BIMBINGEN PJJ Tgl 23-29 April 2017

BIMBINGEN PJJ  Tgl 23-29 April 2017

Thema:ERLAJAR ARAH PERBERITA SI MERIAH

Ogen:Perbahanen Rasul-Rasul 14 : 8 - 20

 Pdt. Maria E br Sitepu

                         

-          Penjelasen Teks

Ibas doni enda lit 2 cara erlajar si biasa ilakoken manusia emekap :

1.      Formal

Maksudna sekolah, les rsdna kerina si bersifat terjadwal ras lit kurikulumna. Biasana erlajar alu formal enda labo mesera erbahanca indicator keberhasilan. Angka banci ijadiken indikatorna. Janah biasana pembelajaran arah formal enda cenderung iarahken ku pemahaman pengetahuan scientist ntah pe pengatahuan umum.

2.      Non formal

Non formal enda banci kataken erlajar ibas keluarga, teman ras ibas pergaulen. Hal si enda biasana membentuk psikologis, mental ras moral si erlajar.

Emakana 2 hal enda perlu seh kal pentingna ibas kegeluhen sekalak jelma, erkiteken duana kalak butuh ibas kegeluhenna si tep-tep wari.

Ibas bahan pjjnta pe ibas wari sisenda kita pe iajuk arah pengalamen si idat Rasul ntah pe perberita simeriah guna jadi pergegeh ras pemeteh ibas kita dalani kegeluhennta enda khususna ibas perdalanen kinitekennta man Yesus Kristus.

Ibas Perbahanen Rasul-rasul 14 : 8-20, piga-piga hal banci jadi pelajaren man banta :

1.      Penampilan maun-maun menipu adi kita ngerana masalah kiniteken

2.      Kiniteruken Ukur

3.      Nuriken situhu-tuhu

4.      Siap ngalaken kiniseran erkiteken kinitekennna

-          Aplikasi

Piga-piga hal si banci pelajari kita ibas bahan pengogennta ibas wari sisendah enda. Tentuna siakui si e kerina labo hal si mesukah guna ndalankenca, tapi persoalenna gundari engkai maka ia ngasup kita lang?adi siperdiateken tangkas kal kataken para rasul ibas bahan enda ia kerina manusia ngenca. Ertina si erbahanca ia ngasup e kerina Dibata labo kebeluhenna. Emakana enda perlu jadi catatan penting man kita guna erlajar arah kalak perberita si meriah, gelah e banci jadi usihen ibas kita erberita si meriah. Tentuna melala denga si banci pelajari kita tapi si pastina si penting sipahami kerina enda ngasup ilakoken kita adi kita erpengendes man Dibata.