BIMBINGAN PJJ GBKP Tgl 18-24 Maret 2018

BAHAN PJJ Tgl 18-24 Maret 2018

Thema:MERE ERPALASKEN KAI SI LIT IBAS KITA

Ogen : 2 Korinti 8:12-15

-          Penjelasan Teks

a.       2 Korinti 8:12-15

Guna memahami bahan enda, situhunna kita perlu ngoge menaken ibas ayat 1 nari, emakana banci sieteh kai kin sura-sura Rasul Paulus nandangi perpulungen i Korinti erkiteken sie.

Emakana adi siperdiateken maka Rasul Paulus membandingkan 2 perpulungen eme perpulungen si i Makedonia ras perpulungen i Korinti. Uga kin perpulungen e ?

Adi siidah ibas ayat 1-3, uga luar biasana perpulungen makedonia enda, erkiteken aminna ia sangana ibas kiniseran si mesangat tapi  la ngalangi ia guna melumbar mere. Beda ka ras kalak i korinti erkiteken aminna pe ia sampur ibas kai pe (ayat 7) tapi la sue ras kai si ibahanna nandangi pelayanen khususnan nandangi kalak Kristen i Judea (ayat 4). Padahal adi siidah ibas ayat 10, nggo me lit ukurna guna nampati kalak Kristen i Judea, tapi seh asa paksa si e la idalankenna. Engkai ?

1.      Lalit komitmenna

2.      La tutus atena (ayat 8)

Emakana guna si e rasul Paulus ngatakenca man perpulungen i korinti gelah

1.      Mere erpalasken kai si lit ibas kita labo si lalit ibas kita.

Menarik istilah enda, perban kuakap kerina kita pasti lit saja ibas dirinta si banci ipake guna pelayanen, persoalennna nggit kita ntah lang.

2.      Gelah ula situalen

Maksudna jenda kai pe si lit ibas kita enda eme pemere Dibata, janah erkiteken si e tentuna ipake guna kiniulin kalak.

-          Aplikasi

Hal si mudah ikataken tapi mesera idalanken ibas kegeluhennta enda, eme temanta sendah, erkiteken salah sada biak manusia eme la pernah iakapna cukup, emakana adi nampati gelarna mesera adi la iakapna cukup. Tapi adi situhunna kita nggo dewasa ibas kinitekennta man Tuhan hal si enda la mesera, perban siidah uga Dibata nggo mereken kerina dirina man banta bahkan si terbaikna eme anakNa bagepe Kesah anakNa guna kiniulinnta.