BIMBINGEN PJJ Tgl 02-08 April 2017

BIMBINGEN PJJ Tgl 02-08 April 2017

Thema;SILANGDU KUMULIAKEN

Ogen : 1 Johanes 2 : 21 – 25

Pdt. Maria E br Sitepu

-          Penjelasan Teks

Adi si gar-gari kubas konteks penulisan kitab 1 Johanes enda, maka banci siidah kitab enda eme surat edaran si bereken Yohanes man kalak Kristen si lit ibas propinsi Asia si jadi tanggung jawab kerasulian Yohanes. Surat enda secara umum itulis guna ngatasi persoalan ajaran sesat si sangana lit i tengah-tengah perpulungen. Ajaran sesat e :

1.      La tek Jesus eme Kristus

2.      La Tek Kristus jadi manusia

3.      Keterkelinen labo i dat arah dalanken sura-sura ntah pe ajaran Dibata

Emakana ibas bahan pengogennta ituriken Johanes man Perpulungen uga perbedaan kalak si tek man Jesus ras kalak anti Kristus :

1.      La terdat kata bual

Bagin enda nuriken adi kita tuhu-tuhu kalak Kristen la lit kata bual bas dirinta. Maksudna kai sicakapken kita enda tuhu-tuhu guna Dibata ngenca, labo guna dirinta. Sedekah enda me siidah uga kalak makekenca agama ntah pe kiniteken kalak jadi sada dayaan si menarik si banci nambahi pundi-pundi rupiahna.

2.      La akukenna Jesus eme raja penampat si ipadaken Dibata

3.      Itulakna Jesus emakana alu bage itulakna ka Bapa

Janah ibas ayat 24 ituriken Johanes uga si harus si ibahan kita nadangi si e kerina. Tentuna kita harus tetap tek, aminna pe enterem kalak si ngerana erkiteken lanai tek ia man Jesus, tapi ibas pusuhta kita tetap tek gelah ersada kita ras anak janah datken keterkelinen ntah kegeluhen si la erkeri-kerin.  

-          Aplikasi

“Silangdu Ku muliaken”  tema enda tentuna jadi sada tantangan man kita kalak si erkiniteken ibas paksa gundari enda. Melala tantangan si reh subuk ibas dirinta, keluarga ras masyarakat si erbahanca maun-maun kote kinitekennta. Tapi ibas kerina tantangan e, Yohanes ngarapken kita gelah tetap meteguh ibas erkiniteken man Dibata. Erkiteken sadar ntah la sadar kinipaguhen kiniteken e banci siidah ibas kiningasupennta guna ngalaken kerina tantangan si reh kubas kegeluhennta. Enterem kita erkiteken sitik tantangan saja nggo junggut-junggut janah ate nadingken kinitekennta ntah pe buniken kinitekennta. E banci siidah ibas kehidupan si gundari enda. Tapi ibas temanta enda, kita selaku kalak si erkiniteken man Jesus harusna ngasup si e, harus kita ernin ku silang Dibata gelah sieteh uga Dibata ngasamken kesahNa guna mpertahanken kai si percayaina.  Emakana marilah si muliaken Dibata arah ngasupna kita ngalaken kerina tantangan kinitekennta ibas geluh enda.