BAHAN PJJ TGl 01-07 Juli 2018

BAHAN PJJ TGl 01-07 Juli 2018

THEMA:“DONI ENDA SEH ULINA

Ogen : Masmur 104:1-24

Pdt Maria Br Sitepu

BAHAN KHOTBAH MINGGU 08 JULI 2018

BAHAN KHOTBAH MINGGU 08 JULI 2018

Minggu peningkatan Ekonomi Jemaat

THEMA:Pakekenlah Potensi Alu Mehuli

Invocatio : Matius 25:26-27

Ogen : Perbahanen Rasul-rasul 18:1-3

Khotbah : Kuan-Kuanen 31:10-31

(Pdt Maria Br Sitepu)

-          Penjelasan Teks

a.       Perbahanen Rasul-Rasul 18:1-3

Bagin pengogennta ibas minggu enda, eme salah sada bagin ibas pelayanan Rasul Paulus si peduakaliken si ertujun guna mpegegehi gereja ntah pe perpulungen si nggo pajek. Emakana ibas perdalanen Paulus enda, sangana ia i Korinti erjumpa ia ras sada keluarga si tergelar akwila ras priskila. Ise kin kalak enda. Sieteh arah bahan enda, keluarga enda eme keluarga si nggo ndekah nandai Rasul Paulus janah seri pendahinna eme erbahanca tenda, emakana rasul Paulus kesilang kurumah kalak enda ndai. Tapi salah sada hal si menarik rikutken temanta ibas minggu enda, keluarga ntah pe jabu enda eme jabu si banci kataken pengungsi erkiteken ibas ayat 2 tangkas ikataken ipelawes Kaisar Romawi kalak Jahudi silit i italia, emakana lawes ia ku korinti, tapi aminna pe bage, keluarga enda labo surut ukurna guna tetap ngelakoken kai si nggo jadi kebeluhenna eme erbahan tenda, emakana ibas kota korinti pe kalak enda erbahan tenda.

b.      Kuan-Kuanen 31:10-31

Bahan pengogenta ibas bagin sipeduaken enda, adi siperdiateken eme turi-turin guna ndarami ndehara si cerdik, ntah banci kataken uga kin sekalak ndehara si cerdik. Emakana ibas bagin pemena eme ayat 10-12, tangkas uga pentingna sekalak ndehara si cerdik janah penulis kitab enda ngatakenca, ergan ia asangken permata si erdilap. Emakana e seh kal pentingna ibas keluarga. Janah uga kin ndehara si cerdik enda, adi siperdiateken lit 4 hal eme :

1.      Mejingkat erdahin janah tutus ibas dahin kai pe

2.      Beluh erban perencanaan

3.      Optimis, semangat

4.      Erkemalangen man Tuhan

4 hal enda si coba igambarken penulis kitab enda erkiteken sosok sekalak ndehara. Janah adi sihubungkan ras temanta ibas minggu enda, kepeken si sadari kerina wanita ntah diberu lit potensina guna jadi ndehara si cerdik ibas jabuna, Cuma maun-maun erkiteken sada ras sidebanna la ia nggit ngelakokenca, emakana ibas minggu enda, labo kepeken kita ngerana masalah uga muat kesempatan tapi uga dirinta pe selaku subjek ras objek banci ngelakoken si e kerina.

PENGELAYASI KERJA RANI TAHUN 2018

Syalom ras Mejuah-juah man banta Kerina perpulungen Runggun BATAM-CENTRE

Pelaksanaan kerja rani  ibas gerejanta nggo merupaken sada kegiatan si ilaksanaken gereja tiap tahun,ibas tahun enda ibahan me Minggu tgl 5 Agustus 2018 i Gereja Batam-Centre. 

Kerja rani e  imaknai sebage ungkapen persembahen pengataken bujur man Dibata erkiteken sigejapken Dibata enggo masu-masu kegeluhenta ibas kerina ulih pendahinta, subuk e ibas hasil juma, usaha ntah pe gaji si idat arah pendahin si ilakoken kita ibas setahun enda, jenari erpengarapen ka kita maka ibas tahun-tahun si reh pe Dibata tetap simasu-masu kerina ulih pendahinta.

