BIMBINGEN MORIA Tgl 02-08 April 2017

BIMBINGEN MORIA Tgl 02-08 April 2017

Thema:NEHKEN PENGAJARAN SI KUH

Ogen:2 Timotius 3 : 10 – 17

Pdt.  Maria E br Sitepu

-          Penjelasen Teks

Surat Timotius eme surat pastoral si ibereken Rasul Paulus man anak rohanina Timotius. Piga-piga literatur ngatakenca, Timotius enda melayani i perpulungen Efesus jelmana permela ras sangana ngenanami perbeben si mesangat kal erkiteken penganiayaan si rehna ndarat nari ras ajaran-ajaran sesat.

Tentuna selaku Bapa Rohani hal si enda jadi tanggung jawab Rasul Paulus nandangi Timotius. Tapi la ngadi je saja, kepeken adi siidah ka konteks Rasul Paulus nulis Surat 2 Timotius enda, maka banci siidah, kepeken ia pe sangana ibas penjara, ras kemungkinen besar ia nandangi ihukum mate, erkiteken bas paksa si e raja si memimpin eme kaisar nero sangana ngadiken perkembangan kalak Kristen i Roma alu cara si kasar kal. Emakana lit kemungkinen surat enda eme surat terakhir rasul Paulus.

Bas bahan pengogennta enda, situhunna menarik kal surat rasul Paulus enda nandangi timotius erkiteken :

1.      Ibas ayat 10-11

Rasul Paulus memuji Timotius si tetap ngusih Rasul Paulus aminna pe melala persoalen si idatken Paulus erkiteken kai silakokenna.

2.      Ibas ayat 12-13

Turiken Rasul Paulus man Timotius konsekuensi adi kita ngikutken Yesus ras adi kita ngikutken kalak jahat

3.      Ibas ayat 14-15

Mulihken rasul Paulus muji Timotius ibas kerina siibahan aminna tentuna melala resiko si harus itanggungna.

4.      Ibas ayat 16-17

Sekali nari rasul Paulus nuriken kai pengajaran si idat timotius arah Pustaka sibadia.

Emakana gaya  Rasul Paulus enda jadi sada usihen nandangi kita orang tua nandangi anakta ntah pe nandangi keluarganta.

-          Aplikasi

“Pengajaren si kuh” ntah pe pengajaran si lengkap tentuna salah sada hal siarapken orantua idatken anakna ibas masa perkembangan anakna. Lalit orang tua si la nggit anakna pintar secara intelektual, moral, ras Spiritual. Hal si enda banci siidah uga orang tua erpala-pala galari uang sekolah si tinggi gelah banci datken pengajaran si kuh ntah pe lengkap. Tapi arah bahan pengogennta ibas paksa si enda, maun-maun orang tua lupa lit 3 komponen gelah anak datken pengajaran si kuh :

1. Keluarga
2. Gereja
3. Sekolah

3 komponen enda situhunna banci mereken pengajaran si sempurna nandangi anak. Sekolah mungkin banci mereken kepintaran secara intelektual, tapi masalah emosi keluarga mereken peranan si pentingna bageka pe kepintaran sideban. Janah perlu ka sieteh selain si e peranan orang tua arah :

1. Perbahanen
2. Pengerana
3. Rsdna kerina

Enda pe banci membentuk karakter anak.

Emakana ngerana masalah pengajaran si kuh situhunna e pengajaran si melibatkan kerinana. Labo sada komponen saja.