BAHAN KHOTBAH GBKP MINGGU 22 APRIL 2018

BAHAN KHOTBAH MINGGU 22APRIL 2018

MINGGU JUBILATE

THEMA:ERSURAKLAH, TERKELIN ME KAM

Invocatio : Masmur66:1b

Ogen : 1 Tesalonika2:13-20

Khotbah : Jeremia31:7-14

Pdt. Maria E br Sitepu

-          Penjelasan Teks

a.       1Tesalonika 2 : 13-20

Adi siinget kitab 1 tesalonika eme salah sada surat Rasul Paulus si tujun guna mpegegehi kalak Kristen ibas kota tesalonika. Kota tesalonika eme salah sada kota pelabuhan si cukup terkenal, hampir kerina masyarakatna eme kalak Yahudi si kuat emakana sangana rasul Paulus manteki gereja ibas tesalonika enda ia ngenanami kiniseran ibas masyarakat yahudi.

Emakana erkiteken waktu si kentisik ngenca Rasul Paulus ras perpulungen enda, emakana perlu iakapna guna nulis surat enda guna mpegehi perpulungen ibas kota Tesalonika gelah tetap megegeh ibas ngenanami kiniseran erkiteken kinitekenna man Yesus Kristu.

Ibas bahan pengogennta sendah pe iturikenna me si terjadi nandangi ia ibas kota tesalonika enda (ayat 14-16), tapi hal si e labo erbahanca surut semangat Rasul Paulus perban adi siidah ibas ayat 13, ituriken Rasul Paulus uga kalak Kristen I Tesalonika ngalo-ngalo Berita Si Meriah si ibaba Rasul Paulus. E tentuna sada keriahen si mbelinna si igejapken Rasul Paulus janah si eme si erbahanca ia tetap megegeh guna ndahiken dahin e.

Janah hal si enda me si erbahanca Rasul Paulus ersura-sura guna dahi mulihi perpulungen enda aminna pe ieteh Rasul Paulus melala pasti si banci ngambati sura-surana e.

b.      Jeremia31:7-14

Kitab Jeremia eme kitab si itulis nabi Jeremia si melala ngerana erkiteken nubuat nandangi bangsa Israel si la nggit ertobat ibas kesalahan si ibahanna sedekah enda. Emakana erkiteken kesalahan e, bangsa Israel ibuang kutaneh pembuangan.

Ibas taneh pembuangan enda, tentuna sieteh uga situasi bangsa Israel paksa sie, tapi kepeken Dibata arah nabiNa Jeremia tetap mereken janji nandangi bangsa Israel emakana ia banci mulih ku Jerusalem. Tapi ibas nimai janji e, Dibata ngarapken bangsa Israel tetap ersurak ntah pe ermeriah ukur  ntah pe ersukacita. Tentu sada hal si aneh siakap khususna adi sinin posisi bangsa Israel si sangana ibas pembuangan, engkai maka bage nina Tuhan man bangsa e ?

1.      Bangsa Israel eme pilihan Dibata

2.      Sejarah bangsa e nggo cidahken uga keleng ate Dibata man bana

Emakana arha si e iarapken Dibata tetap ersurak ibas penderitaan janah ersurak enda alu tuhu-tuhu labo alu kepalsuan.

-          Aplikasi

Ersuraklah, terkelin me kam, sada janji si jelas kataken Dibata man banta ibas minggu enda, terkelin me kita adi kita kin percaya maka Tuhan nampati kita. Persoalenna gundari tentuna mulihi man banta, tek kin kita bahwa Dibata nampati kita ? adi tek kita lanai situhunna perlu lit kebiarennta emakana geluhta enda banci idemi alu sukacita si tentuna rehna ibas Dibata nari.