Emakana guna memaknai pelaksanaan kerja rani enda, 

lit piga-piga perlu sieteh erkiteken kerja rani   enda, eme :

-          Pelaksanaan kerja rani e me pedah Dibata si isehkenNa man Musa gelah ipebetehkenna man kalak Israel ras arus ilakoken bangsa e kenca bengket kubas tanah kanaan ntah pe tanah perpadanen 

                    (Bnd Kel 23:19).

-          Kerja rani eme perentah ntah aturen si arus ilakoken bangsa e ibas tep-tep tahun dingen kalak  Israel si la ngelakokenca, ia ianggap si la mematuhi aturen  siberlaku nandangi kalak Israel (Bnd Kel 23:16)

-          Kerja rani sebage  tanda pengataken bujur ras encidahken kepatuhen ras penghormaten man Dibata ras dikune la ilakoken maka kalak Israel situhuna menolak ntah la mengakui maka Dibata me si nggo masu-masu bangsa e ibas kerina kegeluhenna.

-          Ibas nehken persembahen si isehken arus simehulina la banci mekarus ras alu pusuh si ermeriah ukur erpalasken kai silit ibas kita (bnd Ul 16:9-12)

Emakana rikutken piga-piga hal idatas, iarapken man banta kerina anggota ngawan perpulungen Runggun Batam-Centre banci muat bagin ibas pelaksanaan kerja rani ibas gerejanta ibas tgl 5 Agustus 2018, erkiteken enda me sada bukti kita ngejapken pasu-pasu Dibata ibas ulih pendahin ibas sada tahun si nggo bentasi kita Selamat mengikuti pelaksanaan kerja rani mari sitotoken persembahen kerja raninta janah sisehken persembahen kerja raninta Tuhanlah simasu-masu kita kerina.MEJUAH-JUAH.    

BIMBINGAN PEKAN DOA 19 MEI 2018 HARI KE VII

BIMBINGAN PEKAN DOA WARI Vii 19 MEI 2018

THEMA:TETAPLAH ERTOTO

Kotbah : 1 Tesalonika 5:17-18

Pdt Maria Br Sitepu

-          Penjelasan Teks

a.       1 Tesalonika 5:17-18

Perpulungen tesalonika eme salah sada perpulungen si ipanteki Rasul Paulus ibas perdalanen pelayanenna, tapi ibas sura-sura si mehuli enda labo idukung ras situasi si lit ibas kota Tesalonika, erkiteken kota tesalonika aminna pe bagin ibas propinsi romawi, tapi ibas kota enda enterem kalak Yahudi si tetap njemak pengajaran Yahudi, emakana ibas Rasul Paulus manteki perpulungen i Tesalonika ia datken permusuhen ibas kalangan masyarakat Yahudi. Erkiteken si eme maka Rasul Paulus lawes ibas kota Tesalonika aminna lenga seh waktuna guna nadingken perpulungen enda.

Perpulungen tesalonika bagi ikataken kami, eme perpulungen si nguda denga, emakana enterem kalak si ngikutken Kristus ntah pe bertoba lenga datken pengajaran erkiteken kegeluhen selaku kalak Kristen, emakana surat 1 Tesalonika e tentuna itulis Rasul Paulus guna mereken pengajaran kai-kai saja si arus ilakoken selaku kalak Kristen.

Salah sadana banci siidah ibas bahan pengogennta eme ertoto. La banci ipungkiri ertoto eme nafas iman kalak si tek man Tuhan Jesus, erkiteken ibas ertoto enda kita banci membangun hubungan personalta ras Dibata. Jadi Rasul Paulus ngatakenca man perpulungen tesalonika

BIMBINGAN PEKAN DOA 18 MEI 2018 HARI KE 6

BIMBINGAN PEKAN DOA 18 MEI 2018

“ERTOTO KERNA BENCANA”

Kotbah : Habakuk 3:17-19

Pdt Maria Br Sitepu

-          Penjelasan Teks

a.       Habakuk 3:17-19

Guna memahami bahan enda, emakana perlu lebe kita memahami kai kin sejarah ntah pe konteks nabi habakuk enda.

