Bimbingen PJJ Tgl. 26 Apr. - 2 Mei 2015

BIMBINGEN PJJ TGL. 26 APRIL - 2 MEI 2015

(Pdt. Larena br. Sinuhadji)

Ogen :

Kejadin 41:53-57

Tema :

NGERANCANGKEN PERBELITEN RAS MASA DEPAN BAS JABU ALU PAYO

Tujun :

Gelah ngawan ni perpulungen :

1. Ngasup ngaturken perbeliten jabu alu payo

2. Gelah ngawan ni perpulungen ngerencanaken masa depan kegeluhen jabuna

Penjelasen Bahan Alkitab

Perikopta lit i bas bagin Kej. 41 secara keseluruhen, e me kap “iterangken Jusuf antusen nipi raja”. I bas nipina raja ngidah pitu lembu mbur ras pitu lembu kertang. Pitu lembu si mbur ipangani lembu si kertang (ay. 2-4). Bage ka pe,  pitu ruhi page perngis ras pitu ruhi page si lambang ras melus. Pitu ruhi page lambang si melus nelen pituna page si perngis ndai. Nipi raja e, Jusuf ngenca si banci ngantusisa. I bas ay. 25-32 iterangken Jusuf nipi raja e, maka duana nipi raja e seri antusenna, maka terjadi pitu tahun masa riba-iba i Mesir, kenca si e terjadi me masa pitu tahun dekahna kelihen. Erkiteken raja ernipi dua kali, maka kejadin e enggo itetapken Dibata, nina Jusuf. Pasti ilakokenNa i bas paksa si la nai ndekahsa. Kai si ibahan Jusuf igejapkenna erkiteken Dibata si mereken kepentaren man bana, erkiteken campur tangan Tuhan (ay. 16).

Labo hanya iterangken Jusuf antusen nipi raja e, Jusuf pe mereken masuken man raja kai si arus ibahan raja guna menghadapi masa pitu tahun riba-iba ras masa pitu tahun kelihen. Strategi siitawarken Jusuf e me kap : 1) Ipilih raja sekalak si erpemeteh ras pentar guna ngaturken negri enda. Ertina, labo hanya kalak si jago, tapi pe kalak si erkemalangen man Tuhan. 2) Iangkat raja pegawai-pegawai si deban guna mpepulung seperlima i bas ulih peranin tupung masa riba-iba si pitu tahun. Ertina, simpanen/tabungen gelah tetap lit persedian pangan i bas masa kelihen. Tugas pegawai e jelas, e me kap mpepulungsa, munikenca ras njagaisa.

Kai sitawarken Jusuf isetujui raja, bahkan ipilih raja, Jusuf jadi wakil raja guna ngaturken si e kerina. Ilakoken Jusuf tugas e alu mehuli ras malang man Tuhan. Tupung masa riba-iba ipepulungna kerina pangan e ras itamakenna ku bas lumbung. Janah perikopta, ituriken kerna masa kelihen si terjadi, kenca masa mehumur enggo lepas. Pas kel bagi si ikataken Jusuf, tep-tep negeri si deban enggo kelihen kerina, i Mesir ngenca lang. Subuk kalak Mesir ras bangsa si deban nukur nakan man Jusuf, erkiteken kelihen ngkenai kerina ingan alu mesangat. Antusen nipi raja si ikataken Jusuf terbukti kerina.

Perenungan

Temata mabai kita ngelah ngasup ngerencanaken perbeliten ras masa depan jabu alu payo, bagi si enggo irancang ras idalanken Jusuf sebage wakil raja Mesir paksa si e. Kai si arus idalanken kita entah pe jabunta? Sipertama lebe, jabu e arus erkemalangen man Tuhan. Mas. 128:1, la nari terbantahken, sangap jabu si malang man Tuhan, si nggeluh ngikutken kerina perentahNa. Ulihna jelas, ipanna me ulihna latih, sangap nggeluh mehuli sikerajangenna. I bas keluarga e malang man Tuhan, ibereken Tuhan kepentaren i bas erdahin/erusaha. Alu tutus, erbintuas ndahikenna dahinna. Je nari masalah perbeliten ras masa depan jabu arus iarihken ras-ras antara bapa ras nande, labo hanya sepihak. Kai pe rencana ras keputusen keluarga atas kesepakaten bersama.

Pakar perencana keuangan keluarga mereken piga-piga hal praktis :

1. Minimalkan belanja konsumtif. Ngasup kita bedaken kebutuhen ras sura-sura. Sabab adi la bage banci lebih besar pasak dari pada tiang.
2. Menabung. Bagi isaranken Jusuf, 1/5 ulih peranin arus itamaken ku lumbung. Arus ka sibedaken tabungen jangka panjang ras tabungen jangka pendek, si katawari paksa banci ibuat. Sedangken tabungen jangka panjang sengaja guna kebutuhen sekolah anak-anak entah si debanna.
3. Susun rencana keuangan atau anggaran. Rencana keuangan yang realistis membantu bersikap obyektif soal pengeluaran yang berlebihan. Tak perlu terlalu ideal, sehingga lupa kebutuhan diri sendiri. Tak ada salahnya memasukkan kebutuhan pergi ke salon, SPA atau clubbing. Yang penting, anggarkan jumlah yang realistis dan Anda pun harus patuh dengan anggaran tersebut.
4. Tetapkan tujuan finansial. Susun target keuangan si bakal sisuraken secara berkala. Gelah alu bage banci lebih fokus merancang keuangen. Contoh, dana pendidiken perguruan tinggi anak, rsd.