BIMBINGEN KHOTBAH 30 APRIL 2017

BIMBINGEN KHOTBAH 30 APRIL 2017

Minggu misericordias domini:lias ate Yahwe

Thema:“TUHAN NEMANI SEGEDANG GELUH

Invocatio : Masmur 95 : 7

Ogen : Masmur 116 : 12-19

Khotbah : Lukas 24 : 13 – 35

Pdt.Maria E br Sitepu

-          Pengantar

“Dibata Rembak ras Aku” enda me temanta ibas minggu si lewat, tentuna adi si nin ka temanta ibas minggu enda terkesan tempa-tempa seri. Tapi adi sipahami alu manjar-anjar, istilah rembak ras nemani e beda.

Adi gelarna rembak banci kataken deher e nuriken ingan Dibata e deher tapi adi gelarna nemani e kita ngerana kata kerja. Ertina Dibata nemani kita kujapa pe kita lawes. Tapi tentuna 2 hal enda la banci ipesirang ras diri Dibata erkiteken ia deher janah temani ka kita ibas kegeluhen enda.

Ngerana erkiteken si e, tentuna rusur sibegi ntah pe enda jadi sada pengalamen ibas kegeluhennta kepeken adi “Jodoh tak kemana”. Maksudna bagenda, mungkin enterem bas kita mbarenda darami-darami pasangen nggeluh ntah kuja-kuje kita nggo lawes dungna mulih ka kita erjabu ras teman sma nta ntah teman smp nta ntah tetangganta.

Hal si enda lanai tentuna asing ibas kegeluhennta. Hal si enda situhunna ngatakenca kepeken enterem kalak la sadar kepeken teman situhu-tuhuna kepeken seh kal deherna ras ia. Engkai maka bage ?

Bas bahan pengogennta, ibas

-          Lukas 24 : 13-35

Bagin enda nuriken perjumpan Yesus kenca ia keke ibas kematen nari ras ajar-ajarNa si sangana erdalan ku kuta emaus. Ibas percakapen Jesus ras ajar-ajarna kepeken kalak enda la tandaina Yesus si ercakap ras ia. Engkai maka bage ?

1. Erkiteken ajar-ajarna e tutus kal ercakap erkiteken kejadin si terjadi (Benena mait Jesus)

Hal si enda tentu banci ikaitken ras kegeluhennta. enterem kalak lupa ia penemani Dibata erkiteken kesibukan si ilakokenna. Enda situhunna si maun-maun menghalangi penggejapen kita erkiteken penemani Dibata 

2. Erkiteken kecedan ate

Me rusur siidah kepeken kecedaan ate ntah pe kemorahen ate banci erbahanca kita lupa penemani Dibata ibas kegeluhennta

3. Erkiteken la kita tek
4. Erkiteken la sitalangi pusuh peratennta gelah itemani Dibata geluhta

Emakana situhunna cukup tangkas kal engkai maka kita sedekah enda la nggejapken penemani Dibata. Emakana ibas

-          Masmur 116 : 12-19

Ituriken pemasmur uga pengataken bujurna erkiteken pengkelini Dibata arah kegeluhen pemasmur. Kai si man bereken man Dibata, adi siidah ibas bahan enda situhunna tangkas kal dirinta enda si bereken man Dibata. Erkiteken adi gelarna itemani aturenna si itemani pe labo keberaten.

-          Aplikasi

Emakana ibas minggu enda tole isingetken kita uga penemani Dibata nandangi kegeluhennta, subuk ibas paksa susah ntah pe meriah ras situasi-situasi si ugapana pe Dibata tetap nemani kita. erkiteken kekelengenNa nandangi kita. hal si enda tentuna seri bagi kalender gerejanta ibas minggu enda eme minggu miseri cordias domini si ertina kekelengen Dibata ntah pe kasih setia Tuhan nandangi manusia.uga bahan Dibata kasih setiaNa nandangi manusia eme arah penemani Dibata ibas kerina dampar kegeluhennta. jadi banci ka kita erlajar kepeken kasih setia ntah pe kekelengen enda labo terjeng materi ngenca, tapi waktu ras diri guna nemani kalak si sangana ibas persoalen epe sada kasih setia si banci bereken kita man kalak sebagai tanda kekelengennta. Emakana marilah singgejapken keleng ate Tuhan arah kai si terjadi ibas perdalanen geluhta tep-tep wari.