Secara garis besar kitab habakuk enda itulis sangana bangsa babel jadi bangsa si mbelin ntah pe bangsa adi kuasa janah nggo deher bangsa enda guna menyerang ku bangsa Israel (Yehuda), emakana hal si enda erbahanca nabi Habakuk ngenanami pergumulan iman erkiteken kinata kegeluhen uga bangsa Pilihan Dibata (bangsa Israel) kedungenna ndabuh kubas tan bangsa si sijahat (hab 1:13). Tapi selain si e nabi Habakuk pe ngenanami persoalan erkiteken kondisi bangsa Israel ibas paksa sie si sangana mengalami penurunen ibas kai pe subuk, ekonomi, pemerintahan (Raja Yosia si ngelakoken reformasi ku raja Yoahas si tuhu-

BIMBINGAN PEKAN DOA 17 MEI 2018 HARI KE 5

BIMBINGAN PEKAN DOA 17 MEI 2018

“ERTOTO KERNA MASYARAKAT BANGSA RAS NEGARA”

Kotbah : Nehemia 1:4-11

Pdt Maria Br Sitepu 

-          Penjelasan Teks

a.       Nehemia 1:4-11

Adi siinget sejarah, maka sieteh me ise kin situhunna nabi Nehemia enda, nabi enda, eme nabi si tubuh ras mbelin ibas tanah perantauan adi siperdiateken ibas bahannta ayat  1 katakenna je ibas kuta susan ibukota kerajan Persia, emakana nabi Nehemia labo nggejapken kai si terjadi nandangi bangsa Israel sope bangsa enda ibuang kutanah pembuangan. Janah perlu ka siinget nabi Nehemia ibas paksa si e nggo datken dahin selaku juru minuman raja janah tading ibas istana jadi secara finansial bagepe kenyamanan nabi Nehemia nggo datken kenyamanan ibas kegeluhenna.

Tapi kepeken rasa nasionalisme nabi Nehemia nandangi bangsana Israel labo pernah luntur, erkiteken adi siidah ayat 2-3, ija lit sekalak si tergelar Hanani nuriken situasi ras kondisi bangsa Israel si nggo seh ku Jerusalem janah iturikenna uga gambaran tembok Jerusalem ras bangsa Israel si nggo mulih tangis Ia. Hal sienda cidahken aminna pe ia labo tubuh ras mbelin i tanah Israel tapi tetap morah atena ernin situasi si terjadi nandangi bangsana.

BIMBINGAN PEKAN DOA 16 MEI 2018

BIMBINGAN PEKAN DOA 16 MEI 2018

“ERTOTO KERNA GEREJA”

Kotbah : Johanes 17:20-23

Pdt Maria Br Sitepu 

-          Penjelasan Teks

a.       Johanes 17:20-23

Bagin pengogennta ibas paksa sienda eme salah sada bagin ibas pertoton Tuhan Jesus sope Ia itangkap. Adi siperdiateken benaken ayat 1 nari, maka lit 3 kali Tuhan Jesus ertoto.

1.      Man Dirina (ayat 1-5)

2.      Man ajar-ajarna (ayat 6-19)

3.      Man kalak sitek erkiteken pengajaran si ipeseh ajar-ajar (ayat 20-27)

Emakana bagin pengogennta sendah termasuk ibas bahan si peteluken ibas pertoton Tuhan Jesus.

Penungkunenna engkai maka Tuhan Jesus ertoto man kalak sitek erkiteken pengajaran si ipeseh ajar-ajar ?

BAHAN PA PERMATA GBKP TGL 29 APRIL -05 MEI 2018

BAHAN PERMATA TGL 29 APRIL -05 MEI 2018

THEMA:JANGAN MENCINTAI AKU, APA ADANYA

Ogen : Amsal 10:4-5

-          Penjelasan Teks

1. Amsal 10:4-5

Tentuna kita tahu bersama bahwa amsal 10 sampai amsal pasal 22 adalah kumpulan dari amsal-amsal salomo yang tentunya ditujukan bagi bangsa Israel agar menjadi pedoman dalam setiap kehidupannya, sehingga bangsa ini betul-betul menjadi bangsa yang memperlihatkan jati dirinya sebagai bangsa pilihan Tuhan,

BAHAN MORIA TGL 29 APRIL -05 MEI 2018

BAHAN MORIA TGL 29 APRIL -05 MEI 2018

THEMA:RULIH ADI MEJINGKAT

Ogen : Kuan-Kuanen 12:9-11; 2 Tesalonika 3:6-10

-          Penjelasan Teks

1. Kuan-Kuanen 12:9-11

Pengogennta ibas bagin si pemena enda, termasuk ibas bagin pertenget si ibereken raja Salomo man bangsa Israel, janah ibas bagin enda secara terkhusus ibas kuan-kuanen 12 enda eme ngerana masalah uga kin situhuna perbahanen ntah pe sikap si ilakoken kalak si la berhikmat ras kalak si patuh nandangi Dibata.

