BIMBINGEN MAMRE Tgl 23-29 April 2017

BIMBINGEN MAMRE Tgl 23-29 April 2017

Thema :TANGGUNG JAWAB IBAS GEREJA

Ogen :Masmur 2 Raja-raja 4: 8 – 10

                                                                                    Pdt. Maria E br Sitepu

-          Penjelasen Teks

Adi ngerana kita erkiteken bahan enda, emakana lanai bo situhunna asing bahan enda si ngerana erkiteken sekalak Diberu sunem si mereken penampatna nandangi pendahin nabi elisa. Janah penampat si ilakokenna enda labo erkiteken ia nggit datken sesuatu arah nabi Elisa tapi e tuhu-tuhu erkiteken kinitekenna man Dibata

ras kehamatanna nandangi suruh-suruhen Dibata.

Emakana adi kita ngerana masalah bahan pengogennta kita ngerana masalah sekalak tokoh si tergelar Diberu sunem. Tapi ibas paksa enda kita ate ngerana masalah dilaki ntah pe perbulangen diberu sunem enda. Adi siidah piga-piga literatur lalit si cukup tangkas nuri kenca ise kin dilaki diberu sunem enda, bas ayat 2-3 ngenca ngerana masalah dilaki diberu sunem enda, emakana ibas 2 ayat enda banci siidah :

1.      Dilaki enda termasuk kalak si erkiniteken (ayat 2)

Engkai maka bage ? erkiteken adi dilaki biasana la ia tek la ia nggi ngelakoken kai si jadi pemindo diberuna. Tapi ibas ayat 3 cukup tangkas uga dilaki enda nggit erbahanca bilik man Elisa.

2.      Dilaki enda termasuk jelma si mehuli man ise pe (ayat 3)

Tentuna si inget lenga bo ndekah tandai perempuan sunem enda ras dilakina Elisa enda tapi erkiteken kiniulinna maka ibahanna bilik man elisa

3.      Dilaki enda keleng man ndeharana

Adi siperdiateken ayat 16 je siidah kepeken perjabun enda lenga ibereken anak, tapi si a labo erbahanca dilaki diberu sunem enda nadingken diberu sunem enda.

Emakana arah 3 hal enda banci siidah uga luar biasana dilaki diberu sunem enda.

-          Aplikasi

“Tanggung jawab mamre ibas gereja” eme tema mamre ibas minggu enda, situhunna menarik kal bagin enda adi ibuat arah bahan pengogennta erkiteken sadar ntah la sisadari dilaki sunem enda cidahken tanggung jawab si luar biasa aminna ia la tampil secara langsung ibas pelayanen si ilakoken diberuna. Tapi pelayanan diberu enda la banci jadi adi la lit dukungan arah dilakina.

Emakana bagi gundari, gereja butuh kalak si tuhu-tuhu mereken dirina guna ertanggung jawab ibas tugas-tugas gereja gelah kemuliaan Dibata tetap ersinalsal ibas kegeluhenta. Sedekah enda pemahamannta adi mereken penampat eme tuhu-tuhu hadir, tapi arah dorongan semangat epe jadi sada penampat ibas gereja enda.

Inget fakta membuktikan adi mamrena rajin apsti moriana pe rajin ku kegiatan gereja. Tapi adi moria rajin lenga bo tentu mamrena rajin.

Emakana marilah man kita kerina mamre si bereken dirinta guna ertanggung jawab ibas dahin-dahin gereja. Hal si enda labo perlu lalap si bereken man pengurus, tapi inisiatif pribadi e pe penting guna kiniulin gerejanta.