BIMBINGAN PA MORIA GBKP Tgl 18-24 Maret 2018

BAHAN MORIA Tgl 18-24 Maret 2018

Thefma:BENAKEN ARAH  SI KITIk

Ogen : Lukas 4:18-19

-          Penjelasan Teks

Lukas 4:18-19

Adi siperdiateken bahan enda, tentuna sieteh enda eme bagin ibas pelayanen Tuhan Jesus sangana ia ibas kuta Nazaret kuta inganna ipebelin. Adi siidah runtutan peristiwa enda, maka lit sada hal si menarik eme engkai maka Jesus milih ayat enda guna iogeken ?

Bagin pengogennta ibas paksa si enda situhuna banci siidah ibas Jesaya 61:1-2, si ate Tuhan Jesus nurikenca, bahwa ia labo Rasul biasa tapi ia me Mesias si nggo ipadanken Tuhan nandangi bangsa Israel.

Emakana bahan enda iogekenNa gelah kerina kalak metehsa kai kin tujun ntah tugas Tuhan Jesus reh kudoni enda.

Adi ibas bagin si pemena pengogennta enda, maka ikataken Jesus me Ia ipilih guna meritaken Berita si Meriah man :

1. Kalak Musil
2. Kalak si tertaban
3. Kalak Pentang

3 jenis kalak enda situhunna mewakili kalak si sedekah enda la iperdiateken ibas pelayanen, emakana kerehen Tuhan Jesus bas doni enda ibenakenna nandangi kalak si bagenda lebe.

-          Aplikasi

Menarik adi siidah bahan enda, perban sedekah enda me adi kita bicara tentang pelayanan lupa kita bahwa pelayanen enda haruslah mulai ibenaken teruh nari ntah bagi bahan temanta eme kalak si kitikna. Pelayanan maun-maun gundari lanai bage, pelayanen cenderung menyisir kaum si nggo mapan, lupa kita bahwa pelayanan enda sifatna menyeluruh janah adi banci ibenaken me arah kalak si la ianggap ntah pe ipinggirken sedekah enda.

Engkai maka enda banci jadi ?

Perban manusia biasana kurang meriah adi ngelakoken sesuatu ibenaken arah si kitikna, atena min si galangna gelah hasilna pe banci galang, lupa kita bahwa kita perlu namaken palas lebe si mejile, gelah arah si e kita ngasup guna tuhu-tuhu maba pelayanennta enda kuarah si lebih luas.