Emakana adi siperdiateken ibas bagin pengogennta salah sada sifatna kalak si patuh man Dibata eme

1.      Pangen latih guna datken kai siisura-suraken kita asangken erlagak bagi kalak lit tapi situhunna lalit ibas ia

Melala sienda terjadi ibas moria zaman gundari, adi istilah si ipinjam kami arah temannta ibas salah sada suku ibas daerah timur nari,Pangen Talu nakan asangken talu gaya darat e tentuna jadi sada persinget man moria gelah beluh rukur ntah pe berhikmat ibas si e. Gaya penting tapi tentuna ibas geluh enda lit prioritas.

2.      Tetap ngataken bujur ibas situasi ugapape.

Ibas ayat 10, siidah uga masalah sirusur terjadi eme la mensyukuri kai si lit ibas manusia, maun-maun cenderung memaksakan gelah banci datken lebih.

3.      Cukup ibas kai pe

Bagin siterakhir ibas pengogennta enda, menarik, erkiteken adi siperdiateken lit 2 hal, sipertama adi erbintuas dem lumbungnta, penungkunne dem alu kai ? labo ituriken je, tapi si pastina adi kita ngerana masalah lumbung emakana kita ngerana masalah kebutuhen primer, emakana adi erbintuas kita maka kerina e banci tercukupi. Janah sipeduaken, kalak si erbintuas labo ibandingken ras kalak si la erbintuas, tapi ikatakenna ngenca motu kap kalak si muang wari-wari guna hal si sea-sea, ertina ngatakenca, bahwa ok mungkin lit kalak erbintuas la banci bayak, lit kalak si la erbintuas ibas dalanken dahinna bayak ia, emakana ibas bahan enda labo masalah bayak ras lang, tapi masalah motu ntah lang.

2. 2 Tesalonika 3:6-10

Tentuna siinget adi ngerana kita masalah surat ntah pe kitab enda siinget kita enda eme surat tulisan rasul Paulus nandangi a eme Timotius gelah megegeh janah reh ngasupna guna dalanken tugas ras tanggung jawabna guna erberita si meriah. Emakana guna si e, Rasul Paulus nuriken uga kin situhunna  eme

1.      Sirangilah kalak perkisat

2.      Erdahin alu payo janah ula  siberatken kalak sindeban

3.      Jadi usihen kecibal ngeluh man kalak sideban

-          Aplikasi

Adi siulihi bahannta enda, maka sada sidat ibas sie kerina eme uga kita makeken kai si nggo lit enda alu payo, ula alu kerangapen, erkiteken kerina ibas doni enda labo ibaba mate, emakana kinijingkatennta enda siarahken me kuarah guna kegeluhennta simbaru labo terjeng masalah erta ngenca. Memang erta e perlu, tapi labo e jadi perayakennta tuhu.

BAHAN MAMRE TGL 29 APRIL-05 MEI 2018

BAHAN MAMRE TGL 29 APRIL-05 MEI 2018

THEMA:NGGEJAPKEN PENEMANI DIBATA IBAS KEGELUHEN TEP-TEP WARI

Ogen : Keluaren 13:17-22

-          Penjelasan Teks

1. Keluaren 13:17-22

Tentuna sieteh kenca bangsa Israel ndarat ibas tanah mesir nari, emakana bangsa Israel erdalan ibas gurun pasir nari ku tanah si nggo ipadanken Dibata man bana. Hal si enda perlu ipahami gelah :

1.      Ula sambar ukurna erkiteken arus ia erperang ras bangsa Pilistin si tentuna nggo beluh adi ngerana masalah erperang.

