BIMBINGEN MORIA TGL 17-23 SEPTEMBER 2017

BIMBINGEN MORIA TGL 17-23 SEPTEMBER 2017

THEMA:NGGELUH ERMALU-MALU.

NILAI-NILAI YANG TERKANDUNG DALAM BUADAY ERMALU-MALU EME NGERGAI TEMAN

OGEN:1 Petrus 4 : 1 - 5

Pdt. Maria E br Sitepu

-          Penjelasen Teks

Ermalu-malu ntah pe sadar diri, tentuna harus lit ibas kegeluhen kalak ibas doni enda, erkiteken alu bage kita ngasup guna dalanisa geluh enda bagi kai tanggung jawab ras tugas si lit ibas dirinta. Tapi ibas paksa gundari enda,

enterem kalak la ngasup geluh alu prinsip ermalu-malu enda, enterem kalak buniken jati dirina ntah ise dirina gelah datken sada kehamaten ntah la dat kemelan ibas masa lalu ntah pe ise dirina situhu-tuhuna.

Ibas bagin pengogennta minggu enda, Rasul Petrus ibas suratna nandangi perpulungen si merap i asia kitik gelah min iangkana ise kin dirina, gelah arah enda nggo me ietehna kai harus idalanken ras ilakokenna.

ibas ayat 1

Rasul Petrus menaken alu kata persinget uga pengorbanan Yesus Kristus nandangi kita, emakana alu bage kita pe harus ngusih Tuhan Yesus uga carana ngatasisa perbeben si reh kubas kegeluhenNa ibas paksa si e.

Ibas ayat 2 ras 3

Erkiteken si e, emakana labo kemerhatan saja harus ilakoken kita ibas kegeluhen enda, tapi tuhu-tuhu peraten Dibatalah si jadi ibas geluh enda.

Ibas ayat 4 ras 5

Ipersingeti Rasul Petrus kai siibahan kita labo pertanggung jawabanna man manusia tapi man Dibata.

-          Aplikasi

Kristen, moria, ndehara, nande eme tanggung jawab si harus ipahami kita ibas kegeluhennta paksa enda, keinginan doni tentu pasti lit ibas kalak i doni enda, tapi si e kerina banci robah erkiteken gelar si nggo leket bas kita. sedekah enda enterem kalak Kristen si ngakuken dirina selaku kalak Kristen la dalanken perbahanen bagi kai harus ilakoken kalak kristen, emakana ula mamang ateta adi enterem denga kalak si la tek nandangi Yesus, banci saja enda jadi erkiteken perbahanen si ilakoken kita. tentuna siinget salah sada tokoh si lit bas india si terkenal erkiteken ahimsana. Mahatmagandhi, ia situhunna adi sioge bibliografina tuhu menghargai ajaran Kristen khususna arah cerita pengajaran Yesus i datas uruk. Tapi engkai maka la ia jadi kalak Kristen ? hal enda isebabken perbahanen kalak kristen ibas paksa si enda si la tuhu-tuhu mencerminkan dirina selaku kalak Kristen.

Gundari nandangi kita moria, nggo me kita nggeluh ermalu-malu selaku kita kalak Kristen ? kai si nggo ilakoken kita selaku kalak Kristen ? ntah KTPnta saja ngatakenca kita eragama Kristen ?

Penungkunen si e kerina si perlu lit ibas kita ibas bahan pa-Nta minggu enda gelah kita ngasup guna pelimbarui kegeluhennta bagi kalak Kristen si tuhu-tuhu. Gelah arah kegeluhennta enda kalak ngenanami keleng ate Dibata.