BIMBINGEN MORIA Tgl 23-29 April 2017

BIMBINGEN MORIA Tgl 23-29 April 2017

Thema:EKONOMI KREATIF

Bahan:Pengerana 11 : 1-6

                                                              Pdt. Maria E br Sitepu

-          Penjelasen Teks

Kreatif e tuntutan enterem mamre nandangi Moria. Hal ini tentuna labo la beralasan, erkiteken sadar ntah la sadar kehidupan gundari enda lalap berubah, harga kai pe naik, tapi enterem mamre si erdahin gajina bage-bage saja.

Lit ka si naik tapi la sue ras inflasi kenaikan barang, emakana iperluken moria si beluh ntah pe kreatif guna ndarami lubang sideban ntah pe beluh ibas ngaturken perduiten jabu. ibas 2 minggu si lewat moria ngerana masalah ngaturken perbeliten jabu, emakana gundari labo terjeng ngaturken tapi nampatisa perbeliten ntah perduiten jabu.

Emakana bahan enda cukup menarik erkaiten ras temanta sendah

Secara umum bahan enda ngerana erkiteken perbahanen kalak pentar. Uga kin perbahanen kalak pentar enda :

Ayat 1

Adi bas bahasa Indonesia cukup tangkas, nina buang roti kedalam air. Ertina lalit hal si sea-sea si ilakoken kita aminna pe enterem kalak ngatakenca e sada hal si lang-lang tapi kerinana enda ibas wari sipepagi pasti kita datken ulihna.

Ayat 2

Situhunna bagin enda melala ertina, tapi berkaiten ras tema, emakana perlu kita lalap ndarami piga-piga peluang erkiteken lalit sad ape metehsa kai si banci terjadi

Ayat 3

Bagin enda berhubungen ras bagin sope enda ija harus sisadari kepeken kerina nggo lit aturenna.

Ayat 4

Emakana perlu perencanaan ras persiapen ibas kerinana. Erkiteken pola kehidupan enda nggo jelas, tading kita perlu kreatif guna makesa wari-wari enda.

Ayat 5

Ngerana erkiteken keterbatasan manusia,

Ayat 6

Ngelakoken si terbaik ntah pe semaksimal mungkin ibas dahinna

-          Aplikasi

Emakana ibas bahan enda memang cukup tangkas kepeken kita ituntut guna kreatif dalam kehidupan kita enda. Ula kebiasaan ntah pe cuaca ras sidebanna menghalangi kreatifitas si lit ibas dirinta. Erkiteken labo ise pe iuntungken adi kita ngasup ngelakoken ekonomi kreatif ibas keluarganta. Tapi jabunta ka sidatken keuntungenna. Emakana marilah kita selaku moria beluh kita ernin kesempaten-kesempaten si banci sipake guna nampati keuangan jabu, janah la menganggu tugas ras tanggung jawabta selaku nande, ndehara i tengah-tengah jabu.