Banci siidah ibas bagin enda uga model penemani Dibata ibas kegeluhen kita, Dibata tentuna melihat kubas kengasupennta, me banci saja ibabana erdalan arah tepi lawit gelah lampas seh ia ku tanah si nggo ipadanken janah adi memang kin jumpa ras bangsa sideban me tentuna banci ka ibahan Dibata gelah ia menang, tapi kepeken Dibatanta labo bage, ia tuhu-tuhu mempersiapkan dirinta lebe gelah ngasup dalani kegeluhennta tep-tep wari, emakana tipe penemani Dibata eme tipe si erbahanca kita reh ngasupna ntah reh gegehna labo itami-tamina kita

2.      Labo sura-sura kalak Israel si jadi

Adi siperdiateken ibas ayat 18, khususnya 18b siidah uga bangsa Israel situhunna nggo sikap guna erperang, tapi kepeken labo e sura-sura Dibata nandangi kalak Israel, hal si enda cidahken penemani Dibata enda tentuna alu sada konsekuensi uga kita tetap ngikutken sura-surana. Dibata labo ka nggit nemani kita dalani wari-warinta enda adi kita nggeluh bagi si la isura-surakenna, emakana salah sada cara kita gejapken penenamani Dibata eme geluh bagi sura-sura Dibata.

3.      Dibata saja tetap jadi pengurun ntah pe usihen bangsa Israel

Adi siperdiateken ayat 22, uga binangun api ras binangun embun ngarak-ngarak perdalanen bangsa Israel sangana ia erdalan ibas gurun pasir, e cidahken uga penemani Dibata nandangi bangsa Israel enda maba kemalemen ate ras keterkelinen nandangi bangsa enda

-          Aplikasi

Emakana adi kita ngerana masalah nggejapken penemani Dibata ibas kegeluhennta enda, situhunna labo mesera, tapi masalah siutamana eme siakap penemani Dibata enda harus sue ras sura-suranta, emakana tentuna adi gelarna itemani, makana kalak sitemani enda pe perlu metehsa kai kin sura-sura kalak si nemani ia emakana banci penemani enda tetap, emakana marilah reh mbagesna kita ngangkasa rencana Tuhan ibas kegeluhennta gelah arah si e sigejapken ka penemani Dibata ibas kegeluhennta.

Bahan Perpulungen Jabu-Jabu (29 April-05 Mei)

Bahan Perpulungen Jabu-Jabu (29 April-05 Mei)                                   
(Heber 9:23-26)         
Jesus Nangkih Ku Surga Man Gunanta (Kenangkihen Tuhan Jesus Ku Surga)

Detaser Fernando Perananta Alfa Surbakti S.si (Theol)

Penjelasan Teks        
            Surat Heber si khas kel emekap cara penulis makeken Padan Sidekah guna mendukung argumen-argumen si pakena. Mengunjuk ku tokoh-tokoh ibas Padan Sidekah seperti: Harun ras Melkisedek, serta upacara-upacara seperti: Hari Perdamaian, penulis mengemukakan bahwa hal-hal sibagenda rupana emekap sebagai pendahuluan tentang pendahin Jesus. Secara tentatif banci sisimpulken bahwa Surat Heber enda i tulis menjelang masa penganiayaan si i pimpin kaisar Nero. Pembaca pertama emekap sekelompok kalak Kristen Yahudi Helenis si tading ibas Roma, ija ia berusaha meloloskan diri sebagai dari akibat-akibat yang timbul adi ieteh Pemerintah Paksa si e ia kalak Kristen, si mengikuti kebiasaan-kebiasaan agama Yahudi. Kalak Kristen paksa si e berlindung ku pemerintah ija pemerintah bereken perlindungen man kalak Jahudi. Tapi kalak Kristen pe enggit ka memiliki hak-hak selaku warga Kristen. Penulis kitab enda menyayangkan hal tersebut. Sikap si mementingken dirina pribadi. Keikutsertaan ibas upcara ras tradisi Jahudi emekap pada hakikatnya merupakan penyangkalan     atas kai si enggo ilakoken Jesus. Adina tutus ateta mengikut Iam, tutus atate melayani IA, maka kalak Kristen harus berdiri teguh ras setia sebagai murid-muridNa aminna mbue kai pe resiko si man hadapi.

