibas kegeluhennta selaku kalak si erkiniteken man Dibata, erkiteken sisampat-sampaten enda situhunna memiliki makna si murni kal labo memandang ise pe adi kita mereken penampat man kalak.

3. Kita la banci geluh sisada ibas doni enda

Perlu ka sisadari labo ngenca kita nggeluh bas doni enda, enterem kalak si radu ras kita dalani kegeluhen enda, janah lenga bo tentu seri kerina kiniteken bagepe cara rukur, pengerana ras perbahanen. Emakana sue ras temanta nggo me jadi tanggung jawabta ibas kegeluhen enda guna membangun sada persadan si banci mereken kemalemen ate man kalak. Si labo ernin agama, ras, suku bagepe sidebanna gelah arah si enda tujunnta guna kinirajan Surga enda banci lit ibas doni enda banci kerina erdalan alu mehuli.