BIMBINGAN PA PERMATA GBKP 4 - 10 MARET 2018

BAHAN PERMATA

“TUNAIKAN KEWAJIBANMU! (POLITIK DALAM PERJANJIAN BARU)”

Ogen : Matius 22:15-21

Pdt. Maria E br Sitepu

-          Penjelasan Teks

a.       Matius 22:15-21

Menarik kal bahan enda adi siperdiateken, erkiteken :

1.      Adi siidah Matius 21:28- Matius 22:14, maka siidah 3 perumpamaan si ikataken Jesus enda kerina gelah kalak Parisi banci berubah tapi kepeken siidah ibas bahannta enda, labo erbahanca perubahan tapi reh nembehna atena mana Tuhan Jesus

Enda jadi sada pelajaran si pemena ibas bahan enda, kepeken adi manusia adi ituriken kai harus ilakokenna ntah pe kewajibanna maun-maun adi la sue ras sura-surana banci ia merawa padahal e harus ilakokenna.

2.      Adi siidah ayat 15-16, uga kalak Parisi ras kalak ibas parte Herodes nari ersada arihna guna ncubai Tuhan Jesus

Harus siinget sejarah, kalak enda duana situhunna beda pemahaman, engkai, perban adi kalak Parisi ibas bidang agama janah kalak parte herodes ibas bidang politik, janah kalak parisi la ersada arihna ras kalak roma, sedangkan kalak ibas parte herodes tentuna ersada arihna, emakana kalak bas parte herodes mendukung penggalaran pajak man Kaisar sedangkan kalak Parisi lang.

Pelajaran sipeduaken banci siidah uga salah sada kebiasaan jelma adi ibas si mehuli mesera iakapna ersada arihna tapi ibas si la mehuli nukah kal mpersada arih.  

3.      Ibas ayat 16b, siidah uga bahasa si ipake kalak enda, tempa-tempa memuji tapi situhunna sura-sura guna mereken jebakan man Tuhan Jesus

Pelajaran si peteluken man banta, hati-hati ibas rayuan ntah pe kata-kata manis kalak, erkiteken e banci saja mabasa kita ndabuh kubas dosa ntah pe kesalahan-kesalahan si mbelin

4.      Ibas ayat 17, penungkunen si luar biasa, erkiteken arah apai pe jawabanna enda, banci erbahanca Tuhan Jesus datken masalah. Misalna adi lang tentuna ia banci berurusen ras kalak roma, janah adi oe nina banci ka ia bermasalah ras kalak Jahudi. \

Pelajaran si peempatken, ibas kegeluhen enda maun-maun kita melala iperhadapken ibas penungkunen si erbahanca kita mesera mutuskenca apai si jadi pilihannta, emakana iperluken hikmat ibas Dibata nari. Uga carana rusurlah kita rembak ras Dibata gelah Dibata nampati kita ibas situasi si bagenda rupana.

5.      Ayat 18-21, siidah uga hikmat si lit ibas diri Tuhannta Jesus Kristus guna jawabsa penungkunen kalak enda.

Emakana pelajaran si terakhir, ibas kegeluhen enda kita punya dua kewajiban eme kewajiban duniawi (pemerintah, bangsa ras Negara) bagepe kewajiban rohani (man Dibata)

-          Aplikasi

Pemerintah ibahan ibas doni enda tentuna guna dalanken rencana Tuhan guna ngaturken perdalanen manusia gelah tetap ratur, emakana tanggung jawabta eme dalanken si e. rikutken si e pe tanggung jawabta tetap harus sidalanken nandangi pemerintahta enda, aminna pe mungkin pemerintah enda la bagi ukur tapi kita harus tetap jadi warga si mehuli ibas perdalanen geluhta selaku bagin ibas bangsa ras Negara.