Aplikasi         

            Kenangkihen Jesus ku surga emekap sada bukti bahwa Ia enggo berkuasa man doni enda ras surga. Ia me kapa Raja si tuhu-tuhu si mbabai kedamen bas kegeluhen enda. Ia enggo membayar lunas dosa-dosanta janah  nambahi keselamatan man banta kerina. Kai responta terhadap kenangkihen Jesus ku surga? Jesus enggo mengajarkan bahwa tetaplah kita erpengarapen man Ia, tetap erbahan si mehuli man kalak si deban, berpikir positif. Gelah kenangkihen Jesus ku surga maba makna bas kegeluhenta.                                                     

Bahan Khotbah (06 Mei 2018)

Bahan Khotbah (06 Mei 2018)        
Invocatio         : “Pindolah, tentu ngalo me kam; daramilah tentu idatndu; tuktuklah, tentu                             italangi pintun man bandu” (Matius 7:7)

Ogen               : Jakub 1:2-8   
Kotbah                        : Keluaren 32:9-14     
Tema               : “Pindolah Alu Meseksek I Bas Pertotonndu”                   

Detaser Fernando Perananta Alfa Surbakti S.si (Theol) 


           
Penjelasan Teks        
Jakub 1:2-8     
            Teks enda encidahken ija kalak Kristen ibas kegeluhenna ngenanami erbage-bage kiniseran erkiteken kitekenna nandangi Jesus Kristus. Kiniseran si nanami kalak Kristen paksa si e la erbahanca ia ndauh ntah pe sirang ras Dibata. Tapi ibas surat Yakub enda encidahken maka kiniseran e sebagai sumber kekuatan man bana gelah ermbelinna kinitekenna man Dibata. Arah kiniseran si nanami erbahanca kalak Kristen ergegehna ertoto mindo penampat man Dibata.           
Keluaren 32:9-14       
            Bangsa Israel selaku bangsa pilihen Dibata enggo ngidah ras ngenanami erbage-bage tanda kuasa Dibata; ndarat ibas perbudakan Mesir nari, ngepari Lawit merah, rsd. Amin bage gia, bangsa enda megati jungut-jungut ras kurang kiniteken tempa-tempa Dibata mabai ia cilaka padahal ate Dibata mabai ia ku taneh perpadanen. Labo ngenca jungut-jungut tapi rikut ras ngelawan ras nulak Dibata alu maksa Harun guna erbahan patus lembu emas janah nembah ku je bagepe mabuk janah ngelakoken lagu langkah si la patut ilakoken dilaki ras diberu. Si enda kerina enggo iidah Dibata janah sura-suraNa engkernepken bangsa e erkiteken nembeh ateNa ngidah kai si lakoken bangsaNa (Keluaren 32:7-10). Tapi Musa mindo man Dibata alu meseksek gelah ula ikernepken Dibata bangsa Israel. Enda me salah sada kegeluhen pertoton si isuratken i bas pustaka. Musa ertoto, mindo man Tuhan alu meseksek labo maksa Dibata gelah ngelakoken kai si ipindoken tapi lit ije kiniteken man Dibata maka Dibata e ngasup nehken pertoton erkiteken IA mada kuasa.

Aplikasi         
            Minggu enda igelari Minggu Rogate (ertoto). Mbue siidah ibas kegeluhen kalak Kristen maka ertoto enda enggo menjadi sada kewajiban ntahpe sada rutinitas si harus ilakoken. Dungna ertoto menjadi sada tindakan si bersifat formalitas saja, ertoto gelah iidah kalak ia Kristen. Sada sikap si la menunjukkan kalak Kristen si la bernilai. Ertoto eme suatu kegiatan si bersifat sakral (kudus ras suci). Ija ibas ertoto lit ketutusen. Pindolah man Dibata kai si iperluken kita ibas pertoton ras mindo alu meteruk ukur. Enda me encidahken sada sikap meseksek ibas pertoton. 

BAHAN KHOTBAH GBKP MINGGU 22 APRIL 2018

BAHAN KHOTBAH MINGGU 22APRIL 2018

MINGGU JUBILATE

THEMA:ERSURAKLAH, TERKELIN ME KAM

Invocatio : Masmur66:1b

Ogen : 1 Tesalonika2:13-20

Khotbah : Jeremia31:7-14

Pdt. Maria E br Sitepu

-          Penjelasan Teks

a.       1Tesalonika 2 : 13-20

Adi siinget kitab 1 tesalonika eme salah sada surat Rasul Paulus si tujun guna mpegegehi kalak Kristen ibas kota tesalonika. Kota tesalonika eme salah sada kota pelabuhan si cukup terkenal, hampir kerina masyarakatna eme kalak Yahudi si kuat emakana sangana rasul Paulus manteki gereja ibas tesalonika enda ia ngenanami kiniseran ibas masyarakat